فن

عايدة رياض: “أنا عقلانية واتعودت على الوحدة لكن نفسى أحب وأتحب”

✍️ رغدة رضا

حلت الفنانة عايدة رياض ضيفة في برنامج “واحد من الناس”المذاع على قناة الحياة، والذي يقدمه الإعلامي عمرو الليثي، أمس، وتحدثت عن تفاصيل في حياتها وزواجها من محرم فؤاد، وحبسها ظلم، وشائعة زواجها من أحمد بدير. 

أسباب عدم استمرار زواج عايدة رياض ومحرم فؤاد:

تحدثت عايدة رياض عن زواجها من الفنان محرم فؤاد الذي دام 13عام ولم يستمر، وكان عدم الإنجاب من أسباب عدم استمرار هذا الزواج، وأيضا فيلم “أحلام هند وكاميليا” من الأسباب التي زادت المشاكل بينها وبين محرم فؤاد، حيث قالت: “فيلم أحلام هند وكاميليا زود المشاكل بيني وبين محرم فؤاد، وكان متفق معايا أترك التمثيل بعد مشاركتي في فيلمين فقط، لكن بعد الفيلم عملت مسرحيات وابتديت أرجع البيت في وقت متأخر”.

قصة حبس عايدة رياض:

أما عن قضية حبسها ظلم، فقالت: ” تعرضت للظلم في القضية التي دخلت بسببها السجن، الشرطة جت للبيت وقالوا لمحرم فؤاد فيه بنت احنا ماسكينها بتقول إنها معاها 100 دولار، والفلوس المزيفة دي بتقول إنها وخداها من عايدة رياض، والست اللى اتهمتني إني إديتها 100 دولار مزورة طلعت زوجة مخرج، لما وصلنا للمديرية محرم فؤاد اتفاجئ إن فيه مكالمة تليفونية من الست زوجة المخرج دي بتقول لي إزيك وكلام عادي مفيهوش أي حاجة، وطبعا القضايا دي بيبقى فيها شهرين مراقبة.. فات 4 شهور، ومفيش حاجة، بس هما كانوا عايزين المكالمة دي بعد 4 شهور علشان يمسكوني”. 

وأكملت عن الاتهامات الموجهة اليها، قائلة: “لما اتقبض عليا مكنتش حاسة بالدنيا ولما رحت المديرية كل واحد بدأ يألف، ويقول هما مسكوها ازاي اللي قبضوا عليا 4 أفراد منهم واحد من مباحث الآداب، بس كان المفترض يقولوا إنهم واخدني من بيتي مش في وضع غلط، تعرضت لظلم مش بسيط، واتقال عليا حاجات مش كويسة ودي حاجة مش سهلة و متتصدقش، ومحرم فؤاد كان معايا في المحكمة وماسابنيش، طلعت بعدها إشاعات إني اتمسكت في فيلا وكلام ظلم في ظلم، وكان نفسي الناس تتحقق قبل ما يظلموني، ويرجعوا لمديرية الأمن و يعرفوا أنا كنت فين، والقصة كلها كانت متلفقة”. 

أما عن مساندة محرم فؤاد في أزمتها، قالت: “محرم فؤاد اتخانق مع الضابط وكنت ممكن ارجع على طول، ولكن الخناقة اللى عملها هي اللي مرجعتنيش.. بس هو كان عنده حق، ووقف اترافع عني في المحكمة وكان في ضهري، وأيام الثورة ناس حقوقين كلموني وقالوا لي ارفعي قضية وخدي حقك ورفضت وقلت لهم البلد في ايه انتو بتقولو ايه”.

شائعة زواجها:

وقالت عن الشائعات التي انتسبت إليها بأنها تزوجت من الفنان أحمد بدير: “كانت شائعة من أيام مسرحية تكسب يا خيشة وكنت هسيب المسرحية بسببها، وأي اثنين في عمل واحد بتطلع عليهم هذه الإشاعات، أنا عقلانية واتعودت على الوحدة لكن نفسى أحب وأتحب”.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!