فن

محمد سلام يلغي متابعة بيومي فؤاد

فاجأ الفنان محمد سلام متابعيه بإلغاء متابعة الفنان بيومي فؤاد ولكن لم يلغي بيومي فؤاد متابعة محمد سلام، وذلك بعد تصريحات بيومي فؤاد بشأن اعتذار محمد سلام عن مسرحية زواج اصطناعي.

ولم يحذف الفنان محمد سلام اي صور تجمعه بالفنان بيومي فؤاد سواء في كواليس مسرحية حزلقوم، او كواليس مسلسل ربع رومي، او في مسرحية تس.

تصريحات بيومي فؤاد بشأن اعتذار محمد سلام

وجه الفنان بيومي فؤاد رسالة لمحمد سلام وذلك بعد انتهاء مسرحية زواج اصطناعي حيث قال:” من حقك تعتذر عن المسرحيةلكن مش من حقك تغلط في فنك.. إحنا مابنجيش علشان نضحك حضراتكم.. إحنا بنقدم فننا المصري وبتحترمونا وإحنا بنحترمكم جدًا”.

وتابع الفنان بيومي فؤاد تعليقه: “إحنا اتهانا واتظلمنا وإحنا جايين نقدم فن إحنا مش بتوع فلوس.. والعرض ده لو قعد 15 يوم تاني بدون أجر هيكون لينا الشرف”.

واختتم: “بنشكر دعمكم وبنشكر مساندتكم لأنور ولينا أنا فنان مصري وليا الشرف.. وشيء عظيم إن الفنان يكون له جمهوره في كل الدول، شيء عظيم إني أخرج اتصور مع شاب سعودي أو سيدة سعودية وهي تعلم أني مصري أنا بشرف بلدي”.

أبطال مسرحية زواج اصطناعي

يشارك في بطولة المسرحية كلًا من بيومي فؤاد، بيومي فؤاد، ودنيا سامي، وإيمان السيد، سليمان عيد، مصطفى غريب، ومحمد أنور آخرين.

اعتذار محمد سلام عن مسرحية زواج اصطناعي

اعتذر الفنان محمد سلام عن مسرحية زواج اصطناعي من خلال مشاركته لفيديو عبر حسابه الشخصي على موقع إنستجرام وعلق قائلا:” :  إن شاء الله هسافر بكره الرياض عشان أعرض مسرحية زواج اصطناعي، والمفروض إنها مسرحية كوميدية وفيها أغاني واستعراضات والمفروض إننا هنعرض إن شاء الله يوم 30 وهنعرض في وسط الأحداث اللي بتحصل في غزة، مش متخيل إني هروح اعمل مسرحية واهزر واغني وارقص وأخواتنا في فلسطين عمالين بيتقتلوا ويذبحوا ومفيش حاجة بتحصل، انا مش هقدر اسافر طبعًا”.

https://www.instagram.com/tv/Cyy_9dzNYsu/?igshid=MzRlODBiNWFlZA==

وأضاف محمد سلام:” ليه بقول الكلام ده في آخر لحظة؟، أنا كنت على أمل طول الفترة اللي فاتت، إن الموسم يتلغي أو يتأجل زي ما حصل في مهرجان الجونة والقاهرة أو يحصل إن الموضوع يهدى في فلسطين في غزة، والناس تدخل، ونقدر نعرض، بس مفيش حاجة بتحصل، وتقريبًا فيه ناس عمالة تموت لحد دلوقتي ومفيش حاجة بتحصل، فأنا ازاي هروح اعرض والناس بيحصلهم كده في فلسطين”.

وتابع:”سامحوني إذا كان إحساسي أوفر شوية حاسس إني لو عملت كده، زي اللي بقتلهم بالظبط، إني خذلتهم، مش عارف اعملهم حاجة، كفاية علينا السكوت اللي احنا فيه كلنا، ومفيش حاجة بتحصلهم، مش بس هكون ساكت لا هكون بغني وارقص واللي بيحصل بيحصل في فلسطين، أنا بعتذر جدًا عن إني أشارك في موسم الرياض، والمشكلة إن دلوقتي اللي بيحصل في فلسطين ده، ديه قضية كل مسلم في المقام الأول، والمفروض الواجب  على كل المسلمين إنهم يساعدوا إخوانهم في غزة ويحاولوا يقدموا لهم أي مساعدة، فأنا دلوقتي مفيش حاجة أقدر اعملها زينا زي ناس كتير دلوقتي، نفسنا نساعد بس للأسف مش قادرين نعملهم حاجة

وأردف:”دلوقتي لما ربنا يتوفانا ونتسأل أنت ساعدت اخوك المسلم في فلسطين عملتله إيه؟ اللي مقدرش يعمل حاجة هيسكت طبعًا، أنا هرد هقول إيه؟ هقول إن في الوقت اللي كان فيه اخواتنا في فلسطين بيضربوا ويموتوا ويدبحوا الاطفال والنساء انا كنت بعمل مسرحية كوميدية وبضحك الناس وارقص واغني، طبعًا لا مش هقدر اعمل كده، كان عندي أمل الموسم يتبدل أو يتلغي، لكن هو مازال قائم وماليش في إني أتدخل ليه هو قائم، مش هقدر أكون جزء في اللي بيحصل ومش هقدر أشارك في الموسم، والمفروض إننا منكتفيش بالدعاء لأخواننا في فلسطين، معرفش إيه تاني يحصل،  بس ميكونش الدعاء بس”.

واختتم محمد سلام حديثه قائلًا:” وحابب قبل ما اقفل اقول اللهم طهر قلبي من النفاق وأعمالي من الرياء، الفيديو  ده معمول؛ لأني فعلًا في مشكلة؛ لأني بقالي كتير جدًا مش عارف اسافر ولا اعمل إيه وامبارح كنت قاعد مع فنانين وقالولي سافر ده أكل عيشك وهو فعلًا التمثيل ده رزقي ورزق أولادي واللي بصرف عليه، دلوقتي أنا لو مسافرتش هل هموت من الجوع؟ أكيد لا، بس الناس هي اللي هتموت في غزة، ولو حد هاجمني هيقول بس التمثيل ده رسالة، أنا عارف طبعًا، خصوصا الكوميديا إني اضحك حد واضفي روح البهجة، والمفروض فكرة إن دخول البهجة على قلب حد له أجر، بس السؤال مين اللي احنا محتاجين ندخل البهجة على قلبه دلوقتي مين؟.. شكرًا”.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!