كريم عبد الغني لـ مجلة هافن يكشف عن دوره في مسلسل “الاختيار 2” وعن كواليس العمل

الفنان كريم عبد الغني في حوار خاص مع مجلة هافن

هو ممثل مصري شارك في مسلسل “الاختيار 2” قام بشخصية الضابط “رامز” ونجح دوره نجاحًا كبيرًا.

وكشف لمجلة هافن عن دوره في مسلسل “الاختيار 2” وعن كواليس العمل وإلى نص الحوار.

من رشحك للدور لمسلسل الاختيار 2؟

الكاستينج دايركتور اللي كل مصر فرحانة باختياراته للممثلين إبراهيم.

كريم عبد الغني .. كيف كانت استعدادك للشخصية؟

استعدادي للشخصية كان عن طريق قراءة الاسكريبت كويس اوى ومحاولة إيجاد طريقة في التمثيل متكنش شبه حد في باقي الضباط.

هل وجدت صعوبة في الدور؟

الصعوبة اللي كانت بتواجهني أنه الشخصية اللي شبه دي في الدراما مظهرتش قبل كدة، ف مفيش reference ليها
وركزت على أن الشخصية دي لازم يكون ثباتها الانفعالي عالي جدًا، لأنه بيتعامل بنفس فكرة لعبة ال buzzel
فعشان الصورة توضح لازم يكون في قمة هدوءه وتركيزه عشان يقدر يوصل المعلومة ويمنع مصيبة.

هل تابعت ردود أفعال الجمهور على شخصيتك والمسلسل بشكل عام؟

الحمد لله متابعه ومبسوط أن الناس حاسة أن شغلنا كويس وأنهم شايفين أن الوجوه الجديدة شاطرين وظاهرين وسط نجوم كبار زي الأساتذة كريم عبد العزيز وأحمد مكي
وبالنسبة لدوري أن شاء الله الحلقات اللي جاية هيعجب الناس أكثر وأكثر
لأن كل واحد فينا ك وجوه جديدة حب الناس والقبول ده اهم حاجة عندنا لأن دا اللي هيديلنا إمكانية الاستمرار في الطريق اللي اخترناه.

كريم عبد الغني .. كيف كانت كواليس العمل؟

كل الوجوه الجديدة اللي ظهرت في المسلسل من ظباط لإرهابيين كنا كلنا بنتجمع في الكرفان بتاعي انا وأحمد علي اللي عامل دور الشهيد محمد وحيد
من كتر ما فعلًا كلنا كنا بنحب وبنشجع كل واحد فينا، انا وأحمد وعمر زكريا والأستاذ أحمد رفعت كنا دايمًا في نفس المكان لمدة سبع شهور تصوير
فبقينا أكثر من اخوات ودي كانت أحسن حاجة والله كل واحد فينا كان زعلان في اخر يوم تصوير.

هل من شخصيات ترغب في تقديمها قريبًا؟

نفسي أقدم شخصيات كتيرة تكون ليها علاقة بالناس وتفضل في عقل الناس متبقاش شخصية لمدة بسيطة وتتنسي
وكل ده يتحقق بحب الناس وأن شاء الله حب الناس يفضل ويزيد.

هل يوجد أعمال قادمة في الفترة المقبلة؟

أن شاء الله يكون في قريب.

اطلب برنامج ويبو للمدارس والجامعات