قصص

امرأة غلبت الشيطان | الجزء الثاني

اعوذ بكلمات الله التامات من شر ماخلق
معقول الى بيحصل دة معقول انا بتعليمى وتفكيرى افكر بالسحر والاعمال والشعوذة استغفر الله العظيم استغفر الله العظيم لية كدة بس يا هويام لية بس يولع الجواز ع الخلفة ع كلام الناس الى يخلونى ابقى حقيرة كدة .. حتى نهى طيبة وغلبانة واكيد متقصدش الى بتعملة طول عمرها عيلة هبلة وطول عمرها بتغلط وطول عمرى بغطى عليها .. حسيت بالحظة دى قلبى وجعنى وبينبض جامد واتقبض كانة بيفكرنى وبيقولى طيب وعمرو وحبك لعمرو .. لحظتها حسيتة انى ضعفت واتشتتت تانى ودماغى فضلت تودى وتجيب وبالاخر انهارت بالعياط .. وقعدت اقول يارب ارحمنى يارب احمينى من نفسى يارب شيلة من قلبى ومن عقلى يارب شيلة من قلبى ومن عقلى ..
حاولت اصرف تفكيره عنة بكل الطرق ولكنى فشلت كان الشيطان واقف فوق قلبى ودماغى مقدرتش خالص .. مسكت التليفون فتحت صورة هو ونهى وقعدت اقص نهى من الصور واخليه لوحده واركب صورى جمي صورة واتخيل اننا سوا قعدتت ادقق فى ملامحة اد اى كنت هبقى مبسوطة لو كنت انا الى مراتة وقد اى كانت حياتى هتبقى مختلفة وحلوة .. عمرو حاليا بالنسبالى هو الراجل الوحيد الى عوزاه من كل قلبى
كان هيحصل اى لو كان قابلنى قبلها اكيد كان حبنى اكتر ما حبها .. نمت ع نفسى وانا بحلم بحياة كاملة مع عمرو كاننا اتقابلنا وحبينا بعض واتقدملى واتخطبناووووووووو ودلوقتى نايم جمبى عيشت الحالة بكل تفاصيلها حسيت براحة نفسية وفرحة مجرد التفكير فى حياة معاة فرحة … اطمنت ع نفسى جوة افكارى ونمت
لما صحيت كنت كارهه نفسى ومحتقراها اى الى انا بفكر فية دة انا اتجننت يارب ساعدنى يارب قوينى يارب ارحمنى واحفظنى من نفسى ومن ضعفى
انا لازم ابعد عنهم واختفى من حياتهم لحد مقدر ارجع تانى طبيعية وابطل احب عمرو
لازم ابعد لازم اقاوم مش هخرب بيت اختى ماينفعش ماينفعش …
لبست ونزلت شغلى بالطريق حطيت الهاند فرى فى ودنى وشغلت اغانى عالية دوشة فى ودنى عشان مركزش مفكرش عشان اهرب من افكارى الى بتجذبنى غصب عنى لعمرو …
وصلت الشغل متاخرة اليوم دة ..
وانا طالعة السلم سمعت زغاريط …زغاريط كتير وهيصة فوق
طلعت اشوف فى اى لقيت امنية اتكتب كتب كتابها
بصيت كدة واستغربت وقلت اى دة ازاى! هى اتخطبت امتى اصلا معلش !
بصولى كلهم وبصوا لامنية الى بان ع وشها الكسفة
والارتباك ..
وقعت وحدة بلسانها من الواقفين او تعمدت تضايقنى او تحرج امنية او توقع بينا اوووووو
وقالت فى اى يا هويام دى بقالها سنة يا بنتى مخطوبة ششكلها نسيت تقولك
طبعا امنية كانت بموقف وحش طبعا انا مش متعاطفة معاها دة تصرف حقير منها اى يعنى عندى 35 سنة وماتجوزتش للدرجادى خايفة ع نفسها منى معقولة انا فعلا خطر على الناس كدة ولا الناس هى الى بقت حقيرة …
بصيت لامنية وابتسمت ابتسامة خفيفة وقلتلها 1000 مبروك ربنا يتمم ع خير …
واديتهم ضهرى ومشيت …
قبل ماحد يلمح دموعى ويفهمنى غلط والله انا راضية هما الى بيعملوا فيا كدة بو يتعاملوا عادى هتعامل عادى بس ديما محسسنى انى هحسدهم وخطر عليهم
جريت ع الحمام وقفلت عليا عشان اعرف الم نفسى واعصابى وميبنش عليا حاجة تتفهم غلط
انا لو زعلانة هيبقى على نفسى والله مش غيرة
بس محدش هيفهم ولا هيقدر …
دخلت الحمام ودموعى نزلت غصب عنى … انهارت فى العياط …
قعدت حوالى نص ساعة مش عارفة اتلم ع اعصابى وامسك دموعى .. مش عارفة اطلع اتعامل عادى وابان طبيعيةة… حاولت اد ما حاولت …
وبالاخر طلعت …
نظراتهم ليا مكانتش مريحة .. كانهم بيتفرجوا ع فيلم وبيتابعوا الاحداث والتفاصيل …
مستحملتش خدت اذن وروحت ..
