شاب في الخامسة والعشرين متألق وبارع في الشعر ابن محافظة المنوفية، ولم يقتصر على موهبة في الشعر، بل لديه موهبة التمثيل يجذب المستمعين له بقوة كلماته وطريقة إلقاءه وصدق إحساسه.
و بدأنا حوارنا مع “محمد علي الفقي”.
حدثنا عن بداية و معرفة موهبتك ؟
بدأت في المرحلة الثانوية ولكن لم أعلم أن هذا شعر واستمريت في الكتابة حتى مرحلة الجامعة وهناك وقع في يدي كتاب لعم أحمد فؤاد نجم كتاب” الأعمال الكاملة” ومن هنا بدأت معرفتى بالشعر.
هل في موهبة ثانية في حياتك ؟
نعم لدي موهبة التمثيل وكنت أعمل على مسرح الجامعة.
إيه الحلم اللي مصمم تحققه؟
في مجال شغلى أن أصبح رقم واحد ولكن من ناحية الشعر
أتمني تحقيق جائزة أحمد فؤاد نجم للشعر.
حدثني عن قصيدة كتبتها و أثرت فيگ؟
القصيدة التى أثرت فيا كانت قصيدة بعنوان ” فيلم ليلة صيف” أو ما تعرف بإسم ” مشهد المتفارقين فوق إحدى نقاط اللقاء .
خايف اغير من صور
فيها الغريب عننا
هو اللي حقه يغير
خايف حصاد السنة
يجنيه مزارع غبي
ويدوس اوي عالارض
خايف تكون دخلتك
أشبه بهتك العرض
ولا اغتصاب بحلال
خايف تجيبوا عيال
وارثين طباع امهم
خايف انا اشبه لهم
رغم انهم اغراب
خايف لا يوم الفرح
يغلط نسيم الهوا
ويجيب معاه برفان
فيه ريحتي فاتحني
خايف لا طفل جميل
من بائعة المناديل
يجي يسألك عني
او عن دعاه يوم لنا
اكيد في مولفين كتير اتعلمت منها مين من ضمنهم؟
متعلمتش منهم بس كل واحد بيعجبني فيه شئ مختلف مثلا أحمد نجم يعجبنى فيه نظم القصيدة ، محمد إبراهيم يعجبنى فيه إحساسه ، عمرو حسن يعجبنى فيه القاءه.
شايف سيناريوهات الفترة دي قوية ولا ضعيفة؟
من وجهة نظرى أرى أنها ضعيفة ولم تقدم شئ جديد وتكون موجودة بسبب لسد الخانات.
شايف ان التأليف موهبة أو عمل مرهق؟
موهبة مرهقة لانى بتعامل مع حاجات ليس لها أساس والشخص هو من يضع لها الأساس وبنتعامل مع افتراضات من العقل ليس موجودة طول الوقت نبحث عن أشياء مش موجودة ولازم تعجب الناس وتعبر عنهم.
نفسك تكون مين بعد 5 سنين ؟
أتمنى تحقق أضعاف ما أنا عليه الآن مش مهم أبقي فين ولكن يهمنى أن أظل في مكانتي عند الناس.
ايه رايك في كلام مهرجانات الأغاني في الوقت الحالي ؟
بدأوا ياخدوا سكة جديدة ويعرفوا هما بيقولوا ايه وبقي فيه خيال في الكتابة بغض النظر عن اختيار اللفظ نفسه.
شايف انك ممكن تأليف مهرجانات ؟
أنا بالفعل كتبت مهرجان عن الصحاب
“كان ليا صاحب حبني
من يوم وشهر وكام سنة
شافني غريق قام شدني
بأيديها لبر الجدعنة”
وشايف انى ممكن أكتب مهرجانات عادى طالما لم أتطاول بالألفاظ أو ما يعرف بالسيف.
