الفن نيوز

هكذا هنأ مراد فكري أبطال مسلسل “ولاد إمبابة”

نشر الفنان مراد فكري عبر صفحته الشخصية عبر موقع”الفيسبوك” صور من كواليس مسلسل “ولاد إمبابة” وعلق عليها: صباح الخير .. البوست ده مهم جدََا.. لأني قايل فيه كلمتين شهادة حق .. في حق ناس كتير اتظلمت وناس أخدت أكتر من حقها برضو …. طبعا اتشرفت بوجودي مع كل الأساتذة و النجوم والفنين والفنانين بمسلسل ولاد إمبابة و المخرج الشاطر الطموح ممدوح زكي و مدير التصوير د/ شفيق و الجميل المجتهد ايمن السيناريست أيمن البكري

وأضاف مراد: واتشرفت بمعرفة المنتج بلال صبري و أخويا الجدع و المحترم المنتج عمرو ماندو .. بجد انت انسان محترم و منتج ملتزم بوعودك الفنانين رغم الصعوبات المادية و بتفهم فى الأصول و بتحس بظروف الناس فعلََا ..و رغم كل الصعوبات الفنية اللي قابلتك و الظروف اللي وقفت قدامكم إلا أنكم قدرتو تعدو حواجز كتيرة أنت والمنتج بلال صبري، لحد ما انتهى تصوير المسلسل .. بجد انا مبسوط إني اتعرفت عليك و اشتغلنا سوا .. وبإذن الله هتكون من أكبر المنتجين وأشطرهم الفترة اللي جاية .. انت تستاهل كل خير لأنك محترم و تعرف ربنا…مبروك إنتهاء أصعب المراحل بالعمل و مبروك نجاح المسلسل يا غالي ويارب تكون فاتحة خير عليك وعلينا و تأكد دائما يا صاحبي أن اللي فيها لله مابتغرقش … عيد سعيد عليكم أنت والمنتج و الصاحب الحبيب الطيب بلال صبري و كل أخواتي اللي قدروا بحبهم لبعض أننا نكمل المسلسل و ننجح و نسعد الناس شكرََا”عمرو ماندو، محمود زكي، بلال صبري، هاشم عبدالله فرحات”.

تدور أحداث مسلسل ولاد إمبابة، في إطار كوميدي، من خلال راقصة شهيرة معتزلة متعددة الزيجات والأبناء، وتقرر جمع شمل أولادها وأحفادها، ويلعب لطفي لبيب دور أحد أزواجها، وتجسد دور الراقصة المعتزلة، الفنانة فريدة سيف النصر، وأبناؤها هم سعد الصغير ومصطفى أبو سريع وعمرو رمزي.

مسلسل ولاد إمبابة بطولة فريدة سيف النصر، لطفي لبيب، سمير غانم، أحمد شيبة، سعد الصغير، مراد فكري، مصطفى أبو سريع، شمس، نادر أبوالليف، برلنتي فؤاد، عبدالله مشرف، ومحمود فارس وإسماعيل فرغلى ومحمد فاروق ونجوم فرق المهرجانات أوكا وأورتيجا، ويسرا المسعودي وبوسى شاهين، تأليف أيمن بكري، وإخراج ممدوح زكي.

https://m.facebook.com/story.php?story_fbid=1374155669639198&id=100011343349059

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
إغلاق