كتب: أبو العز صبري
بدأ حوار صحفي مجله هافن مع الفنان أحمد نبيل وقال حضرتك وحشتنا جدااا وكل
جيلى والجيل اللى قبلى اتربينا على حاجاتك الجميلة قالى
متشكر ليكم جدا وانا كمان بحبكم
سال صحفي هافن لو حبينا نطلع على بطاقة حضرتك العائلية؟؟
اجاب احمد نبيل مواليد 23/4/1943 حى كرموز الاسكندرية
متزوج وعندى بنت وولد هما كل حياتى وكنزى الحقيقي
رولا وكريم وبنتى رولا كانت في مدرسة الماني ودخلت كلية
اقتصاد وعلوم سياسية وكانت الاولى علي الشرق الاوسط
في دفعتها وكريم يعمل في مجال الهندسة ويعيش في النمسا
واسافر اليه كثيرا للجلوس مع احفادي لان اعز الولد ولد الولد
سال صحفي هافن اول ظهور لحضرتك امام الجماهير كان سينما ام مسرح
ام تلفزيون ام بانتوميم؟
اجاب بدأت فى مسارح الاطفال في اسكندرية وبعدين التلفزيون
كان بيصور وشافوني في حفلة فاختاروني لاني كنت بعمل
عرض صامت وبقلد شارلي شابلن وقدمت فقرة فالتلفزيون
ونجحت فبدأت اروح واجي بين مصر واسكندرية وخلصت
الجامعة فقاطعته متسائلا حضرتك خريج ايه فقال لي كلية
تجارة جامعة اسكندرية وبعد ما اتخرجت بدأت اتعرف علي
ماما سميحة ومحمد سالم وضمني لثلاثي اضواء المسرح
وبدأت اشتغل معاهم وعملنا فرقة ثلاثي اضواء المسرح مع
سمير وجورج والضيف ولكن الضيف احمد توفي عام 1970
هنا قاطعته مرة اخري متسائلا لماذا لم تحل محل الضيف
احمد خصوصا ان فيكم تشابه فالحجم وخفة الدم؟ قالي
محصلش نصيب برغم ان كتير اتكلموا فالموضوع ده ولكن
انا كان عندي النية وعقدت العزم اسافر اتعلم فن البانتوميم
وفعلا حصلت علي منحة اسافر الاتحاد السوفيتي ادرس فن
البانتوميم وسافرت بالفعل ورجعت فنان بانتوميم.
سال صحفي هافن اكيد الدراسة غيرت منك كتير واكتسبت خبرة ومعرفة بفن البانتوميم ؟
فقال لي طبعا استفدت كتير لاني كمان قبل
السفر كنت قابلت شخص اجنبي واعجبه العرض بتاعي وقالي
لازم تدرس الفن ده علي اصوله لانك موهوب بجد وانت كده
بتعمل بانتوميم وكنت اول مرة اسمع الاسم ده قاطعته
سال صحفي هافن هل كلمة بانتوميم لها معنى؟
فقال لي هيا مقسومة قسمين بانتو وميم
بانتو : تعني انبهار او اظهار الدهشة علي الملامح
ميم: تعني التقليد بمعني اني اقلد مطرب او فنان بس
بالحركات بدون كلام او اي حرفة طباخ نجار
وبمعني اجمالي البانتوميم مجموعة بتقدم عمل كموضوع من
