سهام صلاح
قامت الفنانة “مي كساب” بنشر البوستر الدعائي لحكاية “عقبال عوضك” التي شاركت في بطولتها عبر حسابها على موقع تبادل الصور والفيديوهات “إنستجرام” وهو أول تعليق لها بعد شفائفها من فيروس كورونا، كما نشرته عبر صفحتها الرسمية على موقع التواصل الإجتماعي “فيس بوك”.
حيث كتبت معلقة: الكام يوم اللي فاتو كانو أطول مده أقعدها لوحدي في حياتي وبأعترف شفت الحقيقه الكامله حقيقه نفسي حقيقه كل حاجه حواليه وعرفت قيمه كل حاجه وندمت علي كل لحظه ظلمت فيها نفسي أو ظلمت حد من اللي بأحبهم وبيحبوني”.
وأضافت: اللي بتكتب دلوقتي مي بس بتاعه 2010 بس بمخ العشرين سنه اللي إشتغلت فيهم ونجحت وأخفقت بسبب ظروف وأوضاع إتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه”.
وتابعت قائلة: أنا عدي عليه ١١ سنه صعبين جدا يمكن القريبين مني عارفين أنا إستحملت إيه وواجهت إيه أنا مسحت كل لحظه مش عاوزه أشوفها تاني عشان بتفكرني إني كنت مش أنا وسببت كل لحظه وكل عمل وكل صوره بتعبر عني وعن اللي جوايا وعن أكتر حاجات مأثره جوايا كفنانه وكإنسانه”
واستكملت “ومسحت كل صوري العائليه ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميله أكبر نعمه من رب العالمين جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي ال ١١ سنه دول بأعترف عقبال عوضك كان عوضي الفني والإنساني بعد صبر ١١ سنه”.
وأختتمت “مي كساب” معلقة: حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن وبإذن الله العلي الكريم أنا هأرجع أنا وهأحارب وأقاوم كل روح شريره وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانه صاحبه رساله وأكون خير في الدنيا بحبكم من قلبي وحقيقي حبكم ليه هوه الحياه”.
ويذكر أن “مي كساب كانت قد أعلنت أصابتها بفيروس كورونا منذ فترة ولجأت للعزل المنزلي.
وجدير بالذكر أن آخر أعمالها كان مشاركتها في حكاية “عقبال عوضك” من مسلسل “زي القمر” والتي جسدت فيه دور شادية وشاركها كلًا من محمد جمعة، وهالة فاخر.
