في مسلسل وضع أمني بعد ما (عمرو سعد) حكي حكايته للناس كلها .. والناس إكتشفت انه بيعمل كل ده عشان يجيب حق بنته اللي ماتت ويعملها قصه الناس تتحاكي بيها .. الناس تعاطفت معاه ،وانا كمان تعاطفت معاه، وأى حد هيتفرج ع المسلسل هايتعاطف معاه .. بس لو طبقنا الفكرة على الواقع، ومباظتش منه بسبب عدم إهتمام الحكومة بالناس الى هاتموت .. هنلاقى الحوار ده كله هياخد يومين وهايتنسي، مش هايبقي قصة زي قصة سندريلا ولا حاجة.
الحقيقه أن إحنا شعب بنحب القصة الحزينة .. الفكرة منها بتوصل أسرع، وبتبقى مؤثره أكتر، لأنها بتعبر عن اللى جوانا واللى احنا مش قادرين نعبر عنه بأى طريقة، وهو مكانش فى فى حياته يوم حلو .. زيه زي ناس كتير مش عارفه تاخد حقها فى البلد دى.
مش كل الناس بتعمل زيه ، مش كل الناس بتتمسك بالمبادئ والقيم وحق البلد وحق الناس كده، ده كلام بيحصل فى المسلسلات بس، زي ما حصل مع (حسن الغريب) كده .. بس الغريب أن الفئه الى بايعه مبادئها للى يدفع أكتر، ومسلمه دماغها للشيطان هى الفئه الأقل .. بس هى الفئه اللى بتكسب.
