فن

“جسمه تلج ووشه أصفر”.. كواليس وفاة طارق عبدالعزيز على لسان شريف منير 

تحدث الفنان شريف منير عن كواليس اللحظات الأخيرة في حياة الفنان الراحل طارق عبدالعزيز، من خلال مداخلة هاتفية لبرنامج الحكاية الذي يقدمه الإعلامي عمرو أديب.

تصريحات شريف منير

وقال شريف: “النهاردة كان عندنا تصوير في فيلا في أكتوبر المفروض إنها الديكور بتاع “طارق” الله يرحمه اللي كان بيلعب شخصية شريف.. وهو گان في حالة تألق عالية جداً جداً وكان في حالة نفسية كويسة نشيط و بيهزر

وأضاف: “بعدين في مشهد بعمله أنا وهو وممثلة شابة اسمها نانسي، المفروض أن هي بتيجي ترن الجرس و يروح هو يفتح الباب علشان يقابلها و أنا بخشلهم من الكادر بقول جملتين مني ليها بعدين هو بيسيبنا و بيخرج

وتابع: “عملنا بروفا و صورنا مرة فـ أستاذ طارق رفعت المخرج قال عايزين نعمله مرة كمان، و قفنا و جهزنا و لسه هنقول أكشن لقيت طارق جه ناحيتي، لما جه ناحيتي أنا شفت لونه بيروح فجأة سند عليا و لقيته قعد على كرسي و سند دماغه على واحد قصاده

واختتم كلماته: “قولتله ايه يا طارق في ايه قالي مش قادر اقف على رجلي، بعدله لقيت وشه أصفر أصفر أصفر بعدين أبيض أبيض أبيض بدأ يثلج بدأ يروح مننا

نزلته عالأرض رفعت رجله و حاولت أدلك له قلبه كذه مرة و عينه مرفوعه فوق أنا مش قادر أقول إن حصل حاجة.. فتحت القميص حطيت ودني على صدره علشان اسمع ضربات قلبه مسمعتش حاجة

فكلهم قالوا يلا بسرعة نشيله نروح على اقرب مستشفى جريوا كلهم بالعربية و بعديها احنا حصلناها.. رحنا لكن قالوا هو جاي أنه متوفي يعني زي ما أنا حسيت

وفاة طارق عبد العزيز

ويذكر أن توفي أمس الفنان طارق عبدالعزيز عن عمر يناهز 55 عاماً بعد تعرضه لأزمة قلبية مفاجأة، أثناء تصوير مشاهده في مسلسل “بقينا اتنين”، والذي من المقرر عرضه قريبا على الشاشة، ومن المقرر أن تقام صلاة الجنازة اليوم بعد صلاة الظهر بمسجد الشرطة الشيخ زايد.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!