✍️ ياسر خالد
أجرى الإعلامي شريف مدكور والإعلامي والفنان مراد مكرم مداخلةً تليفونيةً مع الإعلامية رضوى الشربيني في حلقة الأمس من برنامج “هي وبس”، والذي يعرض عبر شاشة “cbc سفرة” على الهواء مباشرةً.
وكشف مدكور عن صداقته بالشربيني ومكرم، حيث أوضح أنهما يقدمان برامج فريدةً يصعب تقليدها، مردفًا: “نعمة وفضل أن كل واحد فينا عنده الجزئية بتاعته”.
وأضاف مدكور: “القعدة مع مكرم وأسرته وهما بياكلوا تفتح النفس جدًا، حماته ربنا يديها الصحة أكلها طعم يهبل، ورشا الأكل بتعمله حلو أوي، ومراد وهو بياكل وقعدته والأجواء اللي بيعملها اللذيذة تفتح نفسك، ودي حاجة من عند ربنا”، وهو ما دفع مراد لبتوجيه الدعوة للشربيني ومدكور ليتناولا الطعام على مائدته قريبًا.
بينما تحدثت الشربيني عن رغبتها في توجيه الشكر على الهواء لمدكور، لدعمه لها في بداية مسيرتها الإعلامية.
وأشارت: “عايزة أشكر شريف مدكور على الهواء، لأن أنا أول ما دخلت CBC سفرة كنت مرعوبة وخايفة أطلع هواء أو أسجل، ولم يكن هناك أي شخص يعرفني، ولكن النجم شريف مدكور مد لي يده وقام بإستضافتي في برنامجه بشكل راقي”.
وتابعت: “عمل حلقة حلوة جدا ليا، وسألني على كل الحاجات اللي كان نفسي اتكلم عليها، رغم أننا مش متفقين، وكم من الدعم والحب ولا نفسنه ولا قلب أسود ولا خوف”.
وعلق مدكور أنها تستحق كل خير، وأضاف: “إحنا أخوات وزملاء أنا بعزك جدًا على المستوى الشخصي والإنساني، أنتي تستاهلي كل الخير وأنتي عاملة حالة حلوة، كون الناس تبقى معاكي أو تختلف معاكي، ولكن رضوى الشربيني عملت مدرسة في شكل كرامة المرأة، حتى لو في ناس بتنتقدك أو ضد، بس ليكي الحتة بتاعتك اللي صعب حد يخترقها أو يقلدها، ولو حد قلدك يبقى ماسخ”.
ليؤكد مكرم على كلام مدكور، مختتمًا حديثه: “كل واحد فينا له الجزء بتاعه، لو حد طلع عمل برنامج زي الأكيل، كله هيقول بيقلد مراد، لو حد طلع عمل برامج دايمًا مع الستات هيقولوا بيقلد رضوى، ولو حد عمل برامج ليها علاقة بالأسرة هيقولوا بيقلد شريف، فنعمة وفضل إن كل واحد فينا عنده الجزئية بتاعته”.
https://www.facebook.com/watch/?ref=external&v=662433362381733
