حوارات

“أشرف رفاعي”، رسّام جراحة ومصور

مي قاسم

أولا مرحبًا أشرف،
أنا لن أبدأ معك الرحلة فقط من بداية مشوارك بالرسم، لكن سنبدأ من محطة أبعد من هذا، أشرف ماذا يمكنك أن تخبرنا في فترة طفولتك ومراهقتك؟ وهل كان لطريقة تنشئتك وتربيتك أثر في حاضرك الذي تعيشه الآن؟

طفولتي كانت بسيطة مدرسة و مذاكرة و دروس و رسم كنت برسم من الصغر رسومات كرتونية كتير لحد ما والدي توفي في 4 ابتدائي الفترة دي اثرت كتير علي نفسيتي و اصبحت انطوائي جدا لاني كنت متعلق بوالدي لحد تقريبا ثانوية مكنتش برسم و لكن علي اعدادية نزلت شغل ف سوبر ماركت السلام في شارع النادي بطنطا اشتغلت فيه 3 سنوات و الشغل مكنش عشان قله فلوس و احتياج لكن كنت عايز اجيب كاميرا و دي كانت عودتي للفن بشكل عام و بعد 3 سنين شغل مع الدراسه جمعت فلوس الكاميرا و فنفس الوقت كسرت انطوائيتي و تعاملي مع الناس بقي افضل و احسن و ده ساعدني كتير بعد كده.

كيف أكتشفت موهبتك الفريدة بالرسم التشريحي؟ وهل تأثرت أو حاولت في البداية تقليد أحد المحترفين بهذا النوع من الفن؟ وكيف أختلقت أسلوبك الخاص؟

كنت مُلهَم و محب جدا للحيوانات و طريقة التعامل معاهم و مع سلوكهم و كنت بتفرج و متابع و مازلت ل ناشونال جيوغرافيك و كنت حابب اني اكون طبيب بيطري تخصص حيوانات برية و مصور حياة برية في ناشونال جيوغرافيك.. بدايتي مع الرسم الطبي او التشريحي كانت من اول سنه فيها دراسه تشريح فالكلية ف أي كلية طبية بيتم دراسه التشريح علي مدار سنتين و لحُسن حظي اني درست تشريح مش زي اي تشريح انا درست تشريح مُقارنٍ Comparative anatomy يعني نقارن بين فصايل كتير مختلفه من ضمنهم الانسان ف كانت مادة صعبة جدا في دراستها لان كل جزء او جهاز فالجسم بيتقارن بين فصايل و فيه فروق كتيره جدا ف بدأت ارسم Notes للمذاكرة يعني اذاكر التشريح بالرسم و الاعصاب و العضلات و العضم و كله تقريبا بالرسم بعد اول سنه فالكلية اشتغلت ف صيدليات بشرية و اخرهم من حوالي سنه و نص او اقل بقليل ف كان شفت العمل بتاعي مسائي من 1 بليل ل 9 الصبح ف كان بيبقي في وقت فراغ كبير بعد صلاة الفجر لحد الساعه 9 ف قررت اني استغلت الوقت ده بمثابه كورس مكثف للرسم الطبي بدأت ادخر جزء من دخلي و اشتريت الوان و اسكتشات و بدأت اطلع علي المراجع الطبية زي مرجع Frank netter md و Grants و Gray’s و لكن اكترهم تأثيراً كان دكتور frank netter و حبيت طريقة تلوينه و تناسق الالوان اتدربت علي اسلوبه و هو ليه مدرسه و كلية طب بإسمه فيها كتير من محبي طريقة دكتور نيتر و حاولت انقل ده لمجالي فالطب البيطري و طبعا اي معلومات تشريحيه بشرية ف هتفيديني لكن كان الاصل التدريب علي طريقته ف رسوماته يعني كنت واخده ك Reference و ان هطبق ده ف أطلس تشريح مقارن للحيوانات.

متى بدأت بنشر موهبتك على وسائط التواصل الإجتماعي وكيف وجدت بنفسك الشجاعة على فعل هذا؟ كثير من الأناس تذبل موهبتهم بسبب الخوف من مشاركتها مع الأخرين بماذا تنصحهم؟

أشرف حدثنا أكثر عن تأثير الرسم على شخصيتك و حياتك، ما نوع المشاعر التي تُثيرها فيك موهبتك؟

أنا مُلهَم بالفن و لكن الفن الطبي فعلا بحس ان شغفي بيزيد لما بشوفه و ده خلاني استزيد ف حاجة بحبها زي الرسم و خلاني ادرس فن كويس و افهم و احلل الي بشوفه بتدقيق زي الرسم و مفيش احسن من احساس انجاز عمل فني ليك و تشجيع الناس و ان في ناس كتير كبيرة و صغيره معجبين بالي بقدمه و نفسهم يعملوا زيي و ان شاء الله انا ناوي اني ابدأ ف كورسات تعليميه فالنوعيه دي من الرسم بطريقه خاصه ليه و اخيرا الرسم بالنسبة لي حياة و اتمني انه يكون من ضمن كاريري الطبي و له تأثير تعليمي كبير و مُفضل بين طلبه الكليات الجُدد.

أشرف على تعرضت من قبل لأي نوبات يأس او فقدان ثقة أو شغف اتجاه موهبتك وكيف تعاملت معها؟

اكيد طبعا لكن بستمد ثقتي لما بشوف رسومات فناني المفضل فرانك نيتر و انه رسم 4000 رسمه و ان كده لسه مليش ال Legacy الي هيخلد اسمي ف بتحفز مره تانية اني ابدأ.

وبماذا تنصح أي شخص يريد النجاح والوصول إلى هذه المحطة؟

انصحه بالاستمرارية و مقارنه نفسه بنفسه و بأي نسبة تطور و مع اول نتيجة مبهره هيحس احساس انه عمل انجاز شخصي ملموس للنفس و العقل و بعدها الانجاز هيظهر للعامة عن طريقة تعبيرك لانجازك النفسي و تطورك العقلي و مهاراتك الفنية.

حابب اضيف ان والدتي اكبر داعم في حياتي و اخويا الصغير و ان من غير تشجيعهم و دعمهم ليا مكنتش هتقدم خطوة و انهم دايما ف ضهري و اكيد أصدقائي.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!