بدايته لنهايته ولازم يوصل للناس بصدق وحرفية ويفهموه
بس بدون كلام عرض صامت
سال صحفي هافن هل بيكون جماعي افضل ام فردي وايهما اصعب ؟
ممكن كده وممكن كده بس الفردي اصعب جدا ومحتاج
لاحترافية ومهارة فالاداء انا علمت مجموعة شباب و
اشتغلت معاهم 30 حلقة للتلفزيون سنة 1980
احنا فين دربتهم ولكن مشتغلوش لان للاسف فن
البانتوميم غير مربح لانه فن صعب واللي بيمارسه لازم
يكون دارس وحابب انه يعمل كده مش باصص للمكسب
حتي اللي بيظهروا عالسوشيال ميديا واليوتيوب دلوقت مش محترفين
ده اسمه تهريج او عرض صامت لكن مش بانتوميم
سال صحفي هافن هل الموهبة تكفي لممارسة البانتوميم؟ قال لي لازم
دراسة بجانب الموهبة هقولك مثل فرضا شخص بيحب
الجراح هل يقدر يشتغل بدون ما يدرس طب
انا درست لمدة ثلاث سنوات دراسة اكاديمية في الاتحاد السوفيتي
ما اهم عرض بانتوميم الذي قدمته ؟؟؟؟
س: اهم عرض بانتوميم قدمته ولا تنساه؟
ج: كان عرض 11 دقيقة عن الحرب والسلام اسمه دعاء
للسلام بيحكي عن قصة الحرب والسلام وفكرته ان كلنا
اولاد حواء وآدم ولازم نحب بعض ونعيش مع بعض لان
المهزوم والكسبان الاتنين خسرانين وحصلت علي جوائز
عديدة من انحاء العالم عن هذاالعرض.
س: ما اهم التكريمات والجوائز التي تعتز بها؟
ج: تم تكريمي خارج مصر كثيرا من روسيا واستراليا
وسويسرا وجنيف ومن جامعة ملبورن والهند ومن اغلب
الدول العربية ومن ارمينيا بلد نيللي وايمان سركسيان
ولعلمك معروفين هناك لانها بلدهم الاصلية
س: هل هناك فكرة بانتوميم لم تقدمها بعد؟
ج: انا قدمت اكثر من ثلاث الاف عرض طوال حياتى قدمت
نبيل بيعمل ايه.. نبيل بيطبخ ايه … نبيل فين … ايه الغلط
كل ده كان 30 حلقة في 30 حلقة ورا بعض كل سنة وكنت
في برامج الاطفال برنامج 6/6 و 10/10 مع نجوي ابراهيم
كل اسبوع فقرة وكنت بقدم عرض ساعتين لوحدي والعرض
8 فقرات او 10 فقرات وكنت قبل العرض بشهر اهيأ نفسي
واكل معين وشرب معين وتدريبات ويمكن ده سر تميزي.
س: حضرتك اسكندراني النشأة واقمت في القاهرة ايهما اقرب لقلبك ولراحتك النفسية؟
ج: اسكندرية طبعااا العشق والبحر صديقي انا كنت ليلة
الامتحان ايام الكلية لازم اجي اسهر عالبحر بالليل اصفي
ذهني واهيأ نفسي للامتحان وبستمد منه الالهام في عروض
البانتوميم.
