حواراتفن

ياسمين عادل في حوار لمجلة هافن “ولاد ناس رسالة قوية وسعيدة بمشواري الفني”

ياسمين عادل في حوار خاص مع مجلة هافن

فنانة شابة جميلة، عشق الفن، قدمت دور مهم في رمضان2021 حيث شاركت بدور ابنة سيد التميمي الذي جسده الفنان مجدي السباعي، وشاركت في الدور وقدمت ابداعها لي مشاهدها امام الفنانة القديرة ماجدة منير التي جسدتها شخصية والدتها، وهي كاستينج دايركتور ولاد ناس المميزة.

وكان لمجلة هافن جلسة صحفية مع الفنانة الجميلة ياسمين عادل

حدثيني عن نسبة حبك للفن ومتى ظهر ذلك؟

حبي للتمثيل اكتشفته متأخر

بس لما اكتشفت ده فهمت تصرفات كتير كنت بعملها من وأنا صغيرة كان نفسي حد يكتشف ده بدري وينميه أفكار وأنا صغيرة لما كنا بتجمع مع أطفال كان كل واحد يختار لعبة نلعبها، كنت أنا بختار إننا نمثل قصة ونفضل نلبس لبس الكبار ونمثل بيه اللي بيجى في خيالنا

بس برضه عمري ما فهمت إن أنا كدة عاوزة أمثل كنت فاكرة أنى كدة بلعب.

ياسمين عادل
ياسمين عادل من مسلسل ولاد ناس

بدايتك كتدريبات مع فريد النقراشي وجهي رسالة له!!!؟

دكتور فريد هو من أكثر الأشخاص اللي بثق فيهم وفي رأيهم هو دائمًا داعم ليا وبيظهر فيا حاجات أنا معرفهاش، مش شرط دور معين عملته ولكن أقصد التدريبات فالمطلق.

حدثيني عن الفنان الذي تودي الوقوف امامه؟

نفسي أمثل أمام المخرج تامر محسن

قدام وجهة نظره قدام إبداعه أيا كان مين الممثل مش فارقة معايا،

نفسي أمثل مع كل الناس الشاطرة عشان أستفيد منهم.

ياسمين عادل
ياسمين عادل من مسلسل ولاد ناس

كل حد فين بيتفائل بشخص أو موقف أو حلم.. بماذا تتفائل ياسمين؟

بتفائل بضحكة الأطفال وابتسامة الناس اللي ماشية فالشارع ومنعرفش بعض مجرد ضحكة في وشوش بعض من غير أي مصلحة.

مجدي السباعي في حوار له قال ياسمين طاقة ولها مستقبل باهر ماذا تقولي عنه؟

بخصوص الأب العظيم مجدي السباعي أنا بقوله كان نفسي يكون ليا أب زيك.

ياسمين عادل .. حدثيني عن الصحاب في حياتك وموقف لن تنسيه إذا كان ايجابي او سلبي؟

موقف لن انساه هو موقف سلبي هو يوم وفاة جدتي وبعده بسنين نفس المشاعر يوم وفاة والدتي ربنا يرحمهم جميعًا.

عندي أصحاب كتير من اتجاهات مختلفة بحبهم كلهم ونفسي أعرفهم كلهم على بعض في يوم من الأيام

وعندي أصدقاء لحد دلوقتي من ابتدائي

ياسمين عادل.. بماذا تحلمين؟

بحلم بحاجات كتير، نفسي أنجح كممثلة طبعًا، ونفسي أساعد في شيء خالد مفيد للفن في حاجة في دماغي بس مش هقول عليها دلوقتي، نفسي الناس تكون مبسوطة عمومًا.

شعورك في دورك كفنانة وكاستينج دايركتور في ولاد ناس؟

كنت مبسوطة جدًا، كان صعب ولكن الموضوع ممتع كنت بمثل كل الأدوار في الاوديشن.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!