طفل يبلغ من عمره السادسة، متميز جدًا بالمجال الذي يحبه
يعد نبتة مميزة ومختلفة في عالم الفن حيث كان بطل كليب مصباح علاء الدين مع النجم محمد رمضان ومن ثمّ أصبح حديث السوشيال ميديا، وبعدها شارك محمد رمضان في مسلسل موسي في الماراثون الرمضاني السابق حيث كان يجسد شخصية محمد رمضان وهو صغيرًا.
متميز بلقب شبيه محمد رمضان حيث يمتلك نفس الكاريزما والملامح والحركات
ظهر في لقاءات تليفزيونية وكان لنا حوارًا خاصًا مع الطفل منذر مهران، واليكم نص الحوار
- كيف جاءت فكرة مشاركتك في كليب “مصباح علاء الدين” مع النجم محمد رمضان؟
الفكرة جات ان احنا كنا بنروح مكاتب كاستينج وبعدين اختارني استاذ محمد سلامة في مسلسل الحرامي وبعد كده رشحني لكليب مصباح علاء الدين واستاذ محمد رمضان أعجب بالفكرة جدًا وكان اختيار مناسب.
- ما تعليق الفنان محمد رمضان علي الشبه الكبير الذي بينك وبينه؟
انبسط جدا بيا واتفاجئ من الشبه الفظيع اللي بيني وبينه وقال إني شبهه اكتر من علي ابنه
حتي نفس تفاصيل الوش نفس الغمازات والسمار والحركات.
- نفسك تبقي ايه لما تكبر؟
نفسي اكون ممثل ده حلمي.
- من هو الفنان الذي تتخذه قدوة لك؟
بحب احمد ذكي وأحمد السقا ومحمد رمضان.
- من رشحك لمسلسل موسى؟
استاذ محمد سلامة، وأستاذ محمد رمضان حد محترم بيحبني جدا وكان دايما بيعاملني كويس وكان بيجبلي فاكهة وحاجات حلوة وبيهزر معايا وحد محترم جدا.
- هل كان هناك مشاهد صعبة أثناء التصوير؟
المشاهد مكنتش صعبة بس الجو كان سقعة شوية وكنا بنبات برا اللوكيشن لكن تفاصيل الكواليس مكنتش المشاهد صعبة والشغل مع استاذ محمد سلامة كان جميل وبسيط.
- ماذا تحب ان تقول للفنان محمد رمضان؟
خليك ماشي في طريقك يا عمو محمد وثقة في الله نجاح.
- ما الدور الذي ترغب في تقديمه؟
نفسي أمثل اي حاجة ونفسي امثل دور ظابط شرطة
- كيف كانت استعداداتك لفيلم النمس والانس مع النجم محمد هنيدي؟
مكنش في استعدادات اوي لأنه كان مشهد صامت مكنتش متكلم فيه وكانت ريأكشنات وش واستاذ محمد هنيدي شجعني وسلم عليا وأستاذ شريف عرفة كان مبسوط بيا وقالي انت هتبقي حاجة كبيرة اوي يا منذر وهتكون ممثل كوميديان شاطر والحمد لله عملنا بالنصيحة.