طيب اهرب منين ع فين دلوقت …
دخلت البيت امى ست كبيرة ومريضة من ساعة م بابا مات وهى جالها حالة نفسية وحشة وصلت لشلل مابتتحركش من السرير .. وماينفعش ابدا تشوفنى تعبانة ولا زعلانة عشان نفسيتها
بس اكيد هى حاسة بيا وعارفة وضعى وحزنى الى حبساة فى قلبى بس مينفعش برضو ابينلها
سالتنى رجعت بدرى لية قلتلها حسيت بصداع وشكلى داخلة على برد وبفكر ااجز يومين …
فعلا قررت مرحش الشغل كم يوم مش هضغط ع نفسى واعصابى عشان حد هواجه مشاكلى وهصفيها مع نفسى وهرجع اقوى من الاول ..
جرس الباب رن ..
فكرتها مرات البواب او جارتنا الى تحتينا اصلهم بيعدوا ع ماما كل يوم وانا الشغل يساعدوها تدخل الحمام مرة اوويعملولها حاجة كتر خيرهم …
ففتحت بلبس البيت شورت وكات وبشعرى لقيت عمرو بوشى…
اتخضيت اتكسفت برقتله واتسمرت مكانى من الكسفة ..
هو كان ثابت وبص عليا من تحت لفوق بلحظة واحدة بص على كل تفاصيلى… باللحظة دى عمرو مشافش هويام اخت مراته هو شابفنى بعين راجل شايف وحدة امورة
وبعدين هرش بايدة فى شعرة لما فاق لنفسة وحس بكسفة وبص وراة ورجع بص عليا تانى وقال انا جيت عنوان غلط ولا اى وضحكلى
لحظتها سبت باب الشقة مفتوح ودخلت اجرى شبه الهبلة ..
ماما قعدت تقول مين مين … رد عليها انا يا طنط قالتلى طيب ما تدخل يابنى …
دخل عمرو وقفل الباب …
طبعا لبست بسرعة ولفيت الطرحة وكنت محروجة جدا انى اطلع ….
بس لازم اتخطى الموقف واطلع …
طلعت ودخلت سلمت علية. وعينى بالارض …
بس هو فاضل باصصلى ف عينى لحد م اضطريت ابص فى عينة انا كمان … عينة لمعت وابتسملى…
قلبى خلاص كدة سلم تماما …..
حاولنا نتعامل عادى وفعلا عدى اليوم …
عمرو كان متعود يعدى ع ماما وانا بالشغل كل ميلاقى وقت عشان برضو يساعدها ف حاجة ولا يجيبلها فطار …. ولسوء الحظ كنت انا بالبيت ..
طبعا موقف زى دة كان كفيل ابنى عليه احلام وامانى وخيالات لسنة قدام
بالليل .. مشكلتى ديما مع بالليل مهما حاولت اهلك نفسى بالنهار عشان انسى بالليل بيحصلى انفصام ..
ببقى شخص تانى عندى استعداد للغلط والتهور ومش هاممنى حاجة
ومهما حاولت اطنش مشاعرى وافكارى ديما الليل يضعفنى ويغلبنى ويخلينى استسلم لشيطانى
طول الليل بعيد وازيد فى موقفى مع عمرو ياترى عجبتة ياترى بصلى بصة راجل لست ولا مجرد جوز اخت لاخت مراتة .. طيب ياترا عجبتة !
طيب ياترى بيفكر فيا وبيفتكر شكلى بشعرى ولبسى الى طلعتله بية ….
وفضلت كدة للصبح وقررت انى بعد كدة اطلع قدامه بشعرى عادى يعنى جوز اختى عادى واحد م العيلة وزى اخوكى يا هويام عادى عادى عادى عادى عادى ……
نمت وصحيت طبعا مرحتش الشغل وفضلت قاعدة مستنية جرس الباب يرن ع امل يجى عمرو .. مجاش …
عدا يوم 2 الاسبوع خلص ومجاش …
اكيد عرف من نهى انى اجازة … بدات اضايق واكتئب دة معناه انى مش بدماغة اصلا ….
