- مين رشحك لدور “منال” في حكاية “أم العيال”؟
استاذه شرين عادل اختارتني لأن سبق و اشتغلنا سوا بخط الايد قبل كده
- ايه اللى جذبك لشخصية منال؟
منال شخصيه حقيقه بعيد عني تماما في كل حاجه فهي بنسبالي كان تحدي وانا بحب الادوار اللي فيها تحدي خصوصا انها كانت في نفس وقت نسمة في حكايتي مع الزمن و الاتنين ابعد مايكون عن بعض
- احكيلنا عن تجربتك مع رانيا فريد شوقى وأحمد وفيق كانت ازاى؟
تجربه مميزه جداااا كنا عيلة بجد ومبسوطه بالشغل معاهم جداااا و اتمني اشتغل معاهم تاني
- ايه رايك في نوعية الابهات زى عبده في حكاية أم العيال؟
رأي انهم مؤذيين واعتقد الام او الزوجه لازم تتصرف زي صباح و تبعد عنه لحد ميبقي انسان كويس لان قربه هيضر الزوجة و الاولاد
- ازاى الأولاد يتعاملوا مع شخصية الأب زى عبده؟
الأولاد يبعدوا علي قد ما يقدروا ميتعملوش معاه عشان حتي ميتأثروش ويبقوا زيه
- ايه النصيحة اللى تحبى توجهيها لاى حد عنده اب زي شخصية عبده؟
انصح اي حد باباه بيتعاطى اي حاجه يوديه مصحه و يتعالج لان البيت هيتدمر
- ايه رأيك في فكرة ان الاولاد يشتغلوا ويساعدوا في مصاريف البيت؟
مش ضد لو مش هيأثر على المذاكرة و التعليم طالما يقدر يساعد و في قدرته يعمل كده مفيش مشكله بس الأولوية للتعليم اولا
- بالنسبة لحكاية حكايتى مع الزمان كلمينا عن تجربتك مع ميرفت امين واحمد خليل وأشرف ذكى؟
تجربة حكايتي الا انا مميزه جدا لاني اشتغلت مع فنانة عملاقة زي ميرفت امين و استاذ احمد خليل الله يرحمه و دكتور اشرف ذكي تجربه مختلفه و الكواليس كانت بينا حلوه اوي
- بالنسبة لدورك في حكايتى مع الزمان ازاى بتشوفى الحب من طرف واحد؟
بشوف الحب من طرف واحد شخص ضعيف مش قادر يواجهه ولا قادر يبعد موقف سلبي
- تنصحي البنات بايه عشان ميتحطوش في موقف نسمة مع زياد واعترافه ليها متأخر؟
انصح ان من الاول غلط تنجذب لحد خاطب و باني مستقبله و مختار حد تاني اكيد المفروض تبعد
- ايه الادوار اللى بتتمنى تعمليها؟
كل الادوار اتمنى اعملها مفيش دور معين
- هل في أعمال جديد ليكى او معرض عليكى أعمال؟
في مسلسل ورق التوت هيتعرض قريبا ان شاء الله
