فن

أبرزهم حمزة العيلي و طه دسوقي….. نجوم يدعمون موقف محمد سلام 

حرص عدد كبير من النجوم على دعم موقف  الفنان محمد سلام تجاه القضية الفلسطينية  بعد اعتذاره  عبر مشاركته لفيديو يعلن فيه عن عدم مشاركته في مسرحية “زواج اصطناعي” والذي من المقرر أن يتم عرض المسرحية يوم٣٠ أكتوبر، حيث تصدر محركات البحث جوجل خلال الساعات الماضية 

محمد سلام يعتذر عن عدم مشاركته في مسرحية زواج اصطناعي بسبب دعمه القضية الفلسطينية 

شارك محمد سلام فيديو يعلن فيه عن عدم مشاركته في المسرحية بسبب كلمة القضية الفلسطينية  وذلك عبر حسابه الشخصي علي موقع تبادل الصور والفيديوهات إنستجرام وعلق قائلا:” :  إن شاء الله هسافر بكره الرياض عشان أعرض مسرحية زواج اصطناعي، والمفروض إنها مسرحية كوميدية وفيها أغاني واستعراضات والمفروض إننا هنعرض إن شاء الله يوم 30 وهنعرض في وسط الأحداث اللي بتحصل في غزة، مش متخيل إني هروح اعمل مسرحية واهزر واغني وارقص وأخواتنا في فلسطين عمالين بيتقتلوا ويذبحوا ومفيش حاجة بتحصل، انا مش هقدر اسافر طبعًا.

https://www.instagram.com/tv/Cyy_9dzNYsu/?igshid=MzRlODBiNWFlZA==

وأضاف محمد سلام: ليه بقول الكلام ده في آخر لحظة؟، أنا كنت على أمل طول الفترة اللي فاتت، إن الموسم يتلغي أو يتأجل زي ما حصل في مهرجان الجونة والقاهرة أو يحصل إن الموضوع يهدى في فلسطين في غزة، والناس تدخل، ونقدر نعرض، بس مفيش حاجة بتحصل، وتقريبًا فيه ناس عمالة تموت لحد دلوقتي ومفيش حاجة بتحصل، فأنا ازاي هروح اعرض والناس بيحصلهم كده في فلسطين.

وتابع:”سامحوني إذا كان إحساسي أوفر شوية حاسس إني لو عملت كده، زي اللي بقتلهم بالظبط، إني خذلتهم، مش عارف اعملهم حاجة، كفاية علينا السكوت اللي احنا فيه كلنا، ومفيش حاجة بتحصلهم، مش بس هكون ساكت لا هكون بغني وارقص واللي بيحصل بيحصل في فلسطين، أنا بعتذر جدًا عن إني أشارك في موسم الرياض، والمشكلة إن دلوقتي اللي بيحصل في فلسطين ده، ديه قضية كل مسلم في المقام الأول، والمفروض الواجب  على كل المسلمين إنهم يساعدوا إخوانهم في غزة ويحاولوا يقدموا لهم أي مساعدة، فأنا دلوقتي مفيش حاجة أقدر اعملها زينا زي ناس كتير دلوقتي، نفسنا نساعد بس للأسف مش قادرين نعملهم حاجة

وأردف:”دلوقتي لما ربنا يتوفانا ونتسأل أنت ساعدت اخوك المسلم في فلسطين عملتله إيه؟ اللي مقدرش يعمل حاجة هيسكت طبعًا، أنا هرد هقول إيه؟ هقول إن في الوقت اللي كان فيه اخواتنا في فلسطين بيضربوا ويموتوا ويدبحوا الاطفال والنساء انا كنت بعمل مسرحية كوميدية وبضحك الناس وارقص واغني، طبعًا لا مش هقدر اعمل كده، كان عندي أمل الموسم يتبدل أو يتلغي، لكن هو مازال قائم وماليش في إني أتدخل ليه هو قائم، مش هقدر أكون جزء في اللي بيحصل ومش هقدر أشارك في الموسم، والمفروض إننا منكتفيش بالدعاء لأخواننا في فلسطين، معرفش إيه تاني يحصل،  بس ميكونش الدعاء بس”.

واختتم محمد سلام حديثه قائلًا: وحابب قبل ما اقفل اقول اللهم طهر قلبي من النفاق وأعمالي من الرياء، الفيديو  ده معمول؛ لأني فعلًا في مشكلة؛ لأني بقالي كتير جدًا مش عارف اسافر ولا اعمل إيه وامبارح كنت قاعد مع فنانين وقالولي سافر ده أكل عيشك وهو فعلًا التمثيل ده رزقي ورزق أولادي واللي بصرف عليه، دلوقتي أنا لو مسافرتش هل هموت من الجوع؟ أكيد لا، بس الناس هي اللي هتموت في غزة، ولو حد هاجمني هيقول بس التمثيل ده رسالة، أنا عارف طبعًا، خصوصا الكوميديا إني اضحك حد واضفي روح البهجة، والمفروض فكرة إن دخول البهجة على قلب حد له أجر، بس السؤال مين اللي احنا محتاجين ندخل البهجة على قلبه دلوقتي مين؟.. شكرًا.

حمزة العيلي يدعم محمد سلام 

حرص الفنان حمزة العيلي على دعم محمد سلام وذلك بعد اعتذار محمد سلام عن مشاركته في المسرحية حيث نشر بوست يعبر فيه عن دعمه وذلك عبر حسابه الشخصي على موقع تبادل الصور والفيديوهات فيس بوك:” محمد سلام إنسان نقي صادق  أحبه وأحترمه صديقًا وفنانا  موقف حقيقي بمقام جهاد  لا لوم على أحد ولكن هذا أقل ما يمكن فعله”. 

فيدرا تدعم محمد سلام 

حرص الفنانة فيدرا على دعم محمد سلام وذلك عبر حسابها الشخصي على موقع تبادل الصور والفيديوهات  فيس بوست وعلقت على البوست قائلة:” هو كسب كل حاجة علشان عمل بعقيدته.. ما خافش من حد، خاف من نفسه اللي حتلومه لو ما عملش وطبعا خاف من ربه.

 وتابعت: سلام مافيش منه كتير. ده واقع.. وطبعا كل انسان حر وكل إنسان عارف نفسه وعارف مقدرته ولا يكلف إلا وسعها.

طه دسوقي يدعم محمد سلام 

دعم طه دسوقي محمد سلام عبر حسابه الرسمي على موقع فيس بوك وعلق قائلا:” لو دوري اني ادخل البهجة السؤال هنا مين اللي احنا محتاجين اننا ندخل البهجة على قلبه دلوقتي؟”.

عبد الرحيم كمال يدعم محمد سلام 

حرص الكاتب عبد الرحيم كمال على دعم محمد سلام وذلك عبر حسابه الشخصي علي موقع تبادل الصور والفيديوهات فيس بوك وعلق قائلا:”برافو الفنان المصري محمد سلام اعتذر عن السفر لعرض مسرحية كوميدية استعراضية في الرياض لان الظروف لا تسمح  بذلك  تحية  تقدير  لفنان مصري محترم”.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!