فنان شاب في بداية مشواره الفني، استطاع فرض موهبته على الساحة الفنية بمهارة وإتقان، حيث تألق في أكثر من عمل فني وبمختلف الأدوار حيث ارتدي الطيبة والشر واستطاع الجمهور كرهه والتعاطف معه.
وشارك حديثًا في سلسلة حكايات مسلسل إلا أنا في حكاية طعم الدنيا وحكايتي مع الزمان، حيث كان لنا حوار متميز مع النجم الصاعد أحمد والي وهذا ما نص عليه الحوار.
في بداية الحوار..حدثنا عن تجربتك بشكل عام في مسلسل إلا أنا؟
مسلسل إلا أنا تجربة مهمة جدا في حياتي ونقلة كويسة أوي وخطوات مش هنساها لحد اخر يوم في حياتي.
شاركت في حكاية “حكايتي مع الزمان” مع الفنانة ميرڤت أمين حدثنا عن كواليس العمل معها ؟
من احلي الكواليس اللي ممكن تعدي على الممثلين الشباب من طاقة ومن احتواء ومن أدب ومن ذوق ومن حاجات كتيرة اوي اوي.
وماذا عن ردود الأفعال؟
ردود الأفعال كانت جميلة أوي أوي زي ما معظم الناس شافت.
في سيرة الفنان الراحل أحمد خليل حدثنا عنه أيضا؟
أستاذ أحمد خليل مفيش كلام يتقال عليه أكتر من هو أب روحي لينا في المسلسل، والله يرحمه كان بيدينا كل النصايح بقى والمعلومات وازاي نحافظ على ده لما نكبر وازاي نجبر الناس على احترامنا.
كيف جاء ترشيحك لادوارك في كلا من حكاية حكايتي مع الزمان وطعم الدنيا؟
جاء ترشيحي في حكايتي مع الزمان من دكتور أحمد حسن وأستاذ أمين جمال وبعد كده ابتدأ الترشيح يجي من الشركة اروما.
أحمد والي.. من وجهة نظرك ما الذي يحتاجه الشباب الصاعد ليثبت نفسه في مهنة التمثيل؟
أعتقد اللي يحتاجه الممثل إن يكون في ناس بتآمن بموهبته يعني هو إذا كان موهوب وإذا كان عنده حاجة كويسة يقدر يقدمها إن حد يآمن بيه.
هل استمتعت بتجربتك في حكاية “طعم الدنيا” مع النجمة إيمان العاصي وباقي كرو العمل؟
استمتعت جدا جدا جدا في التجربة دي مع إيمان العاصي واسلام جمال ومحمد علي رزق رشا بن معاوية وهاجر عفيفي وريم احمد وشريهان وأبو السعد ووليد ابو المجد وأميرة الشريف وهبة حسن، لا قابلت ناس كتير جُمال جدا جدا جدا طبعا بالإضافة إلى أستاذة حنان سليمان وأستاذ سامى مغاورى في ناس كتير يعني الكرو ده لذيذ أوي.
من خلال تجسيدك لدور “خالد” الذي قام بخيانة زوجته في حكاية حكايتي مع الزمان.. من وجهة نظرك هل تسامح الزوجة إذا تعرضت للخيانة؟
علي حسب شخصية الزوجة بصراحة.
ماذا عن المسرح في حياة أحمد والي؟
لسة مفيش حاجة جديدة أنا بحب المسرح جدا يعني هعمل مسرح بطريقة معينة برومنس معين بمود ومزيكا ورقص يعني حاجات كتير.
لو هتوجه رسالة شكر من خلال حوارنا هتكون لمين؟
هشكر دكتور أحمد حسن علي إيمانه بيا وعلي وقوفه جنبي في أول خطوات حياتي ووالدتي وعيلتي طبعًا.