سعات افكر فية وافسر تصرفاته حب واعجاب منة لية وسعات اقول تصرفات عادية … وبين دة ودة هلكت وهلك قلبى …
مش قادرة اشيل عمرو من دماغى …
بقلب ع الفيس لقيته مشير اغنية باين حبيت بتاعة عمرو دياب …
وكاتب (( فرق الاحساس اجمل بكتير باين حبيييت ايوة حبيت .. ))
قلبى دق وكانى متاكدة ان الكلام دة ليا اننننااااا
عملتلة لاف ع الاغنية …
معداش 3د بالظبط لقيت نهى مننشنالى بالبوست وحطالى الاموشن دة 🙄 وبتقولى خير يا طنط هويام ….
اتخضيت اترعبت اتحرجت ….. كل المشاعر الى ملهاش علاقة ببعض هجمت عليا مرة وحدة رحت دخلت رديت .الهضبة يا نؤنؤ لا يقاوم 😂😍
وقفلت الفيس وحسبت كان كومنتها دة قلم نزل ع وشى صعقنى …
حاولت انام مقدرتش فضلت طول الليل اعيط …وبعدين افتكرت موضوع الطلاسم والسحر .. وفضل الموضوع شاغلنى طول الليل ولكنى كنت اقوى من انى استسلم ونمت …
صحيت الصبح لقيت ماما بتقولى هويام مبرووووك يا حبيتى جالك عريس
دة تقريبا العريس رقم 39 لا فى واحد اتنين رقم 41 بالظبط العريس رقم 41 ايووووووة 41 انا عداهم بقيت حافظة الاسطوانات .. دة فى واحد قام باس يد ماما باول مقابلة يشكرها ع انها خلفتنى وكان طاير من الفرح واول ما روح .. اسف مافيش نصيب … ابن المجنووووونة
وهكذا وهكذا…
المهم طبعا هزيت راسى وعملت مبسوطة فماما بتحكيلى ع التفاصيل . بقى ..
يالعريس صاحب عمرو.. ايووووة عمرو الى جايبة .. عمرو الى بحبه وبحسبة معجب جايبلى عريس .. قلبى وجعنى ودموعى نزلت بس ما باليد حيلة .. رتبوا المقابلة كانت فى بيت نهى وعمرو…
مش هكدب عليكم صح او غلط حسيت بالرفض من عمرو ليا .. ازااااى متسالووووش انا رسمت حكاية بدماغى وبالنسبالى كدة رفضنى..
فقررت اندمة
رحت البيت عند نهى وغيرت هدومى ع غيييير عادتى ولبست فستان كات وعملت شعرى وحطيت فول ميييكب … كنت خارقة الجمال …
نهى كانت بتاكل فى نفسها بس ملهاش عندى حاجة بس مقدرتش تمسك نفسها وقالتلى اى الى انتى بتعملية دة عمرو بالبيت …رديت عليها بكل بجاحة جاية اقابل عريس هبينله كل انوثتى بقى ع اوقعة واتجوز انا كمان .. ليكى شوق فى حاجة .. ولا غيرانة يا قطة خلى عندك ثقة فى نفسك يا بت وضحكت وقلبت الموضوع هزار …
عمرو لما شافنى اتفجع الراجل بصراحة واستغرب بالاول وكان مكسوف يبص عليا بس انا مهتمتش واتعاملت عادى عشان ادية مساحة يتعامل بقيت كل مبص علية من بعيد الاقية باصصلى .. اروح مبتسماله…الاقية اتخض ودور وشةه.. بس انا كنت مبسوطة بالاحساس مش هكدب عليكم … حلو انك تحسى الشخص الى بتحبه شايفك حلوة ومش قادر ينزل عينة من عليكى …
نهى طبعا كانت بتغلى بس الى تقدر علية تعملة …
جة العريس وسابونا قاعدين مع بعض شوية ..عريس ظريف … مناسب تماما متجوزش قبل كدة سن عمرو … كان كل الى بدماغى وقتها .. يارب هو دة بجد يعنى انا ممكن اعيش حياة طبيعية زى نهى كدة بجد.. وقررت ساعتها انى هبطل كل الافكار السودة وهقرب من ربنا وهبطل افكر بعمرو .. وحسيت ان دى فرصة من ربنا عشان ابطل الى بفكر فية …
جت نهى وعمرو قعدوا معانا … نهى بدات تتكلم مع هشام العريس … وصعقتنى بكلامها ..
