شعر

قصيدة ‏وحشتيني 2


بقلم_احمد عبوده

وحشتيني ..
وجايز بكره نتقابل
ونتكلم
وتيجي عنيا في عنيكي
ف ينزف جرحي ويعلم
وابان قدام عنيكي ضعيف
زرعت الحب جواكي
حصدت كره ليه ف خريف!!
منيش جايلك عشان زعلان
ولا موجوع
ولا ف عنيا أي دموع
منيش جايلك عشان متهان
ولو كان يعني بالأمكان
همثل إن أنا نسيتك
وانك تجربه ومرت
‏ولو يعني الحبال كرت
هقول عنك بأنك أهل
وكل الصعب وياها
عدي عليا فعلا سهل
هقول إنك
جميله وعاقله فوق سنك
وهاديه ف معظم الأوقات
هقول عنك حاجات ياما
حاجات يمكن متعرفيهاش
لكن وياكي حسيتها
هقول إنك قمر جدا
وعمر عنيكي ما نسيتها
هقول عنك كلام متقلش
وعمر ف يوم ما كان يتقال
‏هقول إني أنا العاشق
ودايب حتي وإحنا عيال!❤

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!