نشر الفنان محمود العسيلي إعتذاراً عبر حسابه الشخصي علي موقع التواصل الاجتماعي فيسبوك حيث وضح فيه عن إحراجه لشخص خلال حفلته حينما رفض التصوير مع احد جماهيره قائلاً: “انت عندك واسطة علشان تتصور معايا”، حيث اثار ردود فعل الناس علي السوشيال ميديا وهاجموه واصفين له بالغرور.
وكتب الفنان محمود العسيلي منذ قليل: أي فنان عارف إنه من غير جمهوره ولا حاجة و صفر على الشمال وإن من تواضع لله رفعه باعتذر بشدة لكل الناس اللي اتضايقت من الفيديو اللي انتشر وباعترف أني كنت غير موفق تماما في اختيار الألفاظ، ولكن الصورة والله ناقصه و كان كل نيتي عدم تمييز حد عن حد اثناء الحفلة أنا آسف مرة تانية”، وأضاف: النقطة التانية انى حاولت أقول للشخص اللي انا كنت باكلمه ان ماينفعش نتصور عشان الناس دي كلها لازم تتصور تلات مرات برا الميك، ولكن هو كان لحوح جدا و مصمم و كان صوته عالي جدا و بيزعق و انا مش عارف اغني فللأسف قلتله كدا بحسن نية و للأسف كل الكلام دا مش باين في الفيديو”.
