أنهار “حمو بيكا” مغني المهرجانات، خلال ضيافته في برنامج «كلام الناس» مع الإعلامية ياسمين عز، لما يلقاه من نقابة الموسيقيين من ظلم والاستيلاء على حقه.
وصرح بتعدد المسؤوليات والحمول عليه حيث إنه يتكفل بمصاريف شقيقاته وأمه وأفراد فرقته الموسيقية الذين يمثلون حوالي 15 شخص.
و أثار كلا من “حمو بيكا و حسن شاكوش” مغنيان المهرجانات الجدل بتصريحات قوية لهما خلال ضيافتهم في برنامج «كلام الناس» مع الإعلامية ياسمين عز.
ومن أبرز تصريحات حمو بيكا:
كنت بدفع 15 ألف جنيه للنقابة وباخد ايصال ب2000 جنيه وكنت بوافق عشان عايز أكل عيش.
سيادة النقيب هاني شاكر صرح لكل الناس تغني ماعدا إحنا.
أنا معنديش صوت أنا مؤدي وداخل النقابة بجمهوري.
مش هدخل اختبارات نقابة الموسيقيين تاني.
رسالة لنقابة الموسيقيين “اعتقوني لوجه الله أنا قربت أصرخ في الشارع من كتر الظلم”.
في أعضاء من النقابة كانوا بيبعتوني أفراح تبعهم أغني فيها ببلاش وأنا موقوف.
رفعت قضية كبيرة على نقابة الموسيقيين والمرة الجاية هعلن أسماء اللي ظلموني.
أشكتي إزاي لهاني شاكر وأعضاء المجلس مش معترفين بيا.
وفجر حسن شاكوش هو الآخر تصريحات قوية وأبرزها:
بعد ماوقفونا بقى عندنا شغل كتير برا مصر.
الفلاشة بتاعتنا عاملة عقدة لأنها مقعدة ناس كتير في بيوتها.
حمو بيكا مظلوم كل ما يدخل اختبارات مينجحش مع إن في ناس تانية صوتها مش حلو ونجحت.
أتوقفت بسبب مشكلتي مع رضا البحراوي هو أتوقف شهرين وأنا لأجل غير مسمى.
والدتي عندها كانسر وهي السبب في كل ما وصلت له.
ياريت يصنفونا مطربين راب ويدونا كارنيهات.
مش أي حد يغني بالفلاشة، محتاجة فن وهندسة.
أفتخر إني من منطقة شعبية وهعيش وأموت في بولاق الدكرور.