نهى :- اولا احنا مقدرين انك وافقت تشوف هويام بالرغم من سنها
هويام :- اى دة الى الى بتقولية دة
عمرو:- سن اى يا بنتى دى البنت وى القمر اى واخرها تبان 25 سنة ..اكيد بتهزر يا جماعة
هشام :- عندك حق والله دى قمر اخرها 25س فعلا
نهى:- ممكن نتكلم جد شوية … هى كمان شهرين هتبقى 36 والعمر بيجرى عاوزين بقى تتجوزوا بسرعة لا فرح ولا خطوبة هيصة عشان تلحق تخلف عيل وكمان فى حاجة ضرورية لازم تبقى عارفها ماما متعلقة بهويام فهتاخدوها تعيش معاكم لو ميناسبكش قول من دلوقتى عشان الست ماتتبهدلش …
انا عيطت وانا قاعدة ودخلت جريت ع جوة
راح عمرو شد نهى من اديها وخدها ع جوة .. وسمعت صوت زعيقهم

عمرو:- انتى اتجننتى
نهى :-فى اى بتزعقلى لية انت عاوزها تتجوز والبس انا ماما
عمرو:- اناى قلبتى ادبك برة انا مش متخيلك انتى مش طبيعية
نهى :- انت بتزعقلى عشان هويام ولا اييييية
عمرو:- لا دة جنان رسمى
نهى :-هى الى اتجنت ومش عاملة اعتبار لسنها ولا شكلها الى قدها عيالها طولها ودى لبسالى كات وشعر وحطالى فول ميكب ومفكرة نفسها بنت 20 سنة وقاعدة تتسهوك ع الراجل مش كتر خيرة انة رضى يشوفها
عمرو:- انتى مريضة نفسية على فكرة اختك جميلة فعلا وسنها مش باين عليها وعقلها كبير وذكية ومش ناقصها حاجة والسن مالوش علاقة بالجواز
نهى :- ومالك محموق اوى كدة لية دى اختى وانا ادرى بمصلحتها ماتدخلش
عمرو:- انتى احرجتينى وفضحتينى قدام هشام با شيخة منك لله منك لله
نهى :- بتدعى عليا عشانها طيب والله منا قعدالك فى البيت
عمرو :- غورى
وطلع عمرو لهشام وجاتلى نهى
انتى اتسببتلى فى مشكلة كبيرة انا مالى تتجوزى ولا تعنسى ابعدى عن حياتى بقرقك ومشاكل وعينك انتى السبب فى الهم دة …
لبست هدومى ونزلت جررررى اعيط فى الشارع زى المجنونة
روحت البيت وانا منهارة جدا … لية كدة يارب لية يارب لية يا رب حرام يا رب يعنى اموت نفسى واخلص منا متهببة وساكتة وراضية لية بتحطنى بالنواقف دى يا رب يارب خدنى انا تعب يارب خدنة يا رب ….
ع الساعة 8 بالليل .. تليفونى رن .. لقيتة عمرو .. قلبى طار من الفرحة
رديت علية ..
عمرو:- هويام انا اسف على الى حصل انهاردة
هويام:- حصل خير
عمرو :- اى دة انتى بتعيطى
هويام :- لا عادى
عمرو:- لا بتعيطى … نهى لسة عيلة وماتقصدش د اختك وياما اتخانقتوا وهاتتخنقوا وانا هخليها تعتزرلك
هويام :- مش مشكلة يا عمرو شكرا ع اهتمامك
عمرو :- لا ماتقوليش كدة ع فكرة كنتى امورة جدا انهاردة .اقصد هشام كان مبهور بيكى انهاردة ..
هويام:- الحمد لله دى حاجة حلوة انكوا شايفنى حلوة بالرغم ….
وقعدت اعيطله … وفضل سااااعة ونص يهدى فيا ويتكلم معايا ونفتح مواضيع ونقفل مواضيع …
قفلت معاة وانا متيمة تماما بية …
لقيتة فاتح الفيس ع الساعة 4 الفجر … دخلت بعتلة مسدج
عمرو شكرا جدا ع اهتمامك وانك مرضتش تسيبتى زعلانة مش هنستلك وقفتك جمبى دى ابدا ربنا يخليك ليه ..
