بقلم / ملك احمد كمال
Add friend * —> * accept request * —> *close friends * —> * unfriend * —> * block *
ده تسلسل لكتير جدا من العلاقات في حياتنا .. سواء العلاقة ديه علاقة صداقة .. حب .. قرابة .. الخ
كتير من العلاقات في حياتنا بتنتهى نهاية مأساوية بعد ما كانت بدايتها عبارات الـ “forever ” و “احنا محدش يقدر يفرقنا عن بعض ابدا ” و كل الكلام ده ..
بس عمرنا فكرنا ليه تكون نهاية العلاقة بالشكل ده ؟
عمرنا سمعنا عن حاجة اسمها ” سموم العلاقات ” ؟!! …
في علاقات سابت سموم جواك
سابت أكاذيب زي انك وحش ، مش كفايه ، قليل ، غبي ، سخيف ، ممل ، مُعقد و حاجات تانيه كتير..
صعب تكمل حياتك في سلام و سعيد و انت عايش مع الأكاذيب ديه.
طلعها
اطردها
واجهها
و” بدلها بحقيقة انك غالي و مميز”
عشان هي دي الحقيقه انك مميز لنفسك و اصحابك و اهلك و اخواتك .
العلاقات الي ملهاش لزمه هي الي بتدمر حياة اي حد عايز يبقي حاجه او مميز بفكرة أو موضوع .
بس في ناس نوعين من الناس اللي بتواجه الموضوع ده
النوع الأول وهو المستلسم إلى أي حد ممكن يقوله اى حاجه تضايقه فلا ييأس و يكتئب و ميكلمش حد وأي كلام حد يقولهوله ما يسمعوش و يتعقد من الناس و الصحاب و الكلام مع حد و من آراء حد
و مش هيبقي واثق في أي قرار يأخذه و متوتر من اي حد يكلمه ده اسوء نوع بجد .
النوع التاني ده بقى آه بيثق في الناس و أراءهم و كل حاجه بس ليه حاجه هو عارف هيعمل ايه لما اي حد يسبوا في نص الطريق و يمشي و يكون بيحبه و بيعزه اوي بس بيكمل لأن حياته مش هتقف و هيكمل و اكيد ربنا شايله حاجه كبيره طول ما هو متفائل وواثق ان ربنا معاه و يبقي واثق مليون الميه ان الي باعوا أو سابوا هو الخسران جداا..
النوع ده حلو اوي.
الي بيسيب بيبقي ليه أسباب مش زهق يعني مش هتبقى عندك صاحب مثلا و تقوله =لا معلش مش هينفع نبقي صحاب ..
أييييه…..! ليه في ايه، ايه الي حصل؟!
=مافيش بس حاسس اني مش عايز نبقى صحاب.
_ طب في ايه بس ممكن تفهمني..
=مافيش بس زهقت حاسس اني عايز اتعرف علي ناس جديده كفايه ناس قديمه بقا.
_ اه صح طبعا بس اكيد هتضحي ب صاحبك الجدع اللي بيقف جنبك علي طول و الي بيعتبرك اخوه…. طبعا انت صح جدا…كمل زي ما انت عشان محدش هيبقي جمبك طول ما انت بياع…
الأنواع ديه من الصحاب وحشه اوي دي من اكتر العلاقات الي لو حصل حاجه وجعتك فيها بتبقي بكسره نفس عشان دول صحابك اللي بتعقد معاهم اكتر من اهلك و اخواتك اللي عارفين كل مصايبك و حواراتك الي مش بتخلص الي في ضهرك و بيردوا غيبتك
الي حتي لو انت غلطان و هما شايفين انك غلط و حد هاجمك و قلك انك غلط هيقفوا معاك وفي ظهرك .
بس بعد كدا يهزئوك علي اللي انت عملته بينك و بينهم..
هما دول الصحاب الحقيقين الي فعلا فراقهم يفرق في حياتك و لو سابوك تتسوح عشان كانوا ساندينك.
بس في كل العلاقات بتلاقي الحجات الحلوه بتبقي اكتر بكتير من الحاجات الوحشة و بتفضل تفتكرها و تضحك عليها هي و الذكريات اللي بينكو…
حبوا بعض
متكسروش بعض
ماتسيبوش بعض
خليكوا في ضهر بعض
سموم العلاقات وحشه اوي ممكن تدمر اي حد…
