حواراتفن

من بعد إتقانها لدور ساندي البنت المتنمرة الجمهور يتعاطف مع “ريما مصطفى” في حكاية “بالورقة والقلم”.. خاص

نجحت الطفلة “ريما” في جذب تعاطف الجمهور معها خلال أحداث حكاية “بالورقة والقلم” والتي قدمت من خلاله دور الطفلة “فريدة” ضحية الخلافات اللي تحدث بين الأب والأم بعد الانفصال.

وكان لمجلة هافن حوار مع والدة الطفلة “ريما مصطفى” تكشف تفاصيل مشاركتها في مسلسل “إلا أنا” حكاية “بالورقة والقلم” وعن أعمال “ريما القادمة”.

هي عاملة دور الطفلة “فريدة” اللي عاملة دور ضحية الخلافات اللي بين الأب والأم بعد الانفصال، هما بيسلطوا الضوء علي المشكلة دي علي اساس أنهما حابين أنهم يزرعوا في دماغ الناس أن بعد الانفصال ياريت نراعى نفسية الأطفال وبلاش نعاند مع بعض.

خلال مشاركتها مسلسل “الحرير المخملي” فأحد صناع العمل هو اللي رشحها لما شاف شغلها.

  • ماذا عن كواليس العمل؟

كانت لطيفة وريما كانت مبسوطة أوي، هي بس الدنيا كانت مضغوطة علشان كانوا المفروض يخلصوا في وقت قليل علشان ميعاد العرض، بس الموضوع كان لطيف طبعًا ريما كانت مبسوطة أوي لأن هي تجربة جديدة خالص عليها عكس شخصية ساندي الشريرة اللي كانت عملتها في مسلسل “خلي بالك من زيزي” فكانت مبسوطة أن هي كانت بتعمل حاجة جديدة خالص عليها.

  • كيف جاءت ردود الأفعال حول دور “فريدة”؟

الحمد لله كان في كمية مسدجات كتيرة جدًا من مصر وخارج مصر كمان، ومن خارج مصر الناس بتبعتلها تقولها عيطينا حرام عليكِ كده، وإن هي اتقنت الدور أوي والإحساس اللي بينها وبين بابها هما مش حاسيين أن هي بتمثل، فالناس كانت مبسوطة أوي بيها والحمد لله ردود أفعالهم حلوة جدًا جدًا وأسعدتنا.

  • حدثينا عن تجربة “ريما” مع المخرج “محمد بكير”؟

هو للأسف ملحقش يخرج المسلسل لأن هو بعد يومين من الإخراج تعب، لكن اليومين دول كانت “ريما” بتقولي أنا مبسوطة أوي هو بيشجعني، هو جميل كانت مبسوطة من الشغل معاه جدًا.

هو شخص خلوق أوي، محترم أوي، وكان بيراجع معاها المشاهد، هي بتقولي هو أدني من الحالة اللي هو حاسس بيها، هو حاسس أن هي بنته أوي وهي حاسه أنه بابها أوي، فهو شخص خلوق ومحترم وشاطر جدًا.

  • ماذا عن أعمالها القادمة؟

مشاركة في فيلم “المحكمة” ومن المقرر عرضه قريبًا في السينما، عاملة فيه جزء في قضية محكمة الأسرة ابنه “يسرا اللوزي”، “محمد علي”.
وبتشارك في فيلم “حامل اللقب” مع الأستاذ “هشام ماجد، دينا الشربيني، دنيا ماهر، محمد سلام”.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!