بقلم / ملك احمد كمال
في كل واحد مننا في حجات جواه عمرها ما بتتنسي
سواء كانت حلوه اوي وحشه بس عمرها ما بتتنسي .
و بنسبه لمقولة ” الوقت بينسي ” للاسف حستها مقوله غلط لان الوقت مش بينسي ولا حاجه بالعكس الوقت بيخليك توحشك الأيام الي المفروض انك تنساها و خصوصا لو مع أشخاص بتحبهم و يحبوك الوقت عمره ما هينسي اللحظات الي كنا بنبقا مش قادرين ناخد نفسنا من الضحك ،
او اللحظات الي بنقعد نعيط عشان حد مننا حصله حاجه او كان بيعيط فا بنشاركوا الشعور ده ،
او لحظات التخطيط لما حد يبقي مضايق حد من صحبنا ف نعمل خطه عشان نضايقه. او كلامنا الي مش بيخلص الا مع نهايه اليوم،
لما نبص لبعض علي حاجه احنا بس الي فهمنها و محدش عارفها ، اسرارنا، لعبنا ، خوفنا علي بعض ، و ياسلام لما بننصح بعض بتبقي نصيحه ملهاش اي لازمه و بنعمل بيها و بتلبس كلنا بعد كدا .
كل دي حجات الوقت مش هينسيهالك
حتي الحجات الوحشه مش هتعرف تنساها سعات ناس تقولك ” لو شغلت نفسك ب شغلك،قرأه كتاب، اعمل حاجه مفيده ” هتنسي.
لا مش هتنسي لا هتيجي بعد ما تعمل كل ده و هتقعد مع نفسك تاني و تفتكر ،
عشان قبل الحجات الوحشه كان في حجات حلوه و احلام و كلام و هزار وضحك و عياط و معزه و اهتمام و حنيه.
بس انها تتقلب حاجه وحشه تفتكرها ده اسمو نصيب وان ربنا عارف ان في حاجه هتأذيك فا بعدك عن الشخص ده .
كل الحجات الي انت بتفتكرها دي ممكن تكون وحشه و حلوه بس كلها ذكريات مش هتعرف تنساها حتي الناس الي أذتك و كسرت قلبك و سابتك في وقت انت كنت محتجهم فيه مش هتنسي لان الحجات الوحشه فيها حجات حلوه كتيير.
و لو نسيت هتيجي صور ، records, chats يفكروك.
هيعدي موقف حصل معاك زمان فا هتفتكر وهتعرف انك مش هتنسي.
الذكريات مش وحشه بالعكس دي حاجه حلوه جدا مهما كانت مش كويسه مهما حصل معاك هتفضل تفتكر كل حاجه عدت منك كل لحظه في عمرك عدت ازاي ،
و عملت ايه فيهم؟
، اتعرفت علي مين؟
اتعلمت ايه؟
حبيت مين؟
كرهت مين؟
مين كان جمبك في و لا الشده و مين باعك و سابك في نص الطريق؟
مين الي يستحق يكون في حياتك و مين لا؟
مين الي يقدر يخليك سعيد في حياتك و مين كل ما تشوفه تكتأب؟
مين عايزك تتقدم و تبقي حاجه و مين عايزك تفضل زي ما انت عشان متبقاش اعلي منه؟
كل دي اسأله إجابتها في الذكريات الي عديت و الذكريات الي جايه .
متحاولش تنسي الذكريات حلوه .
” متنساش ذكرياتك”
“Don’t Forget Your Memories “
