وجهت الفنانة الشابة اسماء ماهر سليم ابنة الراحل ماهر سليم، رسالة لوالدها الذي رحل عن عالمنا الخميس الماضي بعد صراع مع المرض.ونشرت عبر حسابها الشخصي على موقع التواصل الاجتماعي الشهير “فيس بوك” رسالة تعبر عن مدى افتقادها لوالدها ووجود صراع داخلها منذ أن رحل والدها.
وعلقت فيها قائله: “بابا! أنا مش قادرة أكتب ولا أرد ع حد ولا أعمل أي حاجة غير إني أسكت و للأسف مش مستوعبة إن كل ده حصل، عقلي رافض كل اللي حصل واللي بيحصل، بس النهاردة كان لازم انزل البوست ده لأسباب كتير أولهم وأهمهم إحساسي.
وأضافت: بابا كان حكالي موقف مؤثر جدا جواه.. لما والدة بابا توفت اللي هي جدتي، دفنها الصبح و خد العزا ونزل وقف على خشبة المسرح كان عنده عرض كوميدي وبالفعل نزل وعرض، أنا سألته ساعتها أزاي قدرت تكمل! قالي الحياة وقفت جوايا بس من برا الحياة مشيت.. الموقف ده اتكرر النهاردة وكأنه كان بيحكيلي اللي هيحصلي أو يمهد لي، يوم وفاة بابا 9/2 كان عندي افتتاح عرض “محل اللعب” ع مسرح الهناجر بالأوبرا أنا دفنت بابا الصبح واتصلت بالمخرج قولتلة إني جايه العرض بليل وطبعا بما إن الزمن غير الزمن، المخرج إيهاب ناصر رفض وأصر إني مجيش يومين، وبالفعل حصل، لكن النهاردة أنا نزلت عرضت عرض كوميدي.
يشار أن أخر أعمال ماهر سليم فيلم “وقفه رجاله” وشاركه في العمل ماجد الكدواني بيومي فؤاد.
والجدير بالذكر أن ماهر سليم قد رحل عن عالمنا الخميس الماضي بعد صراع مع مرض سرطان الدم وتوفي في إحدى مستشفيات دار السلام.
