بقلم / ملك احمد كمال
الصحاب.. الي حوالينا دول مش صحاب ،لالا،دول أشباه صحاب ،الشات الملون و ال ميم نيم،و القلوب و الورود، دول مش صحاب، الصحاب مش الي بننام معيطين بالليل و نصحي نكتبلهم و نشيت نهزر، و هما ميعرفوش، الصحاب بتدبل سوا بتنضج سوا،زي اغصان الشجر،سوا في نفس الشجره، بيمروا بنفس الظروف ..انزل بوست اقول اني لوحدي يقولوا و انا رحت فين..
لكن دا مجرد كومنت بس!
انا اقرب صحابي الي الان ميعرفوش عني سوا ملامح شخصيتي، لكن حاسس بايه، محتاج ايه ،محدش لأ..
اتسألت مره : لو وقعت في مشكله مين من صحابك اول واحد هتتصل بيه!
-مافيش
اه مفيش كله ف حياته ،كله راسمني ع ورقه بيتباهي بيها اني صاحبه .
الصحاب المفروض مفيش بينهم مين سأل عن مين الاول ،مفيش بينهم ما هو معاه رصيد يكلمني انا ممعيش، لا الصحاب انشالله يكلمو بعض ع ال Notes!
كان نفسي يبقي ليا صاحب / صاحبه اتصل بيه /بيها الساعه ٣ الفجر يرد / ترد و صوته /صوتها رايح م النوم عمال يفوق نفسه عشان يسمعك.
كان نفسي لما اغلط اتهزق منهم عشان ارجع عن غلطي.
مكنتش هزعل منهم حتي لو يجرحوني بالكلام بس كانوا يوقفوني .
“الصحاب نعمه و الي عنده النعمه دي يحافظ عليها اوي.”
