فنلقاءات

نيجار محمد بنت صعيدية في فيلم “المحكمة”

تشارك الفنانة الشابة “نيجار محمد” في فيلم المحكمة، ومن المقرر طرح الفيلم في دور العرض السينمائي قريبًا، والعمل تدور أحداثه في إطار اجتماعي ويناقش عدد من القضايا الهامة في المجتمع.

وكان لمجلة هافن حوار خاص مع الفنانة الشابة “نيجار محمد”.

في فيلم “المحكمة” بقدم دور بنت صعيدية قوية ومتمسكة بالعادات، وبتتسبب أن جوزها يرتكب جريمة.

  • وكيف تم ترشيحك للمشاركة في فيلم “المحكمة”؟

عن طريق المخرج “محمد أمين”.

  • وكيف كانت الكواليس مع فريق العمل؟

كل كرو الفيلم كانوا محترمين أوي وطيبين وأنا حبيتهم كلهم والكواليس كانت رائعة.

  • وماذا عن دورك في فيلم “٢٠٠ جنيه”؟

أنا عاملة دور مذيعة بتستضيف الناس وبتستضيف “طارق عبد العزيز” ومبهورة بيه وبيبروزه مع أنها عارفة أنه مش كويس.

  • وكيف تم ترشيحك للفيلم؟

أنا عملت مع أستاذ “محمد أمين” المخرج فيلم “المحكمة” وساعتها قالي إني ممثلة شاطرة، فلما جه يعمل فيلم “٢٠٠ جنيه” طلبني ودي من أكتر الحاجات اللي فرحتني بجد وشهادة كبيره في حقي.

  • وكيف كانت كواليس فيلم “٢٠٠ جنيه”؟

الناس كلها كانوا كويسين أوي ومحترمين وأستاذ “محمد أمين” محترم أوي وفنان، والتصوير كان في رمضان وأنا كنت مصممه أكمل صيام وكان هيغمى عليا قبل المشهد والحمد لله عدت.

  • ماذا عن ردود الأفعال حول دورك في الفيلم؟

الحمد لله الردود كانت كويسة أوي، وناس كتير كلموني وقالوا عليا كنت كويسة.

  • ما الرسالة التي تودي توجيهها لطاقم العمل؟

أقول لإسعاد يونس إني بحبها من زمان وأكبر شرف ليا إني اشتغلت معاها أنا كده دخلت التاريخ، وأحمد السقا كان حلم من أحلامي إني أشتغل معاه وإن شاء الله اشتغل معاه في نفس المشهد مش في نفس الفيلم بس، وطارق عبد العزيز شرف ليا إني اشتغلت مع ممثل محترم وطيب بالشكل ده.

  • هل هناك دور معين تتمني تقديمه؟

أنا أتمنى أقدم في مسلسل دور كبير يكون مكتوب حلو ويمس قلوب الناس.

بتمنى أكون من نجوم الوطن العربي ومن أهم المنتجين فيه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!