الفن نيوز

ريهام سعيد تعلن اعتزالها الإعلام وتتجه للتمثيل

بقلم: منار علاء الدين

أعلنت ريهام سعيد اعتزالها الإعلام واتجاهها للتمثيل الذي كان هو حلم حياتها منذ البداية.

وكتبت عبر حسابها الرسمي على “الانستجرام”: “فكرت كتير قبل ما أكتب البوست دا، أنا اعتزلت التمثيل سنة ٢٠١٥ لأني حسيت أن صاحب بالين كداب، وأن التمثيل مأثر على مسيرة الخير اللي ابتديتها من سنين طويلة عشان الوقت والمجهود الي بعمله، لكن عشقي للتمثيل اللي هو دراستي ومهنتي الأولى قبل الإعلام، رجعت أمثل تاني وأنا لسه في نظر المخرجين والمنتجين مذيعة عايزة تمثل، كنت عارفة أن عشان أخد مكان كممثلة لازم أسيب الإعلام زي ما حفظ الألقاب داليا البحيري وبسمة ودينا فؤاد ودينا الشربيني وغيرهم، بس مكنتش قادرة أسيب رسالتي الي كانت مهمة أوي وقتها”.

وعن الأزمات الأخيرة قالت “ريهام سعيد”: أنا حصل لي مشاكل كتير من المهنة دي بتأثير باطل من السوشيال ميديا من منافسين وأعداء، بسبب المشاهدة العالية جدًا والنجاح، أنا تعبت وحاسة إني قدمت كل اللي ممكن يتقدم، والدولة عاملة اللي عليها ومش محتاجين دور المجتمع المدني في مساعدة الناس، ولكن أنا ليا الشرف إني اشتغلت في المهنة العظيمة دي”.

تابعت “ريهام سعيد”: أنا الحمدلله حققت في التمثيل وكل الي اشتغلته علم مع الناس، واشتغلت أعمال كلها قيمة، بس بعد ما جالي السكر وشوية مشاكل تانية قررت أعمل اللي بحبه”.

ووضحت “ريهام سعيد” قائلة: “أنا بكل آسف بعلن اعتزالي الإعلام تمامًا وهركز كممثلة، وهطلب من الدكتور أشرف ذكي إنه يساعدني إني أغير الفكرة الموجودة في أذهان المخرجين والمنتجين إني مذيعة”.

ووجهت “ريهام سعيد” رسالة للأستاذة كاملة أبو ذكرى: “مش مكسوفة نفسي أوي أمثل معاكِ حتى لو مشهد دا من أحلامي، خطوة صعبة وفيها ريسك كبير بس على الأقل أجري وراء حلمي حتى وأنا في السن دا، جه الوقت اني استمتع بالي بعمله وبحبه خصوصًا لما يكون في عصر ولا فيه واسطة ولا محسوبية الي هيجتهد هيوصل ماتسيبوش حلمكم مهما فات الوقت”.

بشكر جمهوري من الأمهات، والشباب والأطفال اللي دايمًا بيدعموني وحبوا برامجي واتعلموا منها، فخورة بكل حلقة وبكل حرف قدمته، وبشكر ربنا على عشرين سنة أداني الفرصة إني أقضي حوائج الناس وأقدم كل ما هو مفيد، أنا آسفة ليكوا بس التمثيل رسالة برضوا وهو حلمي الأساسي الي اتأخرت أوي عشان أحققه”.

بدأت ريهام سعيد حياتها المهنية مذيعة ببرنامج “صبايا” بإحدى القنوات الفضائية ورغم الانتقادات الكثيرة والعديدة التي لاقتها وتعرضت لها ريهام سعيد لجرأتها في تقديم برنامجها إلا أنها لم تتوقف واستمرت في تقديم المواضيع الشائكة والساخنة.

وكان لحضورها أثر في دخولها عالم الدراما التلفزيونية عام 2004 بمسلسل عيش أيامك مع الفنان نور الشريف، ثم توالت أعمالها الفنية، كما شاركت الممثل أحمد بدير بطولة مسرحية (مرسي عاوز كرسي) وقامت بتأدية دور الفتاة الصعيدية بمسلسل شارع عبد العزيز مع الممثل عمرو سعد، وشاركت في مسلسل الشك مع الممثلة مي عز الدين.

ولها مسلسل “قلوب” مع الممثلة علا غانم ومسلسل ابن حلال في رمضان 2014.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!