انتشرت منذ الأيام الماضية جرائم التحرش التي غضبت الشعب المصري و من ضمنهم نجوم كثيرة.
حيث قامت الفنانة ليلى علوي بنشر صورة لها من فيلم المغتصبون عبر حسابها الشخصى على موقع انستجرام و علقت عليها قائلة : “
مفيش بنت ماتعرضتش للتحرش ، جملة بتتردد كتير اليومين دول سك الحوادث المؤسفة اللى بنعيشها وبنسمع عنها ، جملة صادمة ومرعبة ومن المخيف إن الشواهد بتقول إنها حقيقة.. علشان كده لازم نقف عندها وكل بنت وشت تفكر وتقرر إنه مش من حق أى حد أيا كان إنه يخترق خصوصيتها ويقتحم مساحة هى ماسمحتش بيها ، لا لفظآ ولا فعلآ ولا بأي شكل من الأشكال ، لأن السماح بأي تجاوز غلط ، وممكن يتطور لما عملت فيلم المغتصبون سنة ١٩٨٩ المستوحى هو اسوأ مع الأسف عن قصة حقيقة هزت المجتمع كله وقتها قصة فتاة المعادي ،عشت التجربة القاسية دي من خلال الشخصية وحسيت بأحساس كل بنت أتعرضت لأنتهاك بشع وكنت ومازلت مساندة لبطلة الفيلم (صفاء كامل) اللي قررت تاخد حقها وتعلن عن اللي اتعرضتله مهما كانت الظروف ، ووقتها وصلت عقوبة المغتصبين للإعدام. ومن هنا يومها ولحد النهارده ودلوقتى بالذات وأنا بدعو كل بنت اتعرضت للتحرش من أي نوع أنها تتكلم وترفض وتاخد حقها الكامل بالقانون…علشان تقدر تكمل حياتها وعلشان تمنع الأذى عن بنات تانية ممكن يتعرضوا للي هي اتعرضتله..
و تابعت قائلة ” أدعو كل بنت خايفة أو قلقانة أو مش عارفة الطريق الصحيح إنها تتواصل مع المجلس القومي للمرأة وهتلاقي كل الدعم سواء نفسي أو قانونى على رقم 15115 أو أستشارة تحتاجها من أى نوع متن جميعآ بخير وفي أمان”.
ويذكر أن أخر أعمال ليلى علوي فيلم” التاريخ السرى لكوثر” الذي تم تصويرة ولم يُعرض إلى الأن.