حواراتفن

هند عاكف لـ هاڨن: “حفل ختام مهرجان جمعية الفيلم مميز جدًا ومنظم جدًا”

✍️ ياسر خالد

*كيرة والجن حصد كثير من الجوايز وهو يستحق لأنه فيلم حلو أوي

*مبسوطة إن صناع كيرة والجن خدوا جوايز كتير الصراحة يستحقوا

*نفسي أعمل شجرة الدر وهدى سلطان ونعيمة عاكف

*نعيمة عاكف واخدة أفضل راقصة في العالم من مهرجان الشباب في موسكو وليها تمثال في مسرح البولشوي

*عايزة أبين في قصة حياة نعيمة عاكف إنها في خلال مدة زمنية صغيرة عملت 23 فيلم

*نعيمة عاكف عملت مجهود كبير في أفلامها لدرجة إن هما عايشين لغاية النهاردة

مساء السبت الماضي، تمت إقامة حفل ختام مهرجان جمعية الفيلم السنوي، برئاسة مدير التصوير محمود عبد السميع، وذلك بحضور عدد كبير من نجوم الفن، السينمائيين والمهتمين بالشأن السينمائي.

وكانت الفنانة هند عاكف من بين الفنانين، الذين حرصوا على التواجد في حفل ختام المهرجان، وقد كان لـ مجلة هاڨن هذا الحوار الممتع والشيق مع هند عاكف، فإلى نص الحوار…

حدثيني عن اللوك الخاص بكِ.

هو الفستان ده من بيروت، الميك أب ساسو بنوتة والشعر ياسمين عزت.

ما هو انطباعكِ عن المهرجان؟

طبعًا سعيدة جدًا النهاردة المهرجان حفل الختام حفل مميز جدًا ومنظم جدًا.
وفيلم كيرة والجن ده حصد كثير من الجوايز، طبعًا هو يستحق؛ لأنه فيلم حلو أوي، وأستاذ مروان حامد مخرج كبير وخد أحسن مخرج، كريم عبد العزيز، المجموعة كلها بصراحة.
الفيلم بيتكلم عن حقبة زمنية تاريخية أيام طبعًا الاحتلال الإنجليزي، وبيتكلم عن المقاومة بيتكلم عن أبطال المقاومة.
فده بصراحة يعني هايل، وأنا مبسوطة إن هما خدوا جوايز كتير الصراحة يستحقوا.

متى ستعودين للسينما؟

والله أنا موجودة لما يتعرض عليا أدوار مناسبة وحلوة أكيد هعملها، السينما طبعًا جميلة يعني.

قدمتِ دورًا مميزًا في أنا قلبي دليلي قصة حياة ليلى مراد من الشخصية التاريخية أو الشخصية الفنية التي تتمنين تقديمها؟

كان نفسي أعمل كليوباترا، واتعمل تقريبًا، نفسي أعمل شجرة الدر، شخصية قوية، ونفسي أعمل النجمة هدى سلطان، نفسي أعمل نعيمة عاكف طبعًا.

نعيمة عاكف تحمل قصتها الكثير من التفاصيل البداية كلاعبة سيرك ثم كانت راقصةً في فترة من الفترات.. حدثيني عن ذلك.

ما هو أنا لاعبة سيرك أساسًا، بشتغل وأنا عندي أربع سنين كنت لاعبة سيرك أساسًا، نعيمة عاكف واخدة أفضل راقصة في العالم في مهرجان موسكو مهرجان الشباب، وليها تمثال هناك في مسرح البولشوي.

وما هو أكثر شيء تردين إظهاره في قصة حياة نعيمة عاكف؟

والله هي تعبت في الآخر جدًا لما جالها الكانسر تعبت جدًا، عايزة أبين طبعًا في خلال مدة زمنية صغيرة عملت 23 فيلم والـ23 فيلم يعني عملت فيهم مجهود كبير، لدرجة إن هما عايشين لغاية النهاردة.

هل هناك عمل درامي قريبًا؟

والله ادعيلي، لو فيه أدوار اتعرضت عليا مناسبة هعملها أكيد.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!