حواراتفن

انجى علاء لـ “هافن”: أصعب مشهد كتبته كان مشهد موت علي ابن الدكتور ياسين

إنجي علاء من المؤلفات المصريات والتي تألقت بأعمالها في الفترة الماضية وبخاصة بمسلسل “كوفيد ٢٥”.

تخرجت من إعلام الجامعة الأمريكية قسم صحافة، كما انها درست في مسرح الفلكي التابع للجامعة الأمريكية.

من كتبها التي ألفتها “قانون الكارما، الأشقر مروان”.

ومن أشهر المسلسلات التي ألفتها “لعبة إبليس، بلا دليل، كوفيد٢٥”

قامت بتصميم أزياء شخصيات مسلسلات “الصياد، اختيار إجباري، الشارع اللي ورانا، لعبة إبليس، القيصر، النهاية، كفر دلهاب، كوفيد٢٥” وفيلم “بني آدم”

تعتبر كتابة السيناريو هو العمل المفضل لديها، لذلك كتبت مع مجلة “هافن” سيناريو عن حياتها الفنية نعرضه عليكم في الحوار التالي

كتأليف؟

كوفيد ٢٥ تجربة خاصة ممتعة وصعبة في نفس الوقت.

وكتابة؟

معاناة الأبطال من انتشار الفيروس كان متعب جدا وفي نفس الوقت تجربة جديدة في الكتابة
قصة الدكتور اللي بيعاني من فقدان ابنه بسبب كوفيد ١٩، وشكه في العلم، وتدهور حالته النفسية بعدها، وظهور الفيروس الجديد وتأثيره على البشر، وازاي خرج حقيقتهم، وازاي طلع ان جواهم فيروس أخطر بكتير من الفيروس اللي بينتشر، كل ده كان شاددني جدًا وانا بكتب، والحمد لله تعبت فيها جدًا، وسعيدة برد فعل الجمهور.

والكواليس؟

كواليس كوفيد٢٥ كانت حلوة جدًا، وكل الكرو كان متحمس للعمل، وانا سعدت جدًا بالتجربة وبشغلي كمؤلفة ومصممة أزياء العمل
كمان العمل مع المخرج احمد جلال اللي بعتز بالشغل معاه دايما، وبتعلم منه
كمان سعيدة جدًا بشغلي مع يوسف الشريف لأنه ذكي في اختياراته، نجم السهل الممتنع ورحلتنا كانت طويلة جدًا، ١١ عمل اشتغلناهم مع بعض عزاز جدًا عليا، عمر تاني! واحنا الاثنين دايما بندعم بعض وبنساعد بعض
وسعدت جدا بالشغل مع كل كرو وكاست العمل.

إيه هو أكتر مشهد أثر فيكي وانتي بتكتبيه؟

مشهد موت علي ابن الدكتور ياسين المصري، كان صعب عليا نفسيًا جدًا، في مشاهد ممكن اتعب في تأليفها وكتابة حوارها ولكن المشاهد المتعبة نفسيًا دايمًا هي الأصعب.

ليه شخصية رامي اتوفت؟

شخصية رامي كانت مميزة، وكان لازم يحاول يضحي بنفسه عشان الباقي يعيش، لأنه كان عايز يكفر عن ذنبه، ومعندوش حد مسؤول منه يتمسك بالحياة عشانه، فقرر يضحي بنفسه، ولكنه في السيناريو ماظهرش هو مات ولا لا، لأنه ممكن يكون نط في عربية القطار الثانية وبعدين قدر يعيش!

ايه رأيك ف رد فعل الجمهور على تأثره بمشهد موت رامي؟

سعدت جدا برد فعل الجمهور بعد عرض مشهد تضحية رامي بنفسه، وتعلقهم بالشخصية أسعدني جدًا.

منين جت فكرة ان علاج الفيروس تكون في الفورمالين؟

الفورمالين مادة بتدخل في المواد الحافظة، فتخيلت انها ممكن تعمل عازل بين المريض والفريسة وتخلي المريض ميتعرفش على الشخص اللي حاطت عليه فورمالين.

  • ماذا عن تجربة تصميم الأزياء بمسلسل “النهاية”؟

النهاية المسلسل رقم ١٣ ليا كستايلست ومصممة أزياء، وسعيدة جدا أن الأزياء كانت مميزة ولفتت النظر، واخدت جوايز عليها كتير منهم “دير جيست، وشوشة”
وبرضه ازياء كفر دلهاب الحمد لله ناس كتير بعتتلي أعجبت بيها وخدت جوايز عليها، من الجمهور ودي حاجة اسعدتني جدًا.

  • ايه هي أقرب اعمالك لقلبك والمميز بالنسبالك؟

أقرب أعمالي إلى قلبي مسلسل بلا دليل، فبالرغم من انه ٤٥ حلقة لكنه كان سلس ومشوق وقريب جدًا لقلبي بقصته واحداثه وبكل صناعه وابطاله، وسعيدة جدًا بالتجربة دي
وكذلك مسلسل لعبة إبليس، فكان أول تأليف درامي ليا، وبعتز بيه جدا.

  • إزاي بتشوفي كتابة الروايات من وجهة نظرك؟

كتابة الروايات عالم تاني مختلف، بيقرب جدًا القاريء من المؤلف، لأن مفيش اي عوامل فنية تانية بين المؤلف والقارئ، يعني الكاتب هو اللي بيوصل الحدوتة للقارئ، ومحدش بيتدخل فيها، ولو تفاعل معها القاريء وعجبته بيكون المؤلف هو الوحيد اللي له الفضل في ده بعد ربنا سبحانه وتعالى، لان المؤلف بيكون هو المؤلف والمخرج والموسيقار ومصمم الأزياء والديكورات وكل حاجة
وليا ٣ روايات كل واحدة ليها معزة خاصة عندي وهم لعبة إبليس وقانون الكارما والأشقر مروان.

  • انجى علاء إزاي بتوفق بين شغلها ونجاحها فيه واولادها؟

انا عندي ٣ اولاد جنى وعبد الله وعبد الرحمن، هما كبار دلوقتي فعندي وقت اشتغل اكتر واحقق اللي كان نفسي فيه، لان وهما صغيرين مكنتش بقدر اسيبهم كتير وعشان كده شغلي كان محدود.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!