قصص

الجزء الخامس | امراة غلبت الشيطان

اعوذ بكلمات الله التامات من شر ما خلق …
هجم عليا سليم والاوضة ضالمة مع كلامة الغريب مع الى انا فهماة وعارفة انى عملته خفت جدا الصراحة وقلبى كان هيقف …
قرب وشة من وشى وقالى خلى ريما تصالحنى … وصرخ ريمااااااااااااااا

الله اكبر الله اكبر ……..

او ما اذن الفجر جرى سليم نط ع سريرة وغطى وشة بالملاية وحط علية المخدة وفضل يتهز اوو يرتعش طول فترة الاذان ..
مجرد م الاذان خلص ثبت سليم تماما وبطل يتحرك …
ندهت علية.. سليم ….سليييم .. سليم
مابيردش

قمت نورت النور قربت من سرير بحرص جامد …
وبدات اندة تانى سليم .. سليم مش بيرد
قربت اكتر وكررت وندهت علية
برضو مش بيرد خفت …
وجة فى بالى انة مات…
قربت من وشيلت المخدة من ع راسة والبطانية …
لقيتة اتقلب النحية التانية
ندهت علية ورجيتة جامد سليم اصحى فوووووق
بدا يفوق سليم ويفتح عينه

وبعدين قالى يوما بتصحينى ليه عاوز انام حبة كمان …
وغمض عينة وابتسم وهو مغمض وقالى سيبينى انام بقى ..
غطيتة وسيبتة وقمت …
خفت اطفى النور فضلت منورة وفضلت قاعدة صاحية طول الليل …
بدات الشمس تنور بدات اطمن شوية بس برضو بقاوم النور وخايفة ..برضو وكل ما سليم يتحرك فى سريرة اوو نفسة يعلى اتخض …
تقريبا الساعة وصلت 8 قررت اطلع من الاوضة واعمل فطار وانزل بقى …

طلعت من الاوضة ورايحة ع المطبخ
لقيت عمرو نايم ع الكنبة فى الانتارية ..
فرحت جدااااا بشكل بشع لدرجة انى اتنططت مكانى زى المجنونة …
وبعدين الشيطان مسك دماغى .. قربت منه وحدة وحدة
من غير ولا صوت ولا نفس …

قربت منة جدااا ونزلت بركبى ع الارض وقرت وشى منة وبدات اشم ريحة نفسة وريحة جسمة …حسيت كانى شميت مادة مخدرة
ريحت جسمة لما دخلت مناخيرى ووصلت لصدرى حسيت ضربات قلبى بقت بطيئة وباخد نفسى بالعافية ومش قادرة اتحرك او اقاوم احساسى بانى عاوزة بجد احضنة جامد باللحظة دى …
حاولت اقاااااوم مش قادرة فعلا…
ورحت بدات امشى اطراف صوابعى على شعرة وعلى راسة وخدودة … حس بيا وبدا يفوق
قمت وقفت بسرعة وبعدت عنة

هويام :- عمرو عمرو اخيرا صحيت بقالى ساعة بحاول اصحيك انا لقيتك نايم ع الكنبة خفت جسمك يوجعك ورقبتك تتعوج قلت اصحيك تنام مكانى ع السرير الى جمب سليم طالما مش عاوز تنام فى اوضتك
انا اسفة لخبطلكم الدنيا انا هفطر وامشى ع طول …
عمرو:- صباح الخير يا هويام
هويام:- صباح النور اوف بجد دوشتك ع الصبح
عمرو :- بتعرفى تعملى قهوة مظبوط
هويام :- اممممم اكيد طبعا

عمرو :- طيب اعمليلى معاكى والنبى عشان افوق وانزل
هويام:- لا طبعا هتفطر الاول ماينفعش قهوة ع الريق
عمرو :- افطر ! تصدقى من يوم ما اتجوزت مابفطرش !
هويام:- دايت بقى وكدة؟
عمرو :- لا محدش بيعملى فطار وبقول لا فاتعودت اشرب قهوة اول موصل الشغل
هويام :- لا طبعا ماينفعش غلط جدا انا هحضر فطار وهصحى نهى ونفطر سوا
وقمت مشيت ودخلت المطبخ … حضرت الفطار
وصحيت نهى …

