فن

حورية فرغلي: “غسلت خالتي وشُفت راسها أتخشبت بعد وفاتها وبعد موتها الكلاب مرديتش تدخل الأوضة”

كشفت الفنانة حورية فرغلي أصعب المواقف التي مرت بها خلال حياتها، خلال لقائها مع الإعلامي تامر شلتوت، في برنامج In Deep في العمق، وأوضحت أن وفاة خالتها من أصعب الأزمات التي حدثت في حياتها.

حيث قالت حورية فرغلي:”خالتي كانت معايا أنا وأمي قاعدين نتعشى، فجأة وطت راسها افتكرتها نامت، بنصحيها مبتصحاش، جبنالها الدكتور قال ماتت، وربطوا راسها لفوق، لتاني يوم عشان كان يوم شم النسيم، والناس إجازة”.

وتابعت حورية فرغلي حديثها قائلة: “تاني يوم المُغسلة جت الصبح، قالت لماما محتاجين حد من عندكم يكون معانا عشان الصيغة اللي لبساها، ماما قالت لي قومي غسلي خالتك عيب، بصيت لبنتها وقلت طب قومي أنتِ، أنا عمري ما شُفت حد ميت قبل كدة”.

حورية فرغلي: “غسلت خالتي وشُفت راسها أتخشبت بعد وفاتها وبعد موتها الكلاب مرديتش تدخل الأوضة”:

وأكملت حورية فرغلي حديثها قائلة: “مشيت ورا المُغسلة، ومكنتش عارفة أنا خايفة ولا مرعوبة، شيلنا المخدة لقينا راسها أتخشبت لأن بقالها كتير متوفية، وبعد ما خرجت قعدت جنب جوز ماما، قالي برافو، كدة أتغفر لك 50 كبيرة من الكبائر، قُلت له مش كنت أعملهم الأول، وزعلت من ماما جدًا بسبب الموقف ده”.

واستردت حورية فرغلي حديثها قائلة: “بربي كلاب في بيتنا، وكانوا بيدخولوا معايا كل مكان في الشقة، لكن بعد وفاة خالتو عمرهم ما دخلوا الأوضة اللي خالتي توفت فيها، مدخلوهاش لمدة سنة، ودي كانت من أغرب الأشياء اللي لاحظتها من الكلاب، عمري ما خفت من الموت لكن بفكر في شكلي هبقا عاملة إزاي لما أموت، وأكون مكان خالتو”.

حورية فرغلي:”بابا وماما انفصلوا بعد 48 ساعة من ولادتي ومرات والدي ماتت موتة صعبة”:

على الصعيد الآخر، تحدثت حورية فرغلي عن طفولتها القاسية حيث قالت: “طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة”.

وأردفت حورية فرغلي: “الداده بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة”.

وختمت حورية فرغلي حديثها عن فترة طفولتها القاسية قائلة:” بسبب حجم الإيذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير”.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!