جيلان علاء هي ممثلة شابة مصرية تألقت في العديد من الأعمال، وكان آخر أعمالها هو دور ميرال في حكاية “حلوة اللقطة” من مسلسل “نصيبي وقسمتك” الجزء الرابع، كما اشتهرت بدور رضوى في مسلسل “الآنسة فرح”
مين رشحك لدور ميرال في حكاية “حلوة اللقطة”؟
المخرج والكاتب والإنتاج واشتغلت معاهم قبل كده، عمرو محمود ياسين وأحمد عبد العاطي اشتغلت في الموسم التاني وده الرابع
ايه اللى جذبك لشخصية ميرال؟
شخصية ميرال لذيذة معملتهاش قبل كده ومشتغلتش حاجات فيها خطف قبل كده والموضوع كان جديد بالنسبالي
كلمينا عن تجربتك مع عمرو محمود ياسين وباقي الكاست؟
أنا وعمرو محمود ياسين اشتغلنا قبل كده مع بعض وبقيت الناس كانت لذيذة وكنا مبسوطين مع بعض جدًا في التصوير والأدوار كانت حلوة
ازاى حضرتى نفسك لمشاهد الخطف والمكان اللى كنتوا محبوسين فيه؟
كنت بختبر نفسى في الدور لأنه حاجة جديدة بالنسبالي
اللقطة الأولى عن الأشخاص ممكن الأيام والمواقف تخلينا نغير نظرتنا ليها؟
اه طبيعي لأنه مش دايما أظبط حاجة ممكن الواحد يبقى فاكر أنه عارف حد اوي من أول مرة يشوفه فيها وبعد كده يكتشف أنه أحسن أو أوحش وأنا وقعت في ده كتير في ناس اتصدمت فيها خير وشر
ممكن المواقف تخلي مشاعرنا تتحرك ناحية أشخاص زى ماحصل مابينك وبين توني ماهر؟
هو بيني وبين توني ماهر محصلش لقطات حب
تحبي تقولي ايه للناس عشان متاخدش لقطة أولى ومتحكمش على حد من أول مرة؟
مش هقول حاجة للناس انها متاخدش لقطة ومتحكمش على حد أنا شخصيًا بحكم على الناس بدري شوية ومشاعري ممكن تخوني حد أحس أنه جميل أوي ممكن يطلع لا هي نفسها فكرة الانطباع
ايه الأدوار اللي بتتمني تعمليها؟
حاجات سيكو دراما
هل في أعمال قادمة ليكي؟
في حاجة جاية بس لسه متفقتش عليها