س: لماذا فضلت الابتعاد عن التمثيل والوسط الفني؟
ج: بعد ثورة 2011 وهجوم الاخوان علي الحكم الامور
ساءت والفن اتعرض للتشوة حسيت ان انا مش قادر اواكب
اللي حاصل ده ومش ده اللي اتربيت عليه وبدأنا نتحارب
فأنا بعدت لاني مصري ومسلم واهلاوي واسكندراني بعشق
تراب بلدي واشتغلنا بملاليم وبحب لم ننتظر مقابل ومليش
فالسياسة ولو انا كملت وجاريت الموجة مكونتش هتحب
من جمهوري انا من جيل عاصر عمالقة الفن واشتغلت معاهم
الفنان المليجي العملاق كان قبل المشهد فالبروفة يوجهني و
يعلمني مخارج الالفاظ كنت اقف قدامه زي العسكري اللي
واقف قدام الظابط بكل حب واحترام لكن دلوقتي محدش
بيحترم حد هحكيلك موقف كنت بصور حلقة من حلقات
عمو فؤاد وكان معانا ممثل ناشئ فبنصحه بحاجة لاحظتها
قالي لالالالالالا انتوا ليكوا اسلوب واحنا لينا اسلوب فقولتلوا
ولا انتوا ولا احنا انا اسف اني كلمتك وللاسف الفنان ده
اختفي محدش سمع بيه فقولتله اكيد لانه رفض نصيحة
كان ممكن تغير مجري حياته الفنية قالي انا كنت بتعلم من
الاكبر مني اشوف لبسهم ازاي حركاتهم ازاي انما النهاردة
هرجلة واي حاجة في اي حاجة ولبس مبهدل ومقطع ويقولك
موضة
س: سألته اسم الفنان محمود المليجي بيتذكر دايما اشمعني
هو بالاخص ؟
ج: لانه استاذ عملاق بمعني الكلمة فنا وخلقا وفريد شوقي
و محمد عوض وامين الهنيدي وحسن يوسف كان جيل قلبه
علي قلب بعضه برغم اني مكونتش بصاحب حد من الوسط
الفني ولا ادخل بيت حد ولا حد يدخل بيتي لكن اعز
اصدقائي الفنان حسن يوسف وزوجته صديقة لزوجتي
واولاده اصدقاء اولادي كانت الحياة زمان حلوة ومريحة
انا بعدت دلوقتي حفاظا علي تاريخي وفني وعشان جمهوري
اكيد لو شافني بمثل مع اي حد من الجيل الجديد مش
هيحترمني وهيقول ده بيمثل عشان الفلوس.
س: فن البانتوميم ليه مش واخد حقه في مصر؟
ج: انا كنت بعمل حفلات باستمرار في الاوبرا بالذات
وكان العدد بيبقي كومبليت والصالة مليانة وكان الكلام ده
من اول الاوبرا ما اتفتحت كان ليا عرضين في السنة عرض
في القاهرة وعرض في اسكندرية وكنت بسافر خارج مصر
تبع وزارة الثقافة قاطعته متسائلا ليه مفكرتش تعمل فرقة
بانتوميم خاصة بيك؟؟
فقال مكلفة جدا الموضوع مش سهل دي هتبقي فرقة
ومحتاجة تدريب مستمر ومحتاجين اجر ومقابل .
س: نصيحة اخيرة توجهها حضرتك لاي فنان بانتوميم صاعد
او ممثل ناشئ؟
ج: الدراسة والتثقيف المستمر ولعلمك في فرق بين الدراسة
والثقافة الدراسة اكاديمية انما الثقافة ازاي تتعامل مع
الجمهور ازاي يبقي ليك شخصية وكاريزما هقولك حاجة لما
سافرت روسيا ادرس البانتوميم فوجئت بيهم بيدرسولي
فلسفة وعلم نفس وعلم اجتماع فسألت ليه فقالولي علشان
لما تطلع تعمل حرامي مثلا تبقي عارف الحرامي ده سلوكه
ازاي وتصرفاته ازاي.
في اخر اللقاء احب اشكر حضرتك جدا وسعيد بلقائي
معاك وكلنا بنحبك فقال لي انا كمان بحبكم جداا جدااا وانا
بخير زي منتا شايف وبصحة كويسة واحب اطمنكم عليا
وانا بين القاهرة والاسكندرية والمانيا والنمسا انا لما سافرت
للدراسة خارج مصر عمري ما شربت سجائر او خمور لان فن
البانتوميم يحتاج ذهن واعي ولماح وذكي فالحمدلله حافظت
علي صحتي الحمدلله انا من افضل عشرين فنان بانتوميم
علي مستوي العالم واخرجت عروض في المانيا وبسافر
للتحكيم في عروض ومسابقات وورش فنية خارج مصر
الي هنا انتهي حواري مع فنان طالما امتعنا بأعماله وبعروض
البانتوميم المتميزة التي كان يقدمها اتمني
