بقلم / ملك أحمد كمال
اي واحده ممكن تكون امنيتها انها تبقي اميره في قصر و يجلها امير علي حصان ابيض و يبقي حواليها حراس يحموها و يحرصوها و يبقي ليها خدم يخدمها لو طلبت اي حاجه تبقي تحت أمرها..
بس في نوع تاني النوع دا بقي بالنسبه ليا هو احسن من النوع الأول ده..
الي بتعتمد علي نفسها في كل حاجه مش محتاجه خدم يخدموها ولا حرص يحرصوها عشان هي عارفه هي بتعمل ايه قادره تعمل كل حاجه لنفسها و تحمي نفسها من اي حد..
هي قادره تتعب،تجهد، تتعلم،تجرب،تقع،تقوم،و مافيش شك بعد كل ده انها هتنجح في الحاجه الي هي بتعملها مهما كانت الحاجه دي ايه..!
هي قويه و تقدر تعدي اي حد و تعلي علي اي حد مهما كان مين و نجاحوا قد ايه..
هي تقدر تعدي اي مشكله بطريقتها الي بتسحر ..اكن ولا اي حاجه حصلت..
النوع الي عايزه تبقي اميره في قصر و تشرط و تتشرط فيه..حقك بس قولي لنفسك كدا انتي عملتي ايه في حياتك ايه النجاح و الإنجاز الي عملتي في حياتك عشان تتشرطي علي حد….فكرتي …..مش هتلاقي ..
لازم يكون عندك هدف و نجاح في حياتك عشان تتشرطي علي حد..
في بنات من صغرهم بتبقي فكره الجواز دي في دمغهم بتبقي عايزه تكبر عشان تلبس فستان فرح و ترقص و تضحك.
بس ليه ميكنش عندها طموح…يعني ليه مفكرتش لما تكبر ممكن تشتغل ايه…؟
تسافر فين…؟
تعيش فين…؟
طموح الجواز ده مش طموح ده حاجه احنا بنتخيل انها كدا مع ان في حجات في حياتنا اهم بكتييير اويي بجد…
هو الجواز اكيد step هتيجي في حياتنا بس في وقتها لو اجتهدتي و بقيتي حاجه كبيره هتلاقي حد يستاهلك و يقدر كل التعب الي تعبتي و الي هتتعبي عشان هتلاقي حد تعب نفس التعب عشان يوصل الي هو في ده…
وبالنسبه للناس الي بتقول ” مافيش شغل بعد الجواز” لا معلش الي يقول كدا يبقي عارف انك لو اشتغلتي و تعبتي هتبقي اعلي منو و احسن منو فا بيتقال اي كلام…
هي قادره
هي قويه
هي احسن
هي اشطر
هي انقي
هي بتتعب
هي بتجتهد
هي بتغلط
هي بتصلح
هي بتنجح
هي بتفرح…
