قام الفنان ” رامز أمير ” بنشر صورة له من داخل المستشفى على موقع إنستجرام، وعلق عليها قائلاً: “بويكا الغلابة اتنفخ يا رجالة.. هتكلم معاكوا بجد شوية، فكرت كتير قبل مقولكم عشان مكنتش عاوز أزعل أي حد بيحبني، بس حسيت إن ممكن تجربتي دي تبقى مفيدة، تبقى دافع لشخص محبط إنه ميستسلمش لما يقع والدنيا تكسره”.
و “دي إصابة خطيرة حبيتين من تمرين الباركور كنت مخبيها عليكم وللأسف دي مش العملية الأولى بس إن شاء الله الأخيرة، بوقفة ربنا جنبي هوريكم إزاي ممكن تقع وتقوم تاني وتبقى أقوى من الأول، هكمل الطريق اللي وعدت نفسي بيه وهعملكم أكشن متعملش عندنا في السينما قبل كدة، ربنا يقدرني بس وأعرف أشرفكم وعشان خاطري محدش يزعل ويقولي خاف على نفسك، أنا عارف خطورة اللي أنا بعمله من أول يوم وراضي الحمد لله عشان أنا بعمل الحاجة اللي بحبها، دعواتكم بقا عشان لسه شايلكم أكشن كتير في الصندوق”.
حيث كشف الفنان “رامز “عن خضوعه لجراحة بعد إصابة ألمت به أثناء ممارسته رياضة “باركور”، حيث رفض الإعلان عنها في وقتها، رغم أنها تسببت له في إصابة قوية تطلبت أكثر من عملية جراحية
و يذكر أن أخر أعمال “أمير ” مسلسل “الاختيار” بطولة : أمير كرارة وأحمد العوضي ودينا فؤاد وسارة عادل وضياء عبد الخالق ،عابد عناني ،فهد شلبي ، وعدد كبير من الفنانين ضيوف الشرف وهم محمد إمام، آسر ياسين، ومحمد رجب، وإياد نصار، وكريم محمود عبد العزيز، وماجد المصرى، وصلاح عبد الله، وكريم عبد الخالق، ومحمد عز، ومها نصار وآخرين وهو تأليف باهر دويدار، وإخراج بيتر ميمى، وإنتاج شركة سينرجى.
و يتناول مسلسل “الاختيار” حياة أحمد صابر المنسي، قائد الكتيبة 103 صاعقة ،الذي استشهد في كمين “مربع البرث”، بمدينة رفح المصرية عام 2017، أثناء التصدي لهجوم إرهابى في سيناء، و أيضاً قدم العمل حياة الراحل البطل أحمد المنسي و رجاله و ما قدموه للبلد .
