شعر:محمد سيد أحمد
أنا المصري أنا الانسان
أنا المصري اللي
عامر قلبه بالإيمان
باصلي ع النبي موسى
واسلم ع النبي عيسي
وابارك ع النبي العدنان
محمد خير خلق الله
واسبح ربي كل أوان
لا انا سلفي ولا شيعي
ولا اخوان
انا محمد
ومتربي انا ومرقس
فى حارة مسجد الايمان
أنا حافظ ترانيمه
وهو بيعشق القرآن
أسمع له من المزامير
يرتل سورة الرحمن
انا المصري
وعاشق كافة الألوان
لا انا سلفي ولا شيعي
ولا اخوان