مشافهاش …
فضلت اقلب ع الفيس ودخلت تانى ع صفحة هاروت وماروت … لقيت برضو اول بوست او المثبت بتاع التفريق بين الراجل ومراتة …وان فى طرق كتير عن طريقها اقدر اخلى عمرو يبطل يبص فى وش نهى ويحبنى .. مش مستنية جواز منة اد ما مستنية لحظات اهتمام من راجل بحبة ليا
قريت تانى المكتوب

سحر مجرب للتفريق بين المرء وزوجه .. وهو سحر رفيع الشأن، عظيم القدرة.
يكتب الطلسم على ورقة بالقلم الاحمر، ثم تبخر بالطرطير، وأثناء التبخير تقرأ عليها الآية الابليسية ٢٥ مرة، ثم يوضع فيها من أثر الزوجين، ثم يوضع تراب من مقبرة، وتلف وتوضع في قطعة قماش سوداء وتعقد سبع عقد بخيط اسود، وترمى على باب المطلوبين فيحصل المراد.

الطلسم
خخ ولولو ط ياال يه ث ا ممم صصص ىىى ييححح
ططك باا يي نيميخه ثهثجى صصصص ييي الو الة التة مم
ختاايوززيؤل
لليللبسس الب ثلييصا غثلببصهق غيليبليتاثغ لسلىليفى يهىا
ابايلث
الآية الإبليسية
وإذ كنا بجانب الشجرة المظلمة فنظرنا نظرة في البعيد فوجدنا زوجان متحابان فأردنا بهما فرقة فألقينا عليهما بسحرنا ناصبين لكل واحد منهما قرينا لا يجتمعان…..
دخلت قريت كومنتات الناس ع البوست فى ناس كتير بتشتم وتقول حرام ممكن اى حد يقراة يتاذى وفى ناس بتقول ان ممكن اى ناس وحشة وتستغل الكلام دة وتاذى غيرها .. وناس تقول حرام وناس تقول كدابين و كومنتات كتير كتير كتير… بنص الكومنتات دى لقيت كومنت لوحدة بتقول انا بعرف اعمل اعمال سفلية واسحار سوداء بدون مقابل الى عاوز يكلمنى خاص …
دخلت على صفحتها من بياناتها تقريبا هى مغربية الصفحة طبيعية مش اكونت فيك ولا حاجة .. بعتلها اضافة .. بلحظتها اتقبلت كان الشيطان واقف وقتها معايا ….
دخلت قلتلة السلام عليكم .. استاذة ريما حضرتك هنا
ردت على طول وقالت معكى حبيبتى اتفضل ازاى اقدر اساعدك ..
قلتلها حضرتك مصرية ؟ اصل البيانات انك مغربية
قالتلى هاتفرق معاكى .. ليكى انى اساعدك اامرينى
سكتت شوية وبعدين قلتلها انتى عرفتى ازاى انى عاوزة مساعدة
ردت عليا عشان قبل مقبل صداقتك مافيش بينا حاجة مشتركة غير جروب هاروت وماروت يبقى اكيد دخلتيلى منة … تحبى نجيب من الاخر …
انا اقدر اعملك الى تحلمى بية واكتر … بس انا بيبقى ليا طلبات صعبة مش اى حد بيقدر عليها ومش اى حد بيرضى اصلا بيها…
رديت انا عليها بس انتى كاتبة بدون مقابل وكدة بس عموما معنديش مشكلة تحت امرك
ردت بس انامباخدش مقابل مدى .. مين قال عاوزة مقابل مدى
رديت امال عاوزة اى …
قالتلى قرابين الطاعة …
قلتلها يعنى اى قرابين الطاعة …
بعتتلى مسدج اقرى دى كاملة بدون تفكير لو قريتيها انا هعرف وساعتها هرد ع كل اسالتك وهساعدك ولو مقريتيهاش وكدبتى وقلتى قريتها هعرف برضو وساعتها هختفى تماما ومش حتعرفى توصليلى .. وفى اختيار تالت انك تعمليلى بلوك وكاننا متكلمناش … قدامك دقيقة واحدة بالظبط خلال مدة القراية 38ث الرسالة اهى قبلتى قريتى رفضتى القصة هتتحسم خلال 60ث..
اله الحق قادر قاهر خارق الطاعة تقربا اليك يا قادؤ خارق حق السحاب موقد نار العذاب قافل خافل غافل ساحق واجد فاجد سامر ماكر واكر عار منم ص قفف ممم ستت ؤؤ عي نتتت ضضص اؤجككس الللن ع ع ابليس المعظم …..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
إغلاق