في فيلم خيانة مشروعة لما (هشام سليم) سأل علي (هاني سلامة) عشان يشوف هل هو ممكن يكون قام بجريمة القتل عمداً ولا لا .. في اللي قاله انه كان طيب وفي اللي قاله انه كان شرير، وفي اللي قال انه كان هادي وفي اللي قال انه كان عصبي، و في اللي قال انه كان كريم وفي اللي قال انه كان بخيل.
فلما جابه عنده في النيابة و سأله “انتَ مين في دول؟!”.
رد عليه (هاني سلامة) وقاله “أنا كل دول .. فيها ايه يعني لما أكون هادي وأوقات بتحصل مواقف بتعصبني فبتعصب ، أو واحد بحبه فبكرمه وواحد مبحبوش فببخل عليه، الأول شايفني طيب بس التاني شايفني شرير”
تجسيد رائع لفكرة ان في شخصين جوه كل واحد فينا في مشهد لا يتعدي العشر دقائق.
الناس كلها بتتغير بسبب المبادئ والأفكار والتجارب .. وكل واحد فينا جواه الشئ ونقيضه ومحدش بيفضل علي حاله دايماً .. المهم في الحوار كله انتَ بتغذي انهي شئ فيهم؟!.
