تصريحاتفن

الطفل “تيم إسماعيل” في تصريح خاص لمجلة هافن عن دوره في فيلم “200 جنيه”

صرح الطفل المتألق “تيم إسماعيل” عن دوره الجديد والمختلف في فيلم 200 جنيه، وعبر لمجلة هافن عن سعادته بوجوده في عمل ضخم مثل فيلم 200 جنيه والذى يضم نخبة كبيرة من نجوم الفن.

وقال في تصريحه “انا مبسوط جدًا بإن تجربتي الأولى في السينما تكون في عمل بحجم فيلم ٢٠٠ جنيه، وكمان هتشوفوني بشخصيه مختلفة خالص لان انا بعمل دور ولد في حي شعبي، وده بالنسبالي دور جديد خالص بكل تفاصيله وانا ممثلتوش قبل كده”.

وعن دوره في الفيلم قال “مبسوط رغم صغر سني اني في كل عمل بقدم شخصية مختلفة، مش الطفل النمطي”.

وعن المخرج “محمد أمين” قال “فرحتي الكبيرة ان اول فيلم ليا يكون مع الأستاذ المخرج الكبير محمد أمين اللي حقيقي مبسوط جدا بالعمل معاه، وده تاني عمل ليا معاه، كنت عملت معاه فيلم المحكمة لكن لسه متعرضش وقالي فيه انت ممثل موهوب وشاطر، وقالي انا بعمل فيلم جديد وانت هتكون من أبطاله، وكنت فرحان جدا لكن مكنتش متخيل انه يفتكرني ويطلبني بالاسم تاني بعد فتره حوالي ٦ شهور او اكتر، وكنت سعيد أوي ان ارجع اشتغل تاني مع كرو الإخراج”.

وأكد على عدم نسيانه للـ “جميلة صاحبة الكلام الجميل” كما وصفها، الأستاذة “لمياء” المخرجة.

أما عن تمثيلة أمام صاحبة السعادة قال “هي فعلا تستحق لقب صاحبة السعادة، لأن اد ايه هي جميله، لما كنا بنروحلها انا واختي في الفيلم اللي بتقدمه “ريما” عشان نراجع المشاهد معاها، قد ايه كانت بتشجعنا وتهزر معانا، وكلامها ليا عن اني اد ايه شاطر وموهوب وهيكون ليا مستقبل بسطني”.

وعن باقي فريق العمل قال “ان انا اكون جزء من عمل بالحجم ده وفي نجوم كبار جدا زي الأستاذ أحمد السقا وهاني رمزي واحمد رزق وغيرهم دا حاجه كبيرة ليا طبعا، وكانت حاجه جميله ان اقف وأمثل كمان قدام احمد السعدني، ويارب لما الفيلم ينزل يعجب الجمهور.

ولم يكتفي الطفل وتابع تصريحه عن التعب الذي مر به في تجهيز هذا الدور وقال “تعبت في تحضير الشخصية من ميكاب ولبس وشعري الغير مهندم عشان اوصل لشكل الشخصية اللي الاستاذ محمد امين رسمها”.

فيلم ٢٠٠ جنية يضم مجموعة كبيرة من نجوم السينما والفن المصري وهم “إسعاد يونس، وأحمد السقا، وأحمد آدم، وأحمد رزق، وهاني رمزي، وخالد الصاوي، وآسر ياسين، وبيومي فؤاد، ونيللي كريم، وليلى علوي” وتم العرض الأول لهذا العمل في مساء أمس ويطرح بجميع دور العرض المصرية.

وقد شارك تيم إسماعيل في السباق الرمضاني لعام 2021 بمسلسل “ولاد ناس” والذي شارك في بطولته طاقم عمل كبير منهم “إيهاب فهمي، بيومي فؤاد، أحمد صيام، صبري فواز، رانيا فريد شوقي، محمد عز”.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!