✍️ ياسر خالد
*المهرجان للأفلام المصرية فقط وبندي جايزة للفيلم اللي له موضوع مصري صميم وله قيمة
*إحنا بنقيم السينما تحت شعار نحو سينما مصرية مصرية
*السنة دي حجبت لأول مرة جائزة السيناريو علشان ملقناش موضوع يستحق إنه ياخد جايزة
*كان فيه ترشيح لأحد الأفلام لجايزة أحسن سيناريو وهو مأخوذ عن فيلم أجنبي ومقالوش إنه مقتبس
عقد، مساء السبت الماضي، الحفل الختامي لـ مهرجان جمعية الفيلم السنوي الـ49، برئاسة مدير التصوير محمود، وذلك بحضور عدد نجوم الفن، السينمائيين والمهتمين بالشأن السينمائي.
وقد كان لـ مجلة هاڨن هذا الحوار الممتع والشيق مع مدير التصوير محمود عبد السميع، رئيس المهرجان، فإلى نص الحوار…
حدثني عن ختام الدورة ورأيك في الدورة بشكل عام لهذه السنة.
الدورة بتختلف عن الأخرى بالأفلام اللي بتتعرض، إحنا بنعرض الأفلام اللي تم عرضها في العام الماضي في دور العرض، بيحصل استفتاء عليها؛ لاختيار أحسن سبع أفلام، السبع أفلام دي هي اللي بتدخل تبقى أفلام المهرجان.
وعملنا استفتاء آخر للأفلام العربية، ودي ظاهرة جديدة بقالها سنتين تلاتة إن فيه أفلام عربية كتيرة جدًا بتتعرض، عملنا استفتاء عليها؛ لاختيار أحسن تلات أفلام نديها شهادة.
بياخد شهادة فقط إنه ضمن أحسن تلات أفلام عرضوا في مصر بالنسبة للأفلام العربية والمصرية كما هو معتاد في المهرجان، بيبقى اختيار لسبع أفلام.
هل من الممكن أن يشهد المهرجان العام القادم منافسةً بين الأفلام المصرية والعربية أم أن هذا المهرجان للأفلام المصرية فقط؟
المهرجان للأفلام المصرية فقط تحكيم الجوايز للأفلام المصرية فقط، إحنا بندي شهادة إن الاستفتاء إن أحسن
تلات أفلام عربية عرضت فقط ملهاش جوايز.
وماذا يمثل عرض الفيلم الفلسطيني بختام المهرجان؟
من ضمن الأفلام العربية اللي نازلة دور العرض، وده دعمًا للقضية الفلسطينية.
هناك فكرة مأخوذة عن الأفلام التي تعرض في المهرجانات أنها أفلام للنخبة لكن هذا المهرجان قام بتغيير هذه الفكرة تمامًا ويقوم بعرض أفلام تجارية وأفلام كوميدية حدثني عن ذلك.
إحنا بنقيم السينما تحت شعار نحو سينما مصرية مصرية، وبالتالي بندي الفيلم اللي له موضوع مصري صميم وله قيمة.
السنة دي حجبت ولأول مرة جائزة السيناريو، يعني جايزة الموضوع اتحجبت السنة دي؛ علشان ملقناش موضوع يستحق إنه ياخد جايزة أحسن موضوع اللي هو السيناريو.
لأن بعض الأفلام وكان فيه ترشيح لأحد الأفلام هو مأخوذ عن فيلم أجنبي، ومقالوش إنه مقتبس مقالوش إنه مأخوذ عن كذا، فموجود على إنه فيلم مصري مصري وهو مش مصري.
كون حضرتك مدير تصوير عظيم فمن المؤكد أنك تنظر لكل عنصر من عناصر الصورة في الفيلم الصورة والكادرات والإضاءة أليس كذلك؟
ده اللي بيعمل كده لجنة التحكيم، أنا يعني عارف أنا راجل محترف ومهنتي، وحصلت على جوايز كتيرة جدًا وتكريمات، ده بيرجع للجنة التحكيم فيها متخصصين هما اللي بيحكموا جميع التخصصات.
وما هي أكثر أمنية تتمنى العام القادم في اليوبيل الذهبي للمهرجان؟
إن إن شاء الله يتم ونحتفل باليوبيل الذهبي للمهرجان، ده اللي أتمناه إنه يتم سواء أنا موجود أو مش موجود.
