انا بجد منهارة بقى عندى 35 سنة ولسة متجوزتش وكل الى حوليا اتجو..زوا وخلفوا وفى منهم اطلق واتجوز تانى وخلف كمان حتى نهى اختى الاصغر منى ب 8 سنين اتجوزت وخلفت ماشاء الله وابنها حاليا عمره 3 سنين ..طبعا مش هقولكم على كمية حرقة الدم الى بسمعها وكانى انا الى موقفة حالى بنفسى ولا انا الى مجوزتش نفسى ولا انا الى بطفش العرسان اكتئبت كتير وقاومت كتير عملت كل حاجة قدمت فى مواقع الجواز ع النت وجروبات الجواز ع الفيس بوك مش عشان هموت ع الجواز لا عشان اعصابى تعبت حتى اختى بقت تخاف منى لاحسدها واحسد ابنها بطلت تيجى تزورنا ولما اتصل بيها تقولى ديما بتتخانق مع جوزها وابنها ديما تعبان .. وحياتها سودة والجواز دة قرف ويابخت الى ماتجوزوش ! دى اختى مابالكم الناس الغريبة ضعفت كتير وبقيت انام احلم بالبيت والزوج والفرح والاسرة
وديما كنت اقول يارب نفسى بس الحق ابقى ام قبل مكبر ومعرفش اخلف يارب انا مش معترضة والله بس انا اضعف من انى اتحمل نظرات الناس ولقب عانس وخوفهم ع حياتهم واجوازتهم وعيالهم منى يارب
بس انا قررت مستسلمش ونزلت اشتغلت فى شركة وقلت ههلك نفسى فى الشغل عشان انسى ومفكرش ومتعبش وقررت اعيش لنفسى وانجح وان الحياة مش راجل عادى ممكن اعيش لنفسى ورضيت واحتسبت .. مرة سنة ع الوضع دة بس مقدرتش اشيل من دماغى فكرة الجواز نهائى مش هكدب عليكم كانت بتايد فى قلبى نار كل م نهى وعمرو يجوا البيت عمرو كان اكبر منى انا ونهى كان عمرة 38 سنة وكان هو الراجل الوحيد الى فى حياتى تقريبا لان ابويا متوفى ومعنديش اخوات ولاد فغصب عنى كنت بفكر فية وبرجع استغفر وازعل من نفسى واعيط واقول نهى ليها حق تتجنبنى وانى حقيرة ووحشةوو…..
بس نهى كانت بتعمل معايا تصرفات تخلينى مستحرمش اعمل كدة مرة كنت بجرب المكياج بتاعها ففى قلم روج عجبنى بقولها جيباه منين عشان اشترى واحد ردها عليا صعقنى قالتلى اى يا هويام مش كبرتى ع الكلام دة ولا اى .. خلاص يا بنتى الى اتجوز اتجوز القطر فاتك وداس عليكى وقعدت تضحك كانها بتهزر دة حتى عمرو كان بيقولى من يومين مش عارف لما امك تموت هويام هتكمل حياتها ازاى بطولها كدة ..
بالرغم من سواد الموقف حسيت باحساس حلو انى باجى ع دماغ عمرو برضو زى ما بيجى ع دماغى..
بقيت احاول افرض نفسى ع حيات نهى بدون استحرام المرادى عشان اقرب من عمرو حتى لو من بعيد المح نظرة خطف منة او اتكلم معاة باى موضوع بقيت اتفنن ابين جمالى ونقاط قوتى قدامة وابرز نقاط ضعف نهى وبدات ابين لعمرو اهتمام مقصود بقيت اهتم بتفاصيلة واتكلم معاة بالمواضيع الى بيحبها عشان اوصلة احساس اننا لايقين ع بعض اكتر م انت ونهى لايقين وانى فهماك اكتر منها والكلام معايا ممتع ولذيذ اكتر منها ..
حسيت انى بقيت مريضة بس دة الشغف الوحيد الى بحياتى شوية المشاعر المزيفة المسروقة دول الى بقيت عايشة عليهم ..
عدت الايام وفضلت ع الحال دة ومع الاسف اتعلقت بعمرو وحبيتة وبقيت اقول لنفسى وافسر تصرفاتة معايا انها حب ..
الموضوع زاد معايا وبقيت اسهر بالليل افكر فية ويوحشنى وبقى نفسى اتكلم معاة
عملت اكونت فيك ودخلت ع انى واحدة معجبة وبحبة وحاولت المحلة بس مع الاسف صدنى وعملى بلوك ..
اتصدمت جدا دة معناة انة بيحب نهى دخلت فى حالة نفسية وحشة جدااااا ومبقتش عارفة اعيش خالص .. حتى بدات اتعامل معاة وحش كانى قلتلة بحبك وصدنى فعلا …
بس مقدرتش اقاوم انا فعلا حبيت عمرو واتعلقت بية بقى فارس احلامى مبقتش بتمنى حاجة فى حياتى غير انى اوصلة وازيح نهى من طريقى
وهو الصراحة كان جان جدا معايا وديما كان يقارن بينى وبين نهى ويقول يا حظة الى هياخد هويام . واد اى هويام شخصية واو ومش ناقصها حاجة
وطبعا دة كان بيبوظ العلاقة بينى انا ونهى اكتر بس مكنش بيهمنى كل همى اشغل عمرو
فى يوم بالليل كنت سهرانة بفكر فية ك العادة وبقلب ع الفيس بوك وبقرا قصص رعب لوحدة متبعاها ع الفيس بوك اسمها صديقة الاشباح كانت كاتبة قصة قديمة اسمها هاروت وماروت قريتها وكملتها مع انى مبحبش قصص الرعب ومش بخاف بس لانى لقيت فيها الى بدور عليه
القصة كان فيها البطل بيحب البطلة بس البطلة اتجوزت واحد تانى وهو بقى بيدور ع طريقة يبعدهم عن بعض ويتجوزها هو وصديقة الاشباح دى بتقول انة دخل ع جروب اسمة هاروت وماروت ودور ع طلاسم بتبعد يين المتجوزين
بالفعل عملت بحث عن اسم الجروب لقيت فى جروب بالفعل بنفس اسم القصة
اسمه هاروت وماروت واول بوست موجود بالجروب كان
سحر مجرب للتفريق بين المرء وزوجه .. وهو سحر رفيع الشأن، عظيم القدرة.
يكتب الطلسم على ورقة بالقلم الاحمر، ثم تبخر بالطرطير، وأثناء التبخير تقرأ عليها الآية الابليسية ٢٥ مرة، ثم يوضع فيها من أثر الزوجين، ثم يوضع تراب من مقبرة، وتلف وتوضع في قطعة قماش سوداء وتعقد سبع عقد بخيط اسود، وترمى على باب المطلوبين فيحصل المراد.
الطلسم
خخ ولولو ط ياال يه ث ا ممم صصص ىىى ييححح
ططك باا يي نيميخه ثهثجى صصصص ييي الو الة التة مم
ختاايوززيؤل
لليللبسس الب ثلييصا غثلببصهق غيليبليتاثغ لسلىليفى يهىا
ابايلث
الآية الإبليسية
وإذ كنا بجانب الشجرة المظلمة فنظرنا نظرة في البعيد فوجدنا زوجان متحابان فأردنا بهما فرقة فألقينا عليهما بسحرنا ناصبين لكل واحد منهما قرينا لا يجتمعان…..
يتبع …..
