في حد ساعات بيكون جمبك وما بتشوفهوش، ما تحسش أبدا بوجوده مع أنه قريب، وفي حد يفارق ويسيبنا إنما بيعيش جوه قلوبنا وتغيب الشمس أنما اسمه عمره ما بيغيب.
في فرق ما بين جسم بيمشي روح ما بتمشيش، واللي أنت اكيد سايبه ما بينا ضد النسيان، فرحت كتير واهو جه دورنا ومعاك هنكمل مشوارنا، أصل مفيش في الدنيا دي أغلى من روح إنسان.
وعشان أجيال بعدنا جايين، يفضلوا فاكرين يفضلوا عارفين، وعشانك حته منا، وعشان تفضل ما بينا، يفضل اسمك معانا سنين وسنين.
في عيد ميلاده الـ 75 محبين الإمبراطور “أحمد ذكي” من الفنانين يرسلون له رسالة حب
- الفنان “أحمد سلامه”
أحمد ذكي ممثل لا يمكن أن يتكرر مره أخري وستظل ذكراه في قلوبنا دائما، أحمد ذكي الجان والمحب وفتى الأحلام ذو المواصفات الاستثنائية الذي حطم الصورة النمطية للفتى الأول وفتي أحلام البنات بملامحه ولونه الأسمر وشعره المجعد
- الفنان “أحمد رفعت”
الله يرحمه كان رمز فني خالص وحاله خاصه وفريده
- المخرج أحمد خالد امين
احمد زكي كانت علاقة ابويا بيه علاقة خاصه جدًا، أهم فنان موهوب في تاريخ مصر وهو ميت بينافس فنانين كتير عايشين بالجسد اكتر من الروح.
- الكاتبة أماني التونسي
احمد ذكي اسطورة التمثيل في مصر، اعماله خلته هيعيش مئات السنين، كل عمل من اعماله قيمة وفن ومتعه.
ده أب جوه اعماله، والوحيد اللي كان بيقدر يخلينا ننسى اسمه، وندوب في الشخصية اللي بيجسدها، قدر يعمل البيه البواب، ومعالي الوزير وطه حسين وصدقناه جدا في كل دور
احمد ذكي الاسطورة ساب أثر في السينما المصرية خلاه لسه عايش معانا
- الفنان “محمد العمروسي”
كل سنه وانت معانا وبنستمتع بأعمالك، أحمد زكى لم يمت لإنه عايش في قلوبنا
- الفنان “عابد عناني”
أحمد زكى كان موجود وحاضر وعظيم سواء كان بيقدم شخصية بسيطة أو وزير أو رئيس، دايما فيه وزن تقيل وهاله من النور حوالين الراجل ده.
أظن أنه من القليلين في فن الأداء التمثيلي في العالم، اخترع لنفسه طريقة عرض للشخصيات معالمها أوسع من إنها تخضع للتقييم
باختصار، أصبح منهج بنفسه
شخصية عظيمة لذلك هتلاقى ممثلين كتير نفسهم يبقوا أحمد زكى، أكتر ما نفسهم يبقوا ممثلين.
- الفنان “كريم عبد الخالق”
هقول ان اليوم ده اتولد فنان عظيم، احمد زكي مكانش مجرد فنان عادي لا، احمد زكي عاش معاناة من ساعة لما اتولد لحد ما اتوفي الله يرحمه حتى في الفن عاش معاناة كبيره، فانه في كل الظروف دية ويكون من أحسن الممثلين في تاريخ الوطن العربي ويمكن لو كان عنده لغة اخري كنا شوفناله أفلام عالميه زي عمر الشريف.
احمد ذكي لازم يتدرس في مناهج التعليم، وخاصه في معهد الفنون المسرحية، الله يرحمه كان عظيم
- المخرج “معتز حسام”
الله يرحمه كان أحسن ممثل في مصر
- الفنان “محمد أحمد ماهر”
أحمد زكى كتلة المشاعر والأحاسيس، إمبراطور الفن الذي لم يأت الزمن بمثله، المبدع القادر على أن يقنعك بأنه الرئيس والزعيم والوزير والبواب والغفير والموظف والضابط الشرس والمجند البسيط البريء، والدجال والطبيب والمدمن رحمه الله وأنت ذهبت بجسدك لكن روحك لاتزال تعيش بيننا.
- الفنان “أحمد الرافعي”
” فيه حد يفارق ويسيبنا إنما بيعيش جوه قلوبنا بتغيب الشمس إنما اسمه عمره ما بيغيب.. أحمد زكي.”
- الفنان “تامر مجدي”
الله يرحمك يا أستاذ، كنت الصادق اللي بتعلم منه الصدق والإخلاص في التجسيد
- الفنان والمخرج “صلاح الدالي”
يوم ميلادك كان سببا لمعرفتنا ان هناك ممثل شاطر وممثل متمكن وهناك أحمد زكي
- الفنان “حسام فياض”
الله يرحمك يا استاذ كنت ومازلت مدرسه بنتعلم منك الاداء
- الفنان “عمرو رمزي”
كنت وستظل قدوة ومثال الفنان الذي من الصعب تكراره كنت فنان راقي وانسان عظيم
- الفنان “محمود يسري”
الله يرحمك يا نمر يا اسود ويا معالي الوزير يا الرجل الأول مش الثالث
- الفنان “أحمد شاهين”
اقل ما يقال انه الوحيد اللي نفذ مقولة الممثل يلعب أي دور شَخص الوزير وشَخص الغفير وهو والأستاذ محمود عبد العزيز والأستاذ يحيي الفخراني نماذج ملهمه جدا بالنسبالي الله يرحمه كان نفسي أقف قدامة ولكن محالفنيش الحظ الله يرحمه
- الفنان “احمد والي”
أنت قدوة لي اعمالك لن تكرر والامبراطور مستحيل يكون له شبيه ومهما مرت سنوات على فراقك مستحيل أن تنسي
- الفنان “كريم مغاوري”
الله يرحمك كنت فنان عظيم وانسان أعظم وهنفضل نتعلم منك طول العمر يا امبراطور
- الفنان “محمد درويش”
رحمة الله عليه امتنعنا وعلمنا والجسد الغاب واحمد زكي هيفضل خالد بأعماله
- الفنانة “ريهام نبيل”
الفنان العظيم أحمد ذكي الذي ترك لنا ما نتعلمه من اخلاقيات الفنانين الحقيقيون ومدرسه التمثيل التي صعب تكررها وحب الجمهور لك ولكل ما قدمته لنا من فن نحن دائما نترحم لك ونشيد بعلاماتك في الملأ وأذهاننا، أنت أخلصت، ونحن دائما نحبك
كما شارك مجموعة من النجوم مجلة هافن مشاعرهم النبيلة تجاه الفنان الراحل بمقاطع صوتية تم جمعها في الفيديو التالي
