خواطر

ماما


بقلم / ملك احمد كمال

ماما انا جيت انت فين؟..
ماما شكلي حلو؟..
ماما انا تعبانه…
ماما تعالي احكيلك الي حصل الناهرده .
-كلمه “ماما” ممكن اتقال في اليوم اكتر من ١٠٠ كره حتي لو مش عايزين حاجه بس وجودها في البيت بيعمل لينا راحه نفسيه بيخلينا مطمنين و مش عايزين حاجه بس وجودها ف البيت بيعمل روح للبيت او للمكان الي احنا فيه
مجرد بس احنا نشوف ضحكتها او نسمع صوتها كل الوجع الي احنا فيه و حاسين بيه بيروح.
-انت مش مجرد ام بتقوم بواجبها تجاه اولادها انت عملتي أدوار كتير غير كونك ام ..عملتي دور الصديقه الي لو مهما قولتلها اي سر عمرها ما تطلعه بره. عملتي دور معلمه الي معلمتنيش بس ازاي اقرأ و اكتب ..لا علمتني الحياه ماشيه ازاي و الناس في منهم الحلو وأمنهم الوحش.
-ضحيتي بكل حاجه في سبيل راحتي ،شهرتي كتير بسبب تعبي. قلقتي في كل لحظه كان عندي فيها امتحانات و مذاكره.

لو هوصفك بكلمه فهوصفك ب”العطاء” عشان ادتيني حاجات كتيره بدون مقابل في سبيل انك تشوفيني ناجحه و مبسوطه و في احسن حال
مهما اتكلمت عنك طول حياتي هيكون رساله شكر صغيره من الي انت بتقدميه ليا شكرا انك كنتي أفضل صديقه ،افضل و اشكر معلمه،شكرا لكل مره وقفتي فيا،شكرا لكل مره كنتي مصدقاني ان انا بعمل حاجه و متاكده ان انا هنجح فيها.
شكرا علي وقوفك الدائم في ضهري و عمرك ما سمحتي لحد يوقعني
شكرا علي كل مره حسستيني فيها ان انا جميله وكل مره ادتيني ثقه في نفسي.
شكرا من هنا لبكره مش كفايه

شكرا علي وجودك في حياتي..

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!