محمود جاميكا ممثل ومؤلف مصري، شارك في تأليف فيلم “ريما“، كما قام بتأليف فيلم “باركود” بالإضافة إلى فيلم “هارون” الذي جاري تصويره الآن.
كما شارك في كتابة مسلسل “ملوك الجدعنة” مع ورشة الاستاذة عبير سليمان، وشارك أيضًا في المسلسل بدور “ميحا”.
وصرح محمود لمجلة هافن عن سعادته بالمشاركة في مسلسل “ملوك الجدعنة” مع الفنان “عمرو سعد، مصطفى شعبان”.
وصرح محمود جاميكا قائلًا: “بقدم دور ميحا من أهل الحارة وبيشتغل في القهوة،
الدور ممتد لآخر الحلقات وهيبقي ليه تفاصيل حلوة مع الأبطال وإن شاء الله يعلم مع الناس
ومتفائل جدًا بالمخرج أحمد خالد لأنه فعلًا شاطر جدًا وعارف هو بيعمل ايه كويس اوي
وإن شاء الله تبقى بداية خير مع “ملوك الجدعنة”.
وعن ترشيحه للدور علق قائلًا: “تم ترشيحي للدور من قبل المخرج أحمد خالد موسى، بعد زيارته لمعهد فنون مسرحية اللي أنا طالب فيه
وشاهد أكتر من عرض مسرحي يضم مجموعة كبيره من الممثلين اللي موجودين في المسلسل فعلًا اختارهم
وأنا كنت منهم اترشحت لدور “ميحا”.
وتابع محمود جاميكا : “الحمد الله أنا بقالي أكتر من 6 سنين صانع محتوى على السوشيال ميديا مع دوت مصر واليوم السابع، كريتيف وممثل وليا أكتر من 20 فيديو واسكتش ومحققين فيوهات عالية، ودا كان سبب لرد فعل هايل في أول ظهور ليا في المسلسل”.
وعن كواليس العمل مع الفنان “مصطفى شعبان، عمرو سعد” قال: “طبعًا الكيميا اللي بينهم واضحة على الشاشة
مصطفى شعبان إنسان حقيقي أنا شخصيًا عرفته على المستوى الشخصي من خلال المسلسل حقيقي كأننا نعرف بعض من سنين
قدر يحتوي الشباب والوجوه الصاعدة
عنده وعي وثقة وفن وتواضع ملوش مثيل بجد، ودا من أسباب نجاح المسلسل
وكذلك عمرو سعد فنان حقيقي”.
وتابع محمود جاميكا : “دايمًا الأتنين في تواصل مع اللوكيشن وسطنا حقيقي كواليس مش هتتنسي
عيشنا 4 شهور عيلة واحدة بجد
اللي بيقع في مشكلة هما أول ناس بتبقى في ضهره
حقيقي أنا سعيد وفخور أني جزء من التجربة دي”.
وعن كواليس العمل مع المخرج “أحمد خالد موسى” قال: “أن صاحب الفضل الأول والأخير بعد ربنا هو المخرج الموهوب أوي أحمد خالد موسى
حقيقي هو سبب كل حاجة حلوة حصلت لكل حد في المسلسل من أول الفكرة من قبل ما تتكتب لحد ما اتعرضت بالشكل اللي إنتوا شوفتوا دا
الراجل دا مش بينام، بيشتغل وكأن أول تجربة ليه، مع أننا عارفين كويس مين هو أحمد خالد موسي
أنا بشكره من كل قلبي وعمري ما هنسى فضله عليا “.
