الفن نيوز

«هين قرشك وما تهينش نفسك».. تصريحات نارية عبر الهاتف للفنانة رانيا فريد شوقي

خلال مداخلة هاتفية أجرتها الفنانة رانيا فريد شوقي عبر برنامج “زق عجلك” الذي يذاع على “شعبي اف ام” من تقديم “شيماء السباعي، تامر جابر”.

قالت عن عدم ظهورها في البرامج التي تتدخل في الخصوصية: “برفض الظهور في البرامج اللي بتتدخل في الحياة الخاصة، والمذيعين اللي بيعصروا الفنانين ويقعدوهم على كرسي الاعتراف لو إحنا كمان تدخلنا في خصوصياتهم وحياتهم الشخصية هنطلع منهم مشاكل كتير”.

وعن أبنتها وماتريدة قالت “بنتي ملك ميالة للفن زيي، بس قلت لها تخلص دراسة الأول ونتكلم.

وعن والدها الفنان فريد شوقي قالت: بابا الله يرحمه اتأثر بشخصية “عوض” في مسلسل “البخيل وأنا” وجرب فينا حاجات كتير وقت تصوير المسلسل، ودايما يقول لي أنا وأخواتي أنا مش هسيب لكم فلوس، بس هسيب لكم شهادات تجيبوا منها فلوس”.

وعن نفسها قالت: “عمري ما حوشت ولا أنا ولا أبويا وفلوسي دايما طايرة، وبناتي مش بيحوشوا وطالعين زيي، رغم إني جبت لهم حصالة كذا مرة بس مفيش فايدة، وأنا من الشخصيات اللي مبدأها “هين قرشك وما تهينش نفسك”.

وكان لزوجها دور في حياتها وقالت عنه: “جوزي عامل لي دعم كبير في شغلي، لأن مهنتنا صعبة جدا ومالهاش مواعيد، ومش أي راجل شرقي يتقبل طبيعة شغلانتنا ولازم يكون متفتح ومؤمن بكيان المرأة”.

وقالت أن: “الأجيال الجديدة عندها وجهات نظر أوروبية، إنها مش لازم تاخد شهادة، وبنتي ملك قالت لي أنا عايزة آخد كورس تمثيل ومش لازم أدخل الجامعة، ودوري في حياة ولادي إني حيالله أمهم، والجيل الجديد بيعمل اللي هو عايزه”.

واختتمت: “بصور حاليا مسلسل “أبو العروسة” الجزء الثالث، وبكمل تصوير مسلسل “الحلم”، ومش شايفة إن فيه فرق بين مسلسلات رمضان والمسلسلات اللي بتتعرض خارج رمضان، وأهم حاجة من وجهة نظري اختيار الورق الجيد، وده اللي اتعلمته من بابا، إن رأس الهرم هو السيناريو”.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!