نهى اول ما صحيت لقت عمرو قاعد ع السفرة وقدامة فطار محترم …
بصتلى من فوق لتحت وقتلتلى
شيفاكى هيصتى فى الشقة والمطبخ وانا نايمة
وكمان اى كمية الفطار دى بتهدرى الاكل الى همشى بية البيت اسبوع فى فطار واحد ؟
اى التبزير دة.. بكرة لما تتجوزى دة لو حصل يعنى هتعرفى قيمة الفطار الى حطاة دة كلة ومش هتملى الاطباق بقلب كدة …

اي دة استخدمتى الطقم دة لية انا مبستخدمهوش غير فى العزايم المهمة افرضى اتكسر دلوقتى اوف بوظتيلى الدنيا
هويام:- اى يا بنتى صاحية تتخانقى مع دبان وشك بدل ما تشكرينى ع الفطار الرومانسى دة اخس بجد
عمرو اتعصب وقعد يقول استغفر الله العظيم استغفر الله العظيم حتى اللقمة مش عارفين نطفحها سميتى بدنى ع الصبح انا هلبس وانزل الشغل
نهى :- انت مالك اصلا اى دخلك بالحوار ولا انت مش طايقلى كلمة ولا نفس غريبة دى

عمرو اتعصب وقام دخل الاوضة يلبس
وانا كمان قمت جريت عشان البس ع انزل معاة
وفعلا لحقتة وقلتلة خدنى ع طريقك وصلنى بقى …
نهى حاولت تعطلنى ع قد ما تقدر عشان منزلش معاة بس هو برضو استنانى …
وبالفعل تزلنا سوا

ركبنا الاسانسير سوا … كل منقرب من بعض او المشافة بينا تبقى قلية بحس باحاسيس غريبة .. الى هو مستعدة لاى حاجة وكل حاجة معاة …
فضلت باصة فى الارض مرضتش ابصلة خالص لو بصيتلة هضعف .. وهتغابى واغلط…
بس حسيتة طول الوقت باصصلى ودة خلانى ارتبك اكتر ..اول مرة تصادف ابقى انا وهو بمكان مقفول لوحدنا …
مكنتش عاوزة ننزل من الاسانسير خالص ولا نوصل
بس وصلنا …
نزلنا من العمارة وصلنا عند عربية راح شغلها من بعيد وفتحلى الباب ولف ركب هو النحية التانية
شكلة راجل جينتل وذوق جدا … خسارة
لا مش خسارة…. اكيد هيبقى مكسب …
ركبت معاة
شغل اغنية فيروز …
بعدك على بالي يا حلو يا مغرور
يا حبق و منتور على سطح العالي
مرق الصيف بمواعيدو و الهوى لملم عناقيدو
و ما عرفنا خبر عنك يا قمر و لا حدا لوحلنا بإيدو
بتطل الليالي و بتروح الليالي و بعدك على بالي
قلتلة انا بموت فى فيروز دى مغنيتى المفضلة هى وكاظم والهضبة …
لما يبقى المزاج رايق وفى حالة شجن بحب اسمع فيروز لما ابقى فى حالة عشق بحب اسمع كاظم .. وديما باى حل بعشق عمرو دياب
رد وقالى ذوقك عالى جدااا انا برضو بحب ال3 دول …
الفلاشة دى مافيش عليها غير اغانى فيروز وبس
بسمعها لما اكون لوحدى
ولما تكون نهى معايا بنشغل الفلاشة دى
قلتة اشمعنة قالى عشان هى مابتحبش فيروز بتحب تسمع حماقى تامر كدة
قلتلة الاختلاف حلو برضو بيخلى للحياة روح كدة
قالى بس مش ديما بنحب الى قدامنا يكون مختلف احيانا بنحتاج الى شبهنا عشان يفهمنا ويفهم بنمر باى ..
قلتلة عندك حق …
قالى تعرفى انا كنت بحب نهى بشكل جنونى عارف الى هو لو تعبت هى احس انا بالتعب فى جسمى نفس الى بتحس بية بحسة طيب تعرفى انى كنت لما اروح الشغل افضل طول الوقت اتصل عليها وابعتلها رسايل كانت بتوحشنى اوى انا من يوم م اتجوزتها قطعت علاقتى بصحابى تقريبا عشان اتلهيت معاها ومكونتش عاوز فى حياتى تفاصيل غيرها … حاجات كتير اتغيرت …. مش عارف لية

