نشرت الفنانة إسعاد يونس صورة لها مع الفنانة ميرنا وليد عبر حسابها الشخصي على موقع التواصل الإجتماعي فيسبوك.
وقامت الفنانة “ميرنا” بمشاركة ما نشرته الفنانة “إسعاد” عبر حسابها الشخصي على الفيسبوك وعلقت عليها بذكرى قديمة لها مع صاحبة السعادة قائلة :” الصوره دي ليها قصه ماحدش حايصدقها بس انا حكيتها لمدام اسعاد وحاحكيهالكم.
وأنا طفله قبل ما أمثل خالص كنت ساكنه في نفس العماره مع مدام إسعاد في المهندسين، وكان نفسي قوي أتصور معاها عشان كنت بعشقها في بكيزه وزغلول وكنت بتكسف قوي أقولها أني عايزه أتصور معاها .
وتابعت ” وفي يوم صاحبتي كانت عندي وشجعتني وقعدنا جنب الشباك حوالي ٦ ساعات كاملين مستنيين مدام إسعاد ترجع بعربيتها ونطلعلها نقلها نتصور المهم أخيرًا هي وصلت والبنت تقوللي يلا وأنا أقولها افرضي كسفتنا أنا خايفه تقولي يلا المهم هي أصرت وأنا طلعت أقدم رجل وأأخر رجل لحد ما طلعنالها وخبطنا الباب وفتحتلنا ست مش مدام إسعاد يمكن الدادة غالباً قولنالها نفسنا نتصور مع مدام إسعاد قالت لنا هي لسه راجعه تعبانه ومش هتتصور مع حد وقفلت الباب في وشنا” .
وعلق الكثير من متابعي الفنانة ميرنا على الصورة ومن ضمن التعليقات تعليق الفنان سامح ابو الخير قائلاً ” الله الله الله قمرات أنتو الإثنين ” .
