فن

رانيا منصور لهافن:مبسوطة بالشغل مع هبة مجدي ولو جالي فرصة نشتغل مع بعض تاني أكيد طبعاً.

رانيا منصور ممثلة مصرية ولدت في الجيزة، بدأت مسيرتها الفنية كموديل ثم اتجهت إلى التمثيل بالمشاركة في عدة أعمال، حيث يعرض لها حالياً حكاية عيشها بفرحة وتعرض حكاية عيشها بفرحة عبر قناة أون والحكاية من بطولة هبة مجدي، هاني عادل، حسن أبو الروس.

وكان لمجلة هافن حوار خاص معها لتكشف عن تفاصيل كواليس دورها في حكاية “عيشها بفرحة”

حدثينا عن تفاصيل دورك في حكاية عيشها بفرحة؟

اسمها نيفين بتشتغل استايلست بتاعة النجم هادى نصار اللى بيعمله هاني عادل.

هل في صعوبات واجهتك أثناء تصوير المسلسل؟

الصعوبات أثناء التصوير في ضيق الوقت وضيق وقت التصوير واحنا بنصور على الهوا اصلاً ويعني انا لسة بدأت تصوير أول أمبارح والمفروض اول يوم النهاردة للمسلسل والمشهد اللي صورته اول امبارح ده كان في الحلقة التانية فأحنا تقريباً بنصور على الهوا فاضيق الوقت هي اكتر حاجة صعبة في المسلسل.

هل حبيبت العمل مع هبة مجدي ولو أتت فرصة للعمل مرة أخرى هل ستوافقي؟

أكيد حبيت الشغل مع هبة مجدي طبعاً وهاني عادل كمان يعني أنا مبسوطة جداً بالشغل في المسلسل دة واكيد طبعاً لو جالي فرصة نشتغل مع بعض تاني أكيد.

من قام بترشيحك للدور؟

اللي رشحني للدور أستاذ عمرو محمود ياسين دي تاني مرة نشتغل مع بعض اشتغلنا مع بعض قبل كدة حلقات نصيبي وقسمتك وانبسطت الحقيقي جداً بالشغل معاه دي تاني مرة بنشتغل مع بعض وانا بحبه طبعاً جداً على المستوى الشخصي وكمان كتاباته بحبها.

كيف كان التعاون مع المخرج البير مكرم؟

أستاذ البير احنا بصراحة أول مرة نشتغل مع بعض ومبسوطة حقيقي ان احنا بنشتغل مع بعض يعني أعتقد أن شاء الله نعمل شغل كويس.

من المخرج الذي اضاف لـ رانيا منصور في خبرتك؟

بجد يعني مش دبلوماسية خالص بس كل حد اشتغلت معاه بتعلم منه حاجة جديدة يعني بداية مثلاً من أستاذ ماندو العدل في دوري في حارة اليهود اعتقد ان الدور دة يعني لحد دلوقتي الناس مع ان من فترة طويلة بس الناس بتشوفني بتفتكر الدور ده وبتقولي عليه ان هو كان دور حلو فاعتقد يعني ماندو العدل وكمان عملنا مع بعض شغل تاني اشتغنا مع بعض في مسلسل الخروج برضو استاذ طارق رفعت طبعاً اشتغلت معاه في مسلسل سبع أرواح وكنت مبسوطة جداً جداً استاذ مجدي أحمد علي أشتغلت معاه في وضع أمني وبرضو عملنا شغل حلو وانا مبسوطة كان دور حلو أوي عملته في مسلسل وضع أمني، أستاذ عمرو عرفة اشتغلت معاه سينما دة الفيلم الوحيد اللي انا عملته يعني وانبسطت طبعاً جداً استاذ عمرو عرفة مخرج كبير وعنده خبرة كبيرة فـ والله كل حد اشتغلت فعلاً بتعلم منه حاجة جديدة كريم العدل برضو اشتغلت معاه في أسود فاتح هو شاطر جداً وبيهتم أوي بالممثل وبالتفاصيل وبيشتغل على الممثل أوي وبيهتم إن الممثل يكون مرتاح في اللوكيشن فانبسطت طبعاً بالشغل معاه.

كلمينا عن تجربتك مع المؤلف عمرو محمود ياسين؟ وماهي الرسالة التي تحبي أن توجيها له؟

دي تاني نشتغل مع بعض وأكيد مبسوطة طبعاً جداً بالتعامل معاه وبحب الكتابات بتاعته جداً وبقوله ربنا معاك عشان الفكرة بس بنصور في وقت مزنوق جداً والحلقات بتتكتب على آخر وقت التصوير على الهوا فايعني بطل بصراحة إن هو عرف وبيحضر معانا كمان التصوير فايعني برافو الحقيقة عامل مجهود كبير اوي ربنا معاه

ما أكثر عمل درامي أتعرض في الأونة الأخيرة ونالت إعجابك؟

انا اتفرجت على الحلقات اللي فاتت من مشكلة ٥٥ حب أول واحدة بتاعه أحمد فهمي وتاني واحدة بتاعه هنا شيحة وأحمد جمال سعيد ونهى عابدين وملك قورة وإسلام جمال الحكايتين كانوا أحلى من بعض الحقيقة واللهي بجد مش تحيز يعني من غير اي مجاملة لا هما فعلاً عجبوني جداً غير كدة عجبني الحلقات بتاعه مسلسل حدث بالفعل الحكاية الاولانية بتاعة غادة عبد الرازق حلوة أوي وهي ممثلة حلو اوي بصراحة هي وسلمى أبو ضيف والحماية التانية بتاعة كريم فهمي برضو عجباني اوي.

ما أكثر دور قريب من شخصيتك؟

بحس ان كل شخصية بيبقى فيها حته بتاعتي فا مفيش دور أنا في دور في صفات مني بيبقى في صفات تانية مش عندي فاهما مجموع الشخصيات أنا والله في حاجات انا بتعلمها من الشخصيات اللي انا بعملها.

هل يوجد أعمال جديدة في الفترة القادمة؟

أنا بصور فيلم دلوقتي اسمه سيستم بس أنا مش بعمل دور رئيسي بعمل دور ضيفة شرف بطولة أحمد الفيشاوي ونسرين طافش فيلم لطيف كدة رومانسي لايت كوميدي وفي مسلسل.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!