وسكتنا لحد ما وصلنى وسلمت علية وطلعت …
اضايقت جدا وهو بيحكى معرفش لية هل عشان نهى برضو اختى وفى حتة جوايا انا بحاول ادفنها بالقوة بتحاول تمنعنى انى اازيها
لما طلعت لقيت نهى بتكلم ماما بالفون .. ماما قالتلها اهى وصلت خلاص خلاص يا نهى
خلاص يانهى هفهمها يابنتى خلاص متكبريش المواضيع بقى
سالت ماما فى اى مالها نهى
ردت مافيش ياستى نهى عيلة هبلة بتقول ان وجودك مرع عمرو عليها وكدة والمفروض تكونى بصفها عشان مايتنمردش عليها ..
قلتلها بصفها اى هو مكنش فى حاجة اصلا ع اقف بصف حد بصى نهى مقرفة وانا زهقت منها فكك منها
هدخل انام عشان منمتش من امبارح…
ودخلت اوضتى جرى وفتحت النت ودخلت ع صفحة ريما لقيتها سيبالى مسدج انها هتستنانى الساعة 10 م
واكون محضرة شمع ولبن وورق وخيط اسود وخيط احمر وحتت فحم وعضمة من حيوان لسة مدبوح …
كلة موجود بس اى حيوان لسة مدبوح دة اعملها ازاى دى …
طيب انا عاوزة انام بس اخاف انام واصحى متاخر ملحقش اجيب العضم الى لسة مدبوح دة
انا احسن انزل دلوقتى ادور ع جزار يكون لسة دابح واخد منة عضم …
لبست ونزلت فضلت الف بالشوارع عشان الاقى حد بيدبح ع اضمن ان العضمة مش هيبقى فيها مشكلة
4 سعات ونص بدور … هلكت ورجلى وجعتنى فضلت الف بالشوارع كتير جدا
لحد م ف الاخر لقيت جزار بيدبح خروف لحد تقريبا هيعملوا بية عقيقة … دخلت للجزار ومحروجة مش عارفة اقولة اى…
هقولة عاوزة عضمة !
هيدينى اى عضمة اشمعنة من الخروف اقولة اييية
بصى يا هويام اقتحمى واطلبى هيستغربك بس هيديكى مالوش عندك حاجة استحملى علامات الاستفهام والاستغراب على وشة لحد متاخدى الى انتى عوزاة….
1 2 3
لو سمحت انا محتاجة حتت عضمة صغيرة من الخروف الى بيتدبح دة…
الراجل بطل دبح وبصلى وتنح ؟نعم؟

ابتسمت معلش محتاجاها ضرروى والله
اااه اصلى انا بعمل ابحاث ومحتاجة عينة نشطة
رد وقالى عينة نشطة ؟يعنى اى
اممممم قلتلة يعنى ع احللها صح واعمل ابحاثى لازم تكون لسة مدبوحة جديدة مش مدبوحة من فترة
رد وقالى مع انى مش فاهم حاجة بس حاضر ..
استنى شوبة اخلص دبيح واديكى
بعد مخلص ادانى العضمة ومشيت …
اول ما طلعت حضرت الى قالت علية…

واترميت ع السرير نمت …
كنا داخلين ع العصر تقريبا
صحيت لقيت الدنيا ضلمت … قمت نطيت من ع السرير خفت الساعة تكون عدت 10 لقيتها 10الا تلت فعلا ..
قمت بسرعة غسلت وشى وعملت سندوتش وكوبايةةقهوة
ودخلت الاوضة وقفلت على نفسى ومسكت الموبايل واستنيت ريما …

10 بالظبط بعتتلى مسدج جاهزة
رديت اكيد …بس جاهزة لاية
قالتى ماتساليش لحد منخلص الغلطة بالتحضير هتاذيكى انتى
.
قلتلها خلاص تمام تمام …
قالتلى هاتى ورقة بيضة .. وامسكى الفحم اكتبى بية على الورقة البيضة الى هقولهولك دة ..

(62 مم 62 عن 78 تم تم 78تم وحد وحداد 89 وحدتد 89 وحداد سلم سلم سلمااااان وجد وجد وجدتتتن تم تم تمتتتتتا )

طبقيها وحطيها على جمب ..
هاتى العضمة والخيط الابيض والخيطى الاسود لفى الورقة على العضمة ولفى الخيط الاحمر 7 لفات وبالتخؤ اعقديه 7 عقدات وفوقة الخيط الاسود 7 لفات وفوقة اعقدية 7 عقدات …حطيهم فى كيسة سودة وحطيهم تحت مرتبتك …وتعالى

طبعا هى زى ما بتقول بنفذه بالحرف
خلصت الى طلبتة ورجعتلها قالتلى دلوقتى هتدخلى الحمام وهتطفى النور وهتولعى 4 شمعات فى كل ركن من اركان الحمام شمعة وهتقفى بالنص هتقولى العزيمة دى
(سلام انتماء حق القدوم ابليس انتماء طاعة حق الوجود الساعة حق والوعد حق والقرابين حق عظمتك حقك يا سلام سلم يا حق حققق يا وعد وعد معد االلقاء حق الوجود بدأ )
اكتبيها فى ورقة وقوليها جوة 7 مرات …

وكبى اللبن فى الارض ودووووسى علية 7 مرات ..
ماتخافيش من الى هيحصل بعد كدة .. هيحصلك اشارة قبولك وقبول قربانك ومن بعدها حياتك كلها هتختلف …
سالتها ازاى يعنى ؟ قالتلى خطوة خطوة يا هويام روحى نفذى واستنى منى خبر …..
دخلت الحمام ..وولعت شمعة بكل ركن ووقفت بنص الحمام مسكت الورقة فى الضلمة وقريت العزيمة 7 مرات …كنت خايفة جداااا الجو يوحى بالرعب وان فى حاجة وحشة ع وشك الوصول …
خلصت قراية 7 مرات وكبيت اللبن ف الارض ودوست علية 7 مرات ….
مجرد ما خلصت لقيت ال4 شمعات طلع منهم اشعة اتوصلوا ببعض …

وسمعت صوت زى حد بيخبط حاجة حديد فى حاجة حديد

وصوت جوة بيقول كلمات زى هااااام هاااا هااام مهاااااام
هاااام هام مهااااهماهاااام هااااااام هاااام مهمااااام

وبدأ الصوت يقوى جدااااا صوت الخبط وصوت الكلمات …
وبعدين الشمع اطفى وحسيت كان فى حد بيلف حواليا ….فضلت واقفة ثابتة مكانى خفت اتحرك ابوظ الى عملتة ويتقلب عليا زى ما قالتى ….
بعدين حسيت كان فى حد بيمشى اطراف صوابعة على جسمى …
بدأت اتنفس بصوت عالى وخفت جداااا بس برضو فضلت ثابتة تماما ….

فضلت احس ان مش حد واحد يمكن اكتر من حد بيلمس جسمى وانا بالحمام بالضلمة واقفة فوق اللبن الى كبيتة …..
استمر الوضع دقيقة …. ونور الحمام نور والباب اتفتح …..
والغريب اختفوا الاربع شمعات … ومافيش لبن بالارض ….
طلعت جريت ع اوضتى رحت اكلم ريما اشوفه اى الى حصل دة وهل نفذتة صح ولا ف حاجة غلط …

لقيتها سيبالى رسالة مبروك تم قبولك فى عالمهم .. مش مطلوب منك غير السمع والطاعة ومهما حصل تستسلمى تماما وتسلمى نفسك ..
ممنوع من انهاردة تشغلى قران ممنوع تصلى ممنوع يبقى فى اوضتك اى حاجة عليها قران او مصحف عشان دة هيمنع وصولهم ليكى …انتى كدة بقيتة من عبدة الشيطان … عليكى بالطاعة وهيحققلك كل الى نفسك فية …بكرة حضرى شعرة من شعر راس عمرو . … واستنينى ….
مجرد ما شوفت الكلام انا مفهمتش وحسيت بالخوف
يعنى اى عبدة الشيطان اى الى بتقولة دة !
ويعنى اى اسلم واستسلم ؟
ولمين ؟

دخلت عملت بحث ع النت بالحاجات الى طلبتها منين …
لقيتها كلها بيعملها الى عاوز يبقى كافر … طرق الكفر ..
جسمى قشعر يعنى انا بقيت كافرة !
هو اى الى الى بيحصل دة …
تليفونى رن … عمرووو!
هويام :- الو اى يا عمرو قلقتنى انتوا كويسين وسليم كويس
عمرو:- اه كلنا بخير ماتقلقيش انا بس كنت .. كنت مخنوق ومحتاجلك اوى
يتبع

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!