قصص

المبدع النرجسي

صباح الخير أنا أمير أكرم تقدروا تقولوا أعظم نحات مصري ؛ عايش في اسطنبول اتخرجت من كلية فنون جميلة جامعة المنصورة قسم نحت و كنت الأول علي دفعتي كل سنة اصلي مبدع بشكل صعب تتخيلوه و صعب تتوقعوا وجوده و علي فكرة انا مش مغرور في ناس بتقولي مغرور و ناس تقولي نرجسي بس أنا مش كدا وحتي لو مغرور حقي

هو مين يبقي زيي و مايتغرش بس كلامهم موقفش لحد كدا ماما بتقول اني سادي و بحب الأذي و اعذب الحيوانات و ماعنديش إنسانية و إحساس و كل دا ليه عشان مبدع انا حياتي عادية يعني بصحي افطر

انزل الشارع اخطف قط و بعمل ماكت و بحضر مواد سيليكون و جبس و حجات تانية مش هتفهموها لأني دي تفاصيل يعرفها المبدعين اللي زيي و بغلف القط بعد ما اموته وأول ما تنشف المواد بشيل القط من السيليكون و بيبقي عندي قطعة فنية عظيمة منحوتة للداخل علي شكل القط اللي استخدمت جثته و طبعا بيختلف شكل المنحوتة علي شكل القط و حجمه و نوعه كبير صغير سمين رفيع وحتي حجم جمجمته و ملامحه و طول الأظافر م قادر اوصفلكم كم الجمال و الابداع في القطع الفنية اللي بخلقها ؛ ماما كل ما تلاقيني ببدع في شغلي بتختلق المشاكل معايا

انا عارف انها بتغير مني عشان انا شكل بابا اللي هي كانت بتغير منه و من نجاحه و دا اللي خلاها تخنقه و تدفنه في حديقة البيت ؛ هي فاكرة اني معرفش انها قتلت بابا و اني صدقتها لما قالتلي أنه سافر و مرجعش من وقتها بس أنا اتخنقت منها مش عشان قتلت بابا لا لا هو مش فارق معايا لكن اللي مدايقني انها بتتعمد تخليني اشعر بالملل و الزهق و دي جريمة فحقي كمبدع عظيم و جريمة فحق الفن كله لأن لما بتوتر بتعطل عن إنجاز فني اللي هيتخلد لآلاف السنين فأنا قررت أخلق تحفة فنية جديدة بما أن الفن مالوش سقف أو حدود و كمان عشان اريح ذاتي روحت لماما و شممتها منديل فيه مادة

مخدرة و جريتها لمكان شغلي خنقتها و عملت بيها التحفة الفنية اللي هتهز العالم ؛ انا عارف انها لما تقابلني في الجحيم هتشكرني إني خلتها جزء من عملي الفني العظيم ده .

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!