ياسر الرفاعي ممثل مصرى ولد فى ٢٠ من سبتمبر ١٩٨٨، درس في أكاديمية الفنون فنون مسرحية قسم تمثيل وإخراج.
وشارك مؤخرًا بمسلسل “إلا أنا” بحكاية “بالورقة والقلم” كمهندس كمبيوتر مساعد لفريق العمل وكان لمجلة هافن حوار خاص مع وإليكم نص الحوار
- مين رشحك لدور فتحى فى حكاية بالورقة والقلم؟
المؤلف أمين جمال، والمخرج محمد بكير، والمخرج أسامة عرابي واضح ان كان فيه إجماع.
- ايه اللى جذبك لدور فتحى؟
دور مختلف، خط لوحده مجازفة، وانا احب المجازفات.
- احكيلنا عن الكواليس كانت ازاى؟
اشتغلنا على الدور كتير قبل التصوير مع المخرج لحد ما وصلنا لشكل معين.
- علاقتك بكاست العمل كانت ازاى وقت الكواليس؟
بالصدفه كنّا كلنا اصدقاء من قبل وبالنسبه ليسرا بعد اول مقابله أصبحت العلاقة لطيفه جداا بِنَا وكذلك نور محمود وعلي الطيب
كواليس كلها ضحك وهدوء واحترام.
- من خلال دورك كمهندس كمبيوتر ايه رايك فى موضوع الهاكرز والابتزاز من النوعية دى؟
موضوع شائك جدا كلنا صادفناه ومرينا بيه وللاسف بيقع فيه الكثيرين ومبيعرفوش يعملو ايه.
- من وجهة نظرك بعد ادائك دور فتحى ازاى نمنع حاجة زي الهاكرز والابتزاز؟
القانون علي طول ومباحث الإنترنت والشباب يخلو بالهم ميفتحوش اَي حاجه وخلاص ولازم يعرفو المصدر بتاعها حاسه باي حاجه يبلغوا علي طول.
- ايه نوعية الأعمال اللى بتفضل انك تعملها؟
كل الأنواع افضل اني اعملها الممثل الجيد يجيد كل الأشياء والاختلاف والتنوع ممتع للممثل.
- فى اعمال جديدة ليك قريب او معروض عليك اعمال؟
حاليا بحضر لفيلم سينما وفِي انتظر الجديد.
