حوار/ خالد حمادة أحمد
ادم هانى بدا يدرس الموسيقى فى عمر ال6 تخصص فى الغناء والعزف فى معهد قيثارة واتجه مع الموسيقى الى التمثيل والفاشون وقام بالعديد من الحفلات للعديد من البرامج الشهيرة مثل شارع شريف و8 الصبح ومعكم وولاد وبنات وعسل ابيض وصور كليبات مع مطربين مشهورين وصور العديد من السيشنز مع مصورين مشهورين وصور اعلانات.
فى البداية عرفنا بنفسك فى سنة كام ؟
اسمى ادم هانى عندى 11 سنه.
مين نمى موهبتك ومين شجعك ؟
اول حاجة ماما وبابا وبعدين مدربينى.
كيف اختيارك للمجال ده ؟
انا بحب الموسيقى والتمثيل والتصوير من وانا صغير وماما شجعتنى.
ايه الخبرات اللى اتعلمتها ؟
انى اتدرب كتير عشان الحفلة او التصوير او السيشن يطلع حلو.
ما الصعوبات التى واجهتك ؟
انى ساعات ببقى تعبان وبنزل عشان لو فى حفلة او تصوير واوقات بتبقى الدنيا برد او حر جامد او بكون راجع من المدرسة وكمان ممكن اعيد كذا مرة لحد ما يطلع حلو.
كيف كانت اجواء كواليس التصوير ؟
ببقى مبسوك لان بيبقى فيه مع للشغل ضحك وهزار وبتعرف على ناس كتير.
ماهى طموحاتك خلال الفترة القادمة ؟
اعمل سيشنز وحفلات واعلانات كتير.
حدثنا عن ردود افعال الجمهور حول اخر عمل ليك ؟
اخر عمل سيشن الكورونا والكومنتس انى بعرف اعمل شخصيات مختلفة ورياكشن بتاعى حلو.
هلى فى شخصيات اثرت فى حياتك ؟
مدربينى اللى بيساعدونى ابقى شاطر مستر وائل كرم ومستر على قطب ومحمد عاطف ، محمود عاطف وكل اللى بيشجعونى.
من هو مثلك الاعلى على الشاشة ؟
بحب احمد مكى ، شريف مدكور.
من مثلك الاعلى فى الغناء ؟
محمد منير ، محمد فوزى.
