✍🏻 هاجر زينهم
انتشر منذ قليل فيديو من حفل زفاف هالة عمر مسئولة السوشيال ميديا للفنان تامر حسنى، وظهر في الفيديو هو وشقيقه وهما يسلمان هالة لزوجها، وهو ما أثار غضب بسمة بوسيل طلقة تامر وجعلها تخرج عن صمتها لتعلق على الفيديو.
حيث نشرت بوسيل عبر حسابها الشخصي بموقع تبادل الصور والفيديوهات الانستجرام، مستخدمة خاصية الأستوري قائلة: “احترام العشرة بيبتدي باحترام مشاعر غيرك، وبالذات لو حد كلم سبب رئيسي في خراب بيتك وهدم حياة أولادك، actions talk louder than words unfollow for life”.
“حسبي الله ونعم الوكيل فيكي يا هالة”.
وفقد انتشر الفيديو بين رواد السوشيال ميديا وتسائلوا عن هوية العروس وعن ما صلة القرابة بينهما، مما جعل تامر يوضح ذلك الأمر عبر حسابه الشخصي بموقع التواصل الاجتماعي فيس بوك.
وقال حسني: “لكل اللي بيسأل عن وجه القرابة بيني وبين العروسة الجميلة دي شايف أسئلة كتير أنا هحكيلكوا، هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفت نظري ومرة رديت عليها شكرتها ولما سافرت إسكندرية في الوقت ده لاقيت بنت صغيرة أوي بتعيط وبتجري عليا فـ وقفت لها وفكرتني بنفسي وفضلت تعيط”.
وتابع حسني قائلًا: “وتقولي إحنا معاك ولازم تكمل عشان كنت بتحارب جدًا في بداياتي فـ اتصدمت أن اللي بتقول كده بنت صغيرة كده، والمجهود ده كله اللي عاملاه بنت صغيرة وعندها 14 سنة، وقتها كانت السوشيال ميديا لسه بتطلع وكنا في شركتنا بندور على شركة كبيرة تمسك لي السوشيال ميديا، لحد ما قولت لهم أنا مش عايز شركة كبيرة أنا عايز البنت الصغيرة دي هي اللي هتمسكها”.
واستكمل حسني قائلًا: “فضلوا يقنعوني أن كده مش صح ولازم أكتر حد خبرة يمسكها، وأنا قولت لا لازم أكتر حد بيحبني هو اللي يمسكها، وأنا واثق أن طاقة الحب مفعولها أقوى من طاقة المحترف بلا حب، فـ عرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكة كل شغل الميديا الطفلة الشاطرة اللي كبرت دلوقتي قدامكم هالة عمر”.
وقال: “أما بقى عريسها العسل ده اسمه واحدة عمرو طلب إيديها مني أنا عشان والدها ووالدتها توفاهم الله، في سنة واحدة رحمهم الله ياريت نفتكرهم ونهدي لهم ثواب الدعاء والفاتحة، ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها”.
واختتم حسني قائلًا: “معرفتش أرد على كلا